የኢትዮጵያ መከላከያ ሰራዊት አክሱምን፣ አድዋንና የአዲግራትን ዙሪያ መቆጣጠሩን የአስቸኳይ ጊዜ አዋጅ የመረጃ ማጣሪያ አስታወቀ። የጠራ መረጃ እንዲያቀርብ የተቋቋመው ማዕከሉ ይህንን የድል ዜና ይፋ ከማድረጉ ሰዓታት በፊት ድምጸ ወያኔ የተሰኘው የትህነግ ልሳን የአገር መከላከያ ሰራዊት ራያንና ሽሬን ለቆ በመፈርጠጥ ላይ መሆኑንን ሲአስታውቅ። የአየር ሃይል ዋና አዛዥ የትህነግን ወሬ የተስፋ መቁረጥ ኑዛዜ መሆኑንን ጠቁመው ” በልዩ ኦፕሬሽን ዋናዎችሁን  እንይዛቸዋለን” በማለት አየር ሃይል ዶግ አመድ እንደሚያድርጋቸው በራስ መተማመን ስሜት አስታወቀው ነበር።

መግለጫው እንዳለው በምዕራብ ግንባር የሕወሓት ጁንታን ኃይል እያጠቃ ያለው የኢትዮጵያ መከላከያ ሰራዊት፣ ከሽሬ በኋላ ሰለህለሃ ላይ የመሸገ የሕወሓት ኃይል ገጥሞት ውጊያ ገጥሞ እንደነበር አመልክቷል። ይሁን እንጂ ሰለህለሃ ላይ የመሸገው የጁንታው ኃይል መንገዱን በዶዘር ቆርጦና አስፓልቱን አበላሽቶ በቦታው ከባድ መከላከል ቢያደርግም የመከላከያ ሰራዊት የጁንታውን ተከላካይ ኃይል ሰብሮ በመግባት አክሱምን ሙሉ በሙሉ መቆጣጠሩ በእጁ አስገብቷል።

ከአክሱም ወደ አድዋ በነበረው ጉዞ በአንዳንድ ቦታዎች ላይ የጁንታው ኃይል ለመከላከል ቢሞክርም፣ የአገር አደራ የተቀበለው የአገር መከላከያ ሰራዊት ድል እንደተቀዳጀ የአስቸኳይ ጊዜ አዋጅ የመረጃ ማጣሪያ ገልጿል። ማጥቃቱን የቀጠለው የአገር መከላከያ ሰራዊት እንቲጮንና የአዲግራትን ዙሪያ ተቆጣጥሮ ወደ አዲግራት ከተማ እየተምዘገዘገ ነው።

የአገር መከላከያን ምት መቋቋም ያልቻለው ቁጥሩ የበዛ  የጁንታው ተዋጊዎች እጃቸውን የሰጡ ሲሆን ከድተው ከጁንታው ጋር ሆነው ሲዋጉ የነበሩ ወታደሮችም ዳግም መከላከያ እጅ መውደቃቸው ተገልጿል።

በሽንፈት አረንቋ ውስጥ ወድቆ እያዳከረ ያለው ይትህነግ ጁንታ ሃይል እርቅ እያለ እየለፍለፈ፣ በሌላ በኩል ሮኬት እየወረወረ ነው። ይህን ትንኮሳ ተከትሎ የአየር ሃይል ዋና አዛዥ ሜጀር ጄኔራል ይልማ መርዳሳ የአጻፋ እርምጃ እንደሚወሰድና የጁንታ ሃይል ያሉትን ህዝብ ሳይጎዳ በልዩ ኦፕሬሽን በቁጥጥር ስር እንደሚውል አስታወቀው ሃያ አራት ሰዓት ባልሞላ ጊዜ ውስጥ ነው የድል ዜናውን መንግስት ይፋ ያደረገው። 

አኩም ቤተ ክርስቲያንና አካባቢው ላይ መሽጎ የነበረው ሃይል ሲመታ በቤተ ክርስቲያኗ ላይ አንዳችም ጉዳት እንዳልደረሰ ታውቋል። መንግስት እንዳስታወቀው ጁንታው ባለቀ ሰዓት ሰላማዊ ዜጎችን በመድፍ እየደበደበ ነው።

የህወሓት ቡድን በትግራይ ክልል በንጹሃን ዜጎች ላይ መድፍ በመተኮስ ጥቃት እየፈጸመ መሆኑ ተገለጸ። ሲል ፋና ሃላፊ መኮንኑን ጠቅሶ የሚከተለውን ዘግቧል።
በአገር መከላከያ ሠራዊት የሚደርስበትን ጥቃት መቋቋም ያቃተው የህወሓት ቡድን ከሰሜን ዕዝ የሰረቃቸውን ታንኮች ጥሎ መሄድ መጀመሩ ተገልጿል።
በደቡብ ዕዝ የሰው ሃብት ልማትና ሚዲያ አስተባባሪ ኮሎኔል ደጀኔ ጸጋዬ እንዳሉት ዘራፊው የህወሓት ቡድን የመከላከያ ሠራዊቱን መቋቋም ተስኖታል።
በዚህም ከሰሜን ዕዝ የሰረቃቸውን ሁለት ቲ-72 ታንኮችና ሌሎችም ቁሳቁሶቹን እየጣለ ሸሽቷል ብለዋል።
ለእኩይ ዓላማ የተሰለፈው ይህ ቡድን የመከላከያ ሠራዊቱን በትር መቋቋም ሲሳነው በንፁሃን ዜጎች ላይ መድፍ በመተኮስ ጥቃት እያደረሰ መሆኑን ገልጸዋል።
የመከላከያ ሠራዊት በተቆጣጠራቸው አካባቢዎች ነዋሪዎች በደስታ ስሜት እየተቀበሉን ነው ብለዋል።
የህወሓት ቡድን መጨረሻው እየደረሰ መሆኑን የገለጹት ኮሎኔል ደጀኔ ከመሸገበት አውጥቶ ለሕግ ለማቅረብ በሂደት ላይ መሆኑን ገልጸዋል ሲል ኢዜአ ዘግቧል።
ጠቅላይ ሚኒስትር አብይ አህመድ ቀደም ብለው ቡድኑ በሶስት ቀናት ውስጥ በሠላም እጁን እንዲሰጥ የጊዜ ገደብ ማስቀመጣቸው ይታወሳል።
Related stories   ሕግ ለማስከበር የሞከሩ አመራሮች ተገደሉ

Leave a Reply

Your email address will not be published. Required fields are marked *