“Our true nationality is mankind.”H.G.

የህወሓት አመራሮች ያሉበትን ለጠቆመ የ10 ሚልዮን ብር ሽልማት ተዘጋጀ

የኢትዮጵያ መከላከያ ሠራዊት በመንግሥት እየተፈለጉ ያሉትን የህወሓት ከፍተኛ አመራሮችን ለመያዝ ጥቆማ ለሚሰጡ ሰዎች ከፍተኛ መጠን ያለው የገንዘብ ሽልማት መዘጋጀቱን ገለጸ።

በዚህም መሠረት አመራሮቹን ጠቁሞ በመንግሥት ቁጥጥር ስር እንዲውሉ የሚያስችል መረጃዎችን ለሚሰጡ ሰዎች የአስር ሚሊዮን ብር ሽልማት እንደሚሰጥ ቃል ገብቷል።

ይህ የገንዘብ ሽልማት መዘጋጀቱን ይፋ ያደረጉት የአገሪቱ መከላከያ ሠራዊት መረጃ ዋና መምሪያ ኃላፊ ሌተናል ጄነራል አስራት ዴኔሮ ሲሆኑ፤ ሽልማቱ ተፈላጊዎቹን አመራሮችን “በአጭር ጊዜ ውስጥ በቁጥጥር ስር ለማዋል የሚደረገውን ጥረት ለማገዝ የተዘጋጀ ነው” ብለዋል።

Related stories   የመ/ሰራዊትን መለያ ለብሶ ከሱዳን ወደ ወልቃይት ሊገባ የነበረ የትህነግ የሽብር ሃይል ተደመሰሰ፤

ተፈላጊዎቹ ያሉበትን የሚያውቁ ሰዎች በየአካባቢያቸው ለሚገኙ የመከላከያ ሠራዊት አባላት በአካል በመቅረብ ማሳወቅ እንደሚችሉ የተነገረ ሲሆን፤ በተጨማሪም ለዚሁ አገልግሎት የሚውል የስልክ ቁጥር መዘጋጀቱም ተጠቁሟል።

ጥቅምት 24/2013 ዓ.ም በትግራይ ክልል ውስጥ በሚገኘው የአገሪቱ የመከላከያ ሠራዊት የሠሜን ዕዝ ላይ ጥቃት ከተፈጸመ በኋላ መንግሥት በህወሓት ኃይሎች ላይ ወታደራዊ ዘመቻ አካሂዶ የህወሓት አመራሮችን ከክልሉ የስልጣን መንበር ላይ ማስወገዱ ይታወሳል።

Related stories   ወደ ድርደር ? ከታንክ ወደ አህያ የወረደው ትህንግ በማን ሊወከል?

bbc

Share and Enjoy !

Shares
0Shares
0