ዛሬ ላይ የኢትዮጵያን አየር ሃይል ቢሮ ውስጥ ቁጭ ብሎ ማጥቃት የሚያስችለውን ቴክኖሎጂ መቀዳጀቱንና በዚሁ ደረጃ የትህነግን ምሽግና የመሳሪያ ክምችት መርጦ እንዳወደመና በቀጣይም የጁንታውን መጨረሻ በልዩ ዘመቻ እንደሚያጠናቀቀው ተገለጸ። ትህነግ የውጪ አገር ጣልቃ ገብነት አለ በሚል የወተወተው ባለፉት ሁለት አስርት ዓመታት አየር ሃይሉ እንዴት እንደዘመነ ላለማመንና ሽንፈትን ላለመቀበል የተመረጠ የሃሰት ስልት መሆኑ ተመለከተ።

ስግብግቡ የህወሃት ጁንታ ንብረትነቱ የመከላከያ ሰራዊት ባልሆነ ሰው አልባ አውሮፕላን ጥቃት ተፈጽሞብኛል የሚለው መረጃ ከእውነት የራቀ መሆኑን የአየር ሀይል ዋና አዛዥ ሜጀር ጄኔራል ይልማ መርዳሳ ናቸው ያስታወቁት።

ሜጀር ጀኔራል ይልማ ከፋና ብሮድካስቲንግ ኮርፖሬት ጋር ባደረጉት ቆይታ፥ ካለፉት ሁለት ዓመታት ወዲህ የኢፌዴሪ አየር ሀይል የሀገርን ሉዓላዊነት እና የዜጎችን ደህንነት መጠበቅ በሚያስችል ደረጃ ቴክኖሎጂ የታጠቀ መሆኑን አንስተዋል።

አየር ሀይሉ የሀገሪቱን አየር ክልል ከጥቃት በብቃት የመጠበቅ እና እንዳሁኑ ደግሞ የከረሩ ነገሮች ሲፈጠሩ ለሰራዊቱ የቅርብ ድጋፍ የማድረግ ተግባሩን እየተወጣ ይገኛልም ብለዋል።

የጠላት ኢላማዎችን ያለምንም ርህራሄ እንዳልነበር ማድረግ ለሰራዊቱ ማነቆ ሊሆኑ የሚችሉ ነገሮችን በማፍረስ መንገዱን ቀና የማድረግ ተግባርም ይከውናልም ነው ያሉት፡፡

ሜጀር ጄኔራል ይልማ ከዚሁ ጋር በተያያዘ፥ ስግብግቡ የህወሓት ጁንታ ተቆጣጠርኩ ብሎት የነበረው መሳሪያ ክህደቱ ሳይሰማው ድንፋታውን በጎላበት ማግስት በአየር ሀይሉ ወደ አመድነት ተቀይሯል።

Related stories   የ80ኛው የኢትዮጵያ አርበኞች ቀን በአዲስ አበባ ተከበረ

ኃላፊነት በማይሰማው ቡድን በዱር በገደሉ የኮንትሮባንድን መንገድ ተከትሎም ክልሉ የደረሰው የጦር መሳሪያ እጣ ፈንታም ቢሆን በአብዛኛው ተመሳሰይ እድል ገጥሞታል ብለዋል።

በመቐለ አቅራቢያ ክዊሃ እና አዲግራት ጭምር የነበሩ የነዳጅ ዴፖዎችም በጁንታው ቡድን ጥቅም ላይ ሳይውሉ መውደማቸውንም ተናግረዋል፡፡

እስካሁን የተዋጣላት ሀገርንም ያኮራ ስራ እና እርምጃ የተወሰደ ሲሆን፥ በዚህ ሁሉ ውስጥ ህገ ወጡ ቡድን የአየር ድብደባው ንጹሃንን እና የተለያዩ የእምነት ተቋማትን እንዲሁም የህዝብ መገልገያ ፕሮጀክቶችን ኢላማ ስለማድረጉ ክስ ያቀርባል።

የአየር ሀይል ዋና አዛዥ ሜጀር ጄኔራል ይልማ መርዳሳ፥ ውንጀላው ከእውነት የራቀ መሆኑን እና ይህ የቡድኑ የኖረ የውሸት እና የውንብድና ትርክቶች መሆናቸውን አውስተዋል።

የጦር አውሮፕላን መትተን ጥለናል የሚለው የህገ ወጡ ቡድን ወሬም ቢሆን የበሬ ወለደ እንጂ የአቅም እና የመሳሪያ ሁኔታው አልፈቀደለትም ይላሉ ሜጀር ጄኔራል ይልማ መርዳሳ።

የትግራይ ወንድም እና እህቶችን ህይወት እና ሀብት ባላስገበረ መልኩ የተለዩ ኢላማዎችን የማጥቃት እርምጃው እንደሚቀጥልም አስታውቀዋል።

“ይህን ስናደርግ ደግሞ በራሳችን በገነባነው የቴክኖሎጂ ልክ እንጂ የማንንም እርዳታ እና ድጋፍ አንጠይቅም” ብለዋል ሜጀር ጄኔራል ይልማ መርዳሳ።

Related stories   የኮሚሽነር አበረ ህልፈት "በነጋዴዎች" እይታና ፤ የሃኪም ትክክለኛው መረጃ " ቸልተኛነት አይተናል"

ስግብግቡ ቡድን ሀገር እና ህዝብ ማለት ለርሱ እሱን እስከጠቀመ ብቻ መሆኑን በቅርብ የተለያዩ መሰረተ ልማቶችን ባወደመበት አይተናል ብለዋል። ስለዚህ ዜጎች ይህን ቡድን ለመንቀል በሚደረገው ጥረት ተባባሪ ይሆኑ ዘንድም ጥሪ አቅርበዋል።

ፋና – በአፈወርቅ አለሙ –  መግቢያው ላይ ማሻሻያ ተደርጓል። ማሻሻያው ከቪዲዮ ድምጽ የተወሰደ ነው።

  • ዶክተር አብራሃም በላይ የትግራይ ክልል ጊዜያዊ አስተዳድር ዋና ስራ አስፈፃሚ ሆነው ተሾሙ!
    የትግራይ ክልል ጊዜያዊ አስተዳደር ዋና ሃላፊ ሆነው ለስድስት ወራት በሃላፊነት የቆዩት ዶ/ር ሙሉ ነጋ በዛሬው እለት ከስልጣን መነሳታቸውን ማረጋገጥ ተችሏል። በምትካቸው ዶክተር አብራሃም በላይ የትግራይ ክልል ጊዜያዊ አስተዳድር ዋና ስራ አስፈፃሚ ሆነው ተሾሙ የትግራይ ብልጽግና ፓርቲ ፕሬዚዳንትም የሆኑት ዶ/ር አብራሃም የኢኖቬሽንና ቴክኖሎጂ ሚኒስትር ሆነው እየሰሩ ይገኛሉ። ዶ∕ር አብርሃም በተለያዩ የመንግስትContinue Reading
  • እኛ የምንመርጠው አባትና አያቶቻችን የመረጡትን ነው።
    ከመንደር ወጥተናል።ሀገርን መርጠናል።ልካችን ሳንመርጥ የተወለድንበት ብሔራዊ ማንነታችን ሳይሆን ኢትዮጵያዊነት ነው። ኢትዮጵያዊነት ስንል ለህዝቦቿ ደህንነት እና የብሔራዊ ሠንደቅ ዓላማ ክብር ወዶ እና ፈቅዶ የመሞት ቁርጠኝነት የሚያላብስ ማንነት ነው። የእኛ ምርጫ በጊዜ ወቅት የሚገደብ፣ በውስጥና ውጭ አካል የሚታዘብ አጨቃጫቂና አከራካሪ አይደለም።በውርስ የሚተላለፍ ነው። የብሔሮችና ብሔረሰቦችን ሀገራዊ አስተዋፅኦ የምንለከው በአባት አያቶቻችን ከአእምሮ በላይContinue Reading
  • አውሮፓ ህብረት – ላለፉት 28 ዓመታት በኢትዮያ ተላላኪ መንግስት እንደነበር ለኢትዮጵያ ህዝብ አመነ
    “የአውሮፓ ህብረት ምርጫ የማይታዘበው በበጀት እጥረት መሆኑንን ገልጾልናል” ሲሉ የቀድሞው ጠቅላይ ሚኒስትር ኃይለማርያም ደሳለኝ ተናገሩ። ህብረቱ ወዲያውኑ ” በበጀት እጥረት ምክንያት ሳይሆን የቀረነው ስላልተጋበዝን ነው” ሲል ድምጹን አሰማ። ምላሽ ሰጠ። ጉዳዩ ከዚያ በላይ አልሄደም። ነገሩ ህወሃት የሚባለው አገዛዝ ቀደም ሲል የገባው ኮንትራት ነበርና ብዙም አስገራሚ እንዳልነበር በወቅቱ ብዙ ተብሎ እንደነበርContinue Reading
  • የደህንነትና ፀጥታ የጋራ ግብረ ኃይል አገር ለማተራመስ በህቡዕ የተደራጁ በርካታ ግለሰቦችን ከነመዋቅራቸውና መስሪያዎቻቸው በቁጥጥር ስር አዋለ፤
    በተጨማሪም በውጭ በተለያዩ ሀገራት ሆነው ይህንን ህቡዕ አደረጃጀት ሲያስተባበሩ እንዲሁም የፋይናንስ፣የሃሳብና የሎጀስቲክስ ድጋፎችን ሲያደርጉ የነበሩ ፕሮፌሰር አበራ መሸሻ፣ አቶ ተሻለ ከበደ ኢዶ፣ወይዘሮ የሀረርወርቅ ጋሻው፣ አቶ አስፋው ጀቤሳ፣ አቶ መዕረግ፣ አቶ ቢኒያም፣ አቶ ኪሩቤል፣ ወይዘሪት ሊሻን አህመድ፣ ዶ/ር ገነት፣ ወይዘሮ አረጋሽ፣ ኢንጀነር ሊሻን ግዛውና አቶ ሀገሬ አዲስ በወዳጅ ሀገራት ትብበርና  ከኢንተርፖል Continue Reading

Share and Enjoy !

Shares

Leave a Reply

Your email address will not be published. Required fields are marked *