በትግራይ ክልል “በግፍ ተፈጽመዋል የተባሉ ወንጀሎችን” የሚያጣራ የምርመራ ቡድን ወደ ስፍራው በማቅናት ስራ መጀመሩን የኢፌዴሪ ጠቅላይ ዐቃቤ ሕግ አስታወቀ።
የሕወሓት የጥፋት ቡድን ጥቅምት 24 ቀን 2013 ዓ.ም በትግራይ ክልል በሚገኘው የአገር መከላከያ ሰራዊት የሰሜን እዝ ላይ የፈጸመውን ጥቃት ተከትሎ መንግስት የሕግ ማስከበር ተግባር እየከናወነ ይገኛል።
የኢፌዴሪ ጠቅላይ ዐቃቤ ሕግ ዶክተር ጌዲዮን ጢሞቲዮስ በትግራይ ክልል እየተወሰደ ያለውን የሕግ ማስከበር እርምጃ አስመልክቶ ለውጭ አገራት ጋዜጠኞች መግለጫ ሰጥተዋል።
ጠቅላይ ዐቃቤ ሕጉ ማይካድራን ጨምሮ በትግራይ ክልል “በግፍ ተፈጽመዋል የተባሉ ወንጀሎችን” የሚያጣራ የምርመራ ቡድን አካባቢው ላይ ደርሷል ብለዋል።
የሕወሓትን አመራሮች በከባድ ወንጀል ሊያስጠይቁ የሚችሉ ወንጀሎችን መፈጸማቸውን ጠቅላይ አቃቤ ህጉ አብራርተዋል።
በተለይም የሰሜን እዝ ካምፖች ላይ የተፈጸመው ድርጊት የአገር የመከላከያ ሃይልን በማጥቃት የተፈጸመ በመሆኑ በከባድ ወንጀል የሚያስጠይቅ መሆኑን ገልጸዋል።
በባህርዳርና በጎንደር ከተሞች የተፈጸሙት የሮኬት ጥቃቶችም በሽብርተኝነት ተግባር የሚያስጠይቁ መሆናቸውን ገልጸዋል።
በሰሜን ዕዝ ላይ በተፈጸመው ጥቃት እጃቸው አለበት የተባሉ ተጠርጣሪዎች ላይ ፌዴራል ፖሊስና ጠቅላይ ቃቤ ህግ በፍርድ ቤት በኩል የእስር ማዘዣ እንዲወጣባቸው አድርጓል ብለዋል።
እስካሁን በተደረገው ምርምራ ተጥርጣሪ ተብለው የተለዩ ሰዎች ቁጥር 167 መድረሱንም ገልጸዋል።
የሕግ ማስከበር እርምጃው በአስቸኳይ ጊዜ አዋጅ ማዕቀፍ ውስጥ ሆኖ እየተከናወነ ስለመሆኑም አብራርተዋል።
የግል ድርጅቶች ሆነው ለህወሃት ቡድን የወንጀል ድርጊት ተሳትፎ አድርገዋል የተባሉ 34 ተቋማት የባንክ ሒሳብ ጨምሮ ተንቀሳቃሽና የማይንቀሳቀስ ንብረታቸው ከሕዳር 7 ቀን 2013 ዓ.ም ጀምሮ መታገዱን ገልጸዋል።
ተቋማቱ ብሔር ተኮር ጥቃትና የሽብር ድርጊት እንዲፈጸም የገንዘብ ድጋፍ በማቅረብ፣ ሕገ-መንግስታዊ ስርዓቱን በኃይል ለመናድ ከሚንቀሳቀሰው የሕወሓት ቡድን ጋር ግንኙነት ፈጥረዋል ተብለው በመጠርጠራቸው መሆኑን ኢዜአ ዘግቧል።

Share and Enjoy !

Shares
Related stories   በሙስና ወንጀል የተገኘን ንብረት ማሳገድ ፤ ማስመለስ፡ ማስወረስ እና ማካካስ በፀረ ሙስና ህጎች

Leave a Reply

Your email address will not be published. Required fields are marked *