ማን ነው ክህደት የፈጸመው? የአገር መከላከያ ሰራዊት ወይስ ትህነግ? የሰሜን ዕዝ ሙሉ በሙሉ ትህነግን ተቀላቅሏል ተብሎ የተሰጠው መግለጫ ከየት የመጣ ነበር? ሁሉም ይቅር አራትና አምስት ቀን በውሃ ጥም እየተቃጠለ ራሱን ያተረፈውን ወታደር እንመን? ወይስ ደብረጽዮንን?

ሰለሞን ሃይሉ – ዛሬ አመሻሽ ላይ ደብረጽዮን በምስል ወቅታዊ መግለጫ ለመስጠት ብቅ ሲል ከወትሮው እጅግ የተለየ ነበር። በትህትና ” የተከበራችሁ ውድ የኢትዮጵያ ብሄር ብሄረሰቦች” በማለት ጀመረ። አስከትሎም ኤርትራና የአገር መከላከያ ተባብረው እንደወረሩዋቸው አመለከተ። ከዚያ መከላከያ ላይ በተፋ መቁረጥ የካድሬ ዝናብ አዘነበ።

ቃል በቃል የሚከተለውን የቃላትና የሃርግ ዱላ አወረደ። በተሰበረ ስሜት ” እንሰዋለን” ካለ በሁዋላ ከመላው አገሪቱ እገሌ ከገሌ ብሄር ሳይባል ሰፊ የደጀን ድጋፍ የሚጎርፍለትን የአገር መከላከያ ሰራዊት ስም በመጥራት ” የኢትዮጵያ ህዝብ መከላከያ ሰራዊት አለኝ እንዳትል” ሲል አስተጋባ።

” ወራዳ፣ ታሪኩን የጨረሰ፣ አገርን ከወራሪ የማይታደግ፣ ትግራይን የወረረ፣ የትግራይ ህዝብን የከዳ፣ ዓላማ ቢስ፣ የአምባ ገነን ዘበኛ፣ ጸረ ህዝብ፣ ራሱን ወደ ደርገ ሰራዊት የቀየረ፣ አኩሪ ታሪኩ ያከተመ፣ ማፈሪያ … ” እያለ አገር የሚመካበትን ሰራዊት አወገዘ።

በዚህ አላበቃም ” ባዕዳን ናችህ ” ሲል አራት ነጥብ አስቀመጠ። ” ወራሪዎች ናቹህ እንፋለማችኋለን” በማለት ለፉከራና ማስፈራሪያ በማይመች ገጽታና አንደበት ዛተ። ቀጥሎም ” ከሻዕቢያ ጋር ደርበን ” ብሎ የቀብር ስርዓቱን በአጃቢ ለማሳየት ሞከረ።

Related stories   ህወሃትና ኦነግ ሸኔ በሽብርተኛ ድርጅትነት እንዲሰየሙ የውሳኔ ሐሳብ ቀረበ

ስሜቱ እጅግ እንደተነካና ነፍሱ ወደ አንዳች ጥግ እየጎተትችው እንደሆነ መሸሸግ ያልቻለው የትናንቱ የክልል ፕሬዚዳንት፣ የዛሬው ጁንታ ” መሬት አስመላሽ” ሲል የአገር መከላከያን አዲስ ስም ሰጠው። ሳግ እያነቀው መሬት መዝረፉን በኑዛዜ አፈረጠው። ውስጡ የመሬት ሌባ መሆኑንን አመነች። በእሱ ተስፋ መቁረጥ ውስጥ ሆነ ነበሱ ቃተተች። ምን ይደርግ?

ሲጀመር” የኢትዮጵያ ብሄር ብሄረሰቦች አድኑን” ብሎ ለምኖ ” የክህደት ክህደት ፈጽማችኋል፣ ልታስመልሱ ያሰባችሁት መሬት ላይ ከሻዕቢያ ጋር ደርበን እንቀብራችኋለን” በማለት እስኪጨርስና እስኪሰናበት ሲታወኝኝ የነበረው እኒያ ለትግራይ ህዝብ እንደ ቤተሰብ፣ ለአገር እንደ ምሶሶ ሆነው ሲያጭዱ፣ አቅመ ደካማ ሲያግዙ፣ አንበጣ ሲከላከሉ፣ ሲያርሱና ሲዘሩ የነበሩ ወገኖቻችን የደረሰባቸውን ባንደበታቸው ሲናገሩ የሰማሁት ነው።

ካድሬነት ጸያፍ ነው። ካድሬ ልብና ህሊና የለውም። ካድሬ ማንነቱ ደረቅ ነው። ካድሬ በድን ነው። ካድሬ የፊቱን እንጂ የኋላውን የማያይ ቅጣፊ ነው። የታረዱት፣ በተኙበት የተረሸኑት፣ በሸፍጥ ግንኙነት ተቋርጦባቸው የተጠበሱት ወገኖቻችንን በገሃድ የነገሩንን ገልብጦ መከለከያችንን ለእኛ ለደጀን ጋሻዎቻቸው ያማል።

ድፍረቱ እሱ ከባልደረቦቹ ጋር ሆኖ ሲሴስንና ሲዘርፍ እነሱ የድሜያቸውን ወርቃማ ጊዜ በጉድጓድ ውስጥ እንዳላሳለፉ፣ በባድሜ፣ በጾረናና በዛላንበሳ እንዲሁም በቡሬ ግንባር፣ ከዛም አልፎ ሶማሌ አስከሬናቸውን እያስጎተተ ዶላር እንዳላፈሰባቸው ” ካሃጂዎች” ይላቸዋል። ” ታሪካችሁን ገደል የከተታችሁ ማፈሪያዎች” ይላቸዋል።

ይህንን የምታነቡ አስቡት አንድ እድሜውን በደም አበላ የተጨማለቀ ፣ አገርን ቆዳዋን ገፈው የለበሱ ስግብግቦችን የሚመራ ጁንታ ምስኪን የአገር ምሶሶዎችን ” ታሪክ አልባ ” ሲልና ለሚወዳቸው ህዝብ ሲያማቸው … ሲያልቅ እንዲህ ነው። ሲያር እንዲህ ነው። በር ሲዘጋ እንዲህ ነው። የመጨረሻ ሰዓት ንግግር መቀባጠር ቢሆንም ካድሬ ምን ያህል በቁሙ የበደነ በድን፣ የደነገየ ድንጋይ፣ የሞተ ሙታን እንደሆነ ግንዛቤ ይኖራችኋል ብዬ አምናለሁ።

Related stories   ዶክተር አብራሃም በላይ የትግራይ ክልል ጊዜያዊ አስተዳድር ዋና ስራ አስፈፃሚ ሆነው ተሾሙ!

ህግ ማስከበሩ ይቀጥላ። የመሬትና የተራ ወሮ በላነት አጀንዳ የለም። ኢትዮጵያችን የሁላችንም አገር ናት። አላማው ህግን አስከብሮ በሰላም ተሳስቦ የመኖርና የመላማት ብቻ ነው። ምስኪን የትግራይ ለፍቶ አዳሪዎች ዛሬም ነገም ትናንትም ኢትዮጵያዊ ናቸው።

  • ዶክተር አብራሃም በላይ የትግራይ ክልል ጊዜያዊ አስተዳድር ዋና ስራ አስፈፃሚ ሆነው ተሾሙ!
    የትግራይ ክልል ጊዜያዊ አስተዳደር ዋና ሃላፊ ሆነው ለስድስት ወራት በሃላፊነት የቆዩት ዶ/ር ሙሉ ነጋ በዛሬው እለት ከስልጣን መነሳታቸውን ማረጋገጥ ተችሏል። በምትካቸው ዶክተር አብራሃም በላይ የትግራይ ክልል ጊዜያዊ አስተዳድር ዋና ስራ አስፈፃሚ ሆነው ተሾሙ የትግራይ ብልጽግና ፓርቲ ፕሬዚዳንትም የሆኑት ዶ/ር አብራሃም የኢኖቬሽንና ቴክኖሎጂ ሚኒስትር ሆነው እየሰሩ ይገኛሉ። ዶ∕ር አብርሃም በተለያዩ የመንግስትContinue Reading
  • እኛ የምንመርጠው አባትና አያቶቻችን የመረጡትን ነው።
    ከመንደር ወጥተናል።ሀገርን መርጠናል።ልካችን ሳንመርጥ የተወለድንበት ብሔራዊ ማንነታችን ሳይሆን ኢትዮጵያዊነት ነው። ኢትዮጵያዊነት ስንል ለህዝቦቿ ደህንነት እና የብሔራዊ ሠንደቅ ዓላማ ክብር ወዶ እና ፈቅዶ የመሞት ቁርጠኝነት የሚያላብስ ማንነት ነው። የእኛ ምርጫ በጊዜ ወቅት የሚገደብ፣ በውስጥና ውጭ አካል የሚታዘብ አጨቃጫቂና አከራካሪ አይደለም።በውርስ የሚተላለፍ ነው። የብሔሮችና ብሔረሰቦችን ሀገራዊ አስተዋፅኦ የምንለከው በአባት አያቶቻችን ከአእምሮ በላይContinue Reading
  • አውሮፓ ህብረት – ላለፉት 28 ዓመታት በኢትዮያ ተላላኪ መንግስት እንደነበር ለኢትዮጵያ ህዝብ አመነ
    “የአውሮፓ ህብረት ምርጫ የማይታዘበው በበጀት እጥረት መሆኑንን ገልጾልናል” ሲሉ የቀድሞው ጠቅላይ ሚኒስትር ኃይለማርያም ደሳለኝ ተናገሩ። ህብረቱ ወዲያውኑ ” በበጀት እጥረት ምክንያት ሳይሆን የቀረነው ስላልተጋበዝን ነው” ሲል ድምጹን አሰማ። ምላሽ ሰጠ። ጉዳዩ ከዚያ በላይ አልሄደም። ነገሩ ህወሃት የሚባለው አገዛዝ ቀደም ሲል የገባው ኮንትራት ነበርና ብዙም አስገራሚ እንዳልነበር በወቅቱ ብዙ ተብሎ እንደነበርContinue Reading
  • የደህንነትና ፀጥታ የጋራ ግብረ ኃይል አገር ለማተራመስ በህቡዕ የተደራጁ በርካታ ግለሰቦችን ከነመዋቅራቸውና መስሪያዎቻቸው በቁጥጥር ስር አዋለ፤
    በተጨማሪም በውጭ በተለያዩ ሀገራት ሆነው ይህንን ህቡዕ አደረጃጀት ሲያስተባበሩ እንዲሁም የፋይናንስ፣የሃሳብና የሎጀስቲክስ ድጋፎችን ሲያደርጉ የነበሩ ፕሮፌሰር አበራ መሸሻ፣ አቶ ተሻለ ከበደ ኢዶ፣ወይዘሮ የሀረርወርቅ ጋሻው፣ አቶ አስፋው ጀቤሳ፣ አቶ መዕረግ፣ አቶ ቢኒያም፣ አቶ ኪሩቤል፣ ወይዘሪት ሊሻን አህመድ፣ ዶ/ር ገነት፣ ወይዘሮ አረጋሽ፣ ኢንጀነር ሊሻን ግዛውና አቶ ሀገሬ አዲስ በወዳጅ ሀገራት ትብበርና  ከኢንተርፖል Continue Reading

Share and Enjoy !

Shares

Leave a Reply

Your email address will not be published. Required fields are marked *