የኢፌዴሪ መንግስት ህገ ወጡ የህወሓት ቡድን በማይካድራ በንጹሃን ዜጎች ላይ የፈፀመውን ጭካኔ የተሞላበት ተግባር አወገዘ።
የኢትዮጵያ ሰብአዊ መብት ኮሚሽን ይፋ ባደረገው ሪፖርት፥ የህወሓት ፅንፈኛ ቡድን ሀይሎች በማይካድራ በንፁሃን ዜጎች ላይ የፈፀሙት ጭካኔ የተሞላበት ተግባር እና ከፍተኛ የሰብአዊ መብቶች ጥሰት ልብ ሰባሪ መሆናቸውን መንግስት አስታውቋል።
የኢትዮጵያ ሰብአዊ መብት ኮሚሽን ይፋ ያደረገው ሪፖርት ከዚህ ቀደም አምነስቲ ኢንተርናሽናል ያወጣውን ሪፖርት የሚያረጋግጥ መሆኑንም የጠቅላይ ሚኒስትር ጽህፈት ቤት ያወጣው መግለጫ ያመለክታል።
ተግባሩ ህገ ወጡ የህወሓት ቡድን በኢትዮጵያ እየፈፀመ ያለው ጭካኔ የተሞላበት ወንጀል ምን ያክል አንደሆነም የዓለም ህዝብ በድጋሚ ያረጋገጠበት ነውም ብሏል መግለጫው።
የኮሚሽኑ ሪፖርት እንደሚያመለክተው የማይካድራው ጥቃት ተራ የወንጀል ተግባር ሳይሆን በእቅድ እና በተቀናጀ መንገድ የተፈፀመ የሰብአዊ መብት ጥሰት ተግባር ነው።
የህወሓት ሀይሎች ሳምሪ ከተባለ የትግራይ ወጣቶች ቡድን ጋር በማበር ዝግጅት በማድረግ እና በማቀድ በመቶዎች የሚቆጠሩ ሰዎችን መግደላቸውን የኢትዮጵያ ሰብአዊ መብት ኮሚሽን ሪፖርት አረጋግጧልም ብሏል መንግስት።
እንደ ኮሚሽኑ ሪፖርት የህወሓት ህገ ወጥ ቡድን የፈፀመው ተግባር በሰብአዊነት ላይ የተፈጸመ ወንጀል እና የጦር ወንጀል ሊሆን እንደሚችል አመላክቷል ብሏል።
ዓለም አቀፉ ማህበረሰብም ይህንን ጭካኔ የተሞላበትን ከፍተኛ የሰብአዊ መብቶች ጥሰት እንዲያወግዝም መንግስት ጥሪ አቅርቧል።
የዚህን ወንጀል ፈፃሚዎችም ለህግ የሚያቀርብ መሆኑንም መንግስት በመግለጫው አረጋግጧል።
Via FBC

Share and Enjoy !

Shares
Related stories   “በአጣዬ እና አካባቢው በተፈፀመው ወንጀል ተጠያቂ የሚሆኑ አካላት ለፍርድ ይቀርባሉ” ኮማንድ ፖስቱ

Leave a Reply

Your email address will not be published. Required fields are marked *