“Our true nationality is mankind.”H.G.

ጁንታው – ዘርፎ የወሰዳቸው ከ140 በላይ ተሸከርካሪዎችና ጁንታው ሲፈረጥጥ በጉድጓድ ውስጥ ጥሏቸው የነበር ቁስለኞች ተገኙ

ጁንታው ከሰሜን እዝ፣ ከመንግስት ተቋማትና ከግለሰቦች ዘርፎ ወስዶ ሲጠቀምባቸው የነበሩና የሸሸጋቸው ከ140 በላይ ከባድና ቀላል ተሸከርካሪዎችና ሲፈረጥጥ በጉድጓድ ውስጥ  ጥሏቸው  የነበሩ ቁስለኞች መገኘታቸው ተገለጸ፡፡
ኮሎኔል ያሲን ኑርዬ የ11ኛ ክፍለ ጦር ሶስተኛ ብርጌድ አዣዥ፤ ጁንታው ከሰሜን እዝ ፣ ከመንግስት ተቋማትና ከግለሰቦች ዘርፎ ሲጠቀምባቸው የነበሩና በመጨረሻም ጫካ ውስጥ ሸሽጓቸው የነበሩ ከ140 በላይ ከባድና ቀላል ተሸከርካሪዎች በአሰሳ መገኘታቸውን ተናግረዋል፡፡
ተሸከርካሪዎቹ የተገኙት በትግራይ ማእከላዊ ዞን የጭላ ወረዳ መሆኑን አዛዡ ተናግረዋል፡፡ ከአበርገሌ ጀምሮ በጁንታው ታጣቂዎች ላይ ከፍተኛ ሰብአዊና ቁሳዊ ኪሳራ እንደደረሰ የተናገሩት ኮለኔሉ፤ ጁንታው የደረሰበትን ጥቃት መቋቋም ባለመቻሉ ሲጠቀምባቸው የነበሩ ተሽካርካሪዎችን በየጫካው እየሸሸገ ለመሄድ መገደዱን ተናግረዋል፡፡
Image may contain: one or more people and outdoor
በተሸከርካሪዎቹ ላይ የከባድና ቀላል መሳሪያ ጥይቶች፣ የቢኤም 21፣ የመድፍ ፣ የሚሳኤል፣ የሞርታር፣ የድሽቃ ቁሙቡላዎች የብሬን ጥይቶች፣ የጸረ ሰውና ጸረ ተሸከርካሪ ፈንጂዎች በአጠቃላይ በርካታ የቀላልና የከባድ መሳሪያዎች ተተኳሾች መገኘታቸውን ጠቅሰዋል፡፡
በተጨማሪም ሶስት ዙ 23፣ ሶስት መድፍና ሁለት ሞርተሮችን ከእይታ ሰውሮ ለመሸሸግ መሞከሩን ገልጸዋል፡፡ ባለስልጣኖች ይጠቀሙባቸው የነበሩ ኮብራ መኪኖችና የግንኙነት መሳሪያዎች መገኘታቸውን ተናግረዋል፤
ተሸከርካሪዎቹ ጭቃ ተቀብተውና ቅጠል ለብሰው በየጫካው ተሸጉጠው እንደነበርም ኮለኔሉ ገልጸዋል፡፡
ጁንታው በጉድጓድ ውስጥ ትቷቸው የሄዱ 14 ቁስለኞች ተገኝተው ወደ ህክምና የተወሰዱ መሆኑንም ኮሎኔል ያሲን ተናግረዋል፡፡
ተፈጥሯአዊ አካባቢው ለመደበቂያ የሚመች በመሆኑ ጁንታው አይታወቅም ወይም አይደረስበትም በሚል ስፍራውን የሎጂስቲክ ማዕከል በማድረግና የጦርነት ግብዓቶችን ወደ ሌሎች አካባቢዎች በማሰራጨት ውጊያውን ለማራዘም የመረጠው ቦታ እንደነበር ገልጸዋል፡፡
ጁንታው ባለገመተውና ባላሰበው ፍጥነት መከላከያ ሰራዊቱ ሲደርስበት የያዛቸውን ንብረቶች በሙሉ ሰውሮ ለመጥፋት መገደዱን ኮሎኔል ያሲን ተናግረዋል፡፡
በኢያሱ መሰለ – (ኢ ፕ ድ)

Share and Enjoy !

Shares
Related stories   እስራኤል አልጃዚራ ቴሊቪዥን፣ አሶሲየትድ ፕሬስና ሌሎች ሚዲያዎች የሚጠቀሙበትን ህንጻ አወደመች
0Shares
0