የመከላከያ ሠራዊታችን በአድዋ ተምቤን መሥመር ማይቅናጥል በተባለውና ልዩ ስሙ ሰላስል በተሰኘው የሐውዜን ተምቤን መገንጠያ መንገድ የገጠመውን የጁንታውን ኃይል ሙሉ በሙሉ ተደመሰሰ። በዚሁ መገንጠያ ላይ የሠራዊቱን ግሥጋሴ ለመግታት በኮሎኔል ጸጋዬ ማርክስና በኮሎኔል ሸሪፎ የሚመራው የጁንታው አንድ ክፍለ ጦር  ነው በሙሉ የተደመሰሰው። የጁንታው አንድ ክፍለ ጦር 2500 አባላት የሚዋቀር ነው ተብሏል።
የመከላከያ ዘመቻ ዋና መመሪያ ማምሻውን እንዳስታወቀው ፣ የመከላከያ ሠራዊታችን ክፍለ ጦሩን ሙሉ በሙሉ ከደመሰሰ በኋላ ወደ መቀሌ የሚያደርገውን ጉዞ አጠናክሮ ቀጥሏል።
ከዚሁ ድል ተያይዞ “”የማንም የመንደር ወመኔ ቡድን ሀገር ሊያፈርስ አይችልም።… ይህ ቡድን መጥፋት አለበት…የወያኔ ቡድን ሞቶም ሊያወራ ይችላል።” ሲሉ ሹመት ከድል በሁዋላ ያሉት ሌ/ጄ አበባው ታደሰ አድዋ ተራሮች ሆነው መልዕክት አስተላልፈዋል።
በሌላ በኩል ጁንታው የህወሐት ቡድን የሰራዊታችንን ሕግ የማስከበር እርምጃ መቋቋም እንደተሳነው የመከላከያ ህብረት ዘመቻ ዋና መምሪያ ኃላፊ ብ/ጄኔራል ተስፋዬ አያሌው ተናገሩ።
ጄኔራል መኮንኑ የሠራዊታችንን ፈጣን የማጥቃት እንቅሰቃሴን አስመልክተው በካርታ የደገፈ ገለፃ አድርገዋል። ፅንፈኛው የህወሃት ቡድን የሠራዊታችንን ወቅታዊ አቋም በተሳሳተ መንገድ ገምግሞ በድሮ የጫካ ስሌት ወደ ውጊያ በመግባቱ ለውርደት ተዳርጓል ብለዋል።
ብ/ጄ ተስፋዬ አክለውም ፅንፈኛው ቡድን ልዩ ኃይል ብሎ የሚጠራውን ታጣቂና ሚሊሻውን ከፊት አሰልፎ ከሰራዊቱ በተለያየ ምክንያት የወጡ ከሃዲያንን ከኋላ በማሰለፍ በግዴታ እንዲዋጉ እያደረገ ነው ብለዋል።
Image may contain: outdoor
ፅንፈኛው የህወሃት ጁንታ ህዝቡን ከመናቁ የነተነሳ የልማት አውታሮችን እያወደመ እንደሚገኝ ተናግረው ይህም የሽንፈቱ ማሳያ ነው ሲሉ ገልፀዋል ። በምስል እንደታየው ጁንታው የአክሱም አየር ማረፊያን ሙሉ በሙሉ በሚባል ደረጃ አፈራርሶታል። ይህ የተስፋ መቈርጡ መገለጫ የሆነው ተግባሩ ” ሲመጣ አፍርሶ፣ ሲሞት በመጣበት መንገድ አፍርሶ” የሚከስም እንደሆነ አመላክቷል። ከፍተኛ መኮንኖች ሽንፈት ሲከናነብ መሰረተ ልማት አፍርሶ ከፈረጠጠው የዚያድባሬ ሃይል ጋር አመሳስለውታል።
ጁንታው ከአሁን በኋላ ያለው ብቸኛው አማራጭ ተዋግቶ መሞት አሊያም እጅ መስጠት ብቻ ነው ብለዋል። ሲል የመከላከያ ሰራዊት በማህበራዊ ገጹ አመልክቷል።
ምስል – የፈራረሰው አክሱም አየር ማረፊያ
Related stories   በኢትዮጵያ የመጀመርያው ብሄራዊ የስራ ፈጠራ ስትራቴጂ መዘጋጀቱ ተገለፀ

Leave a Reply

Your email address will not be published. Required fields are marked *