“Our true nationality is mankind.”H.G.

በመተከል ዞን ላይ ጥቃት ሲፈጽሙ ከነበሩት ታጣቂዎች መካከል 17ቱ በህዝቡ ትብብር በቁጥጥር ስር ዋሉ

በመተከል ዞን በዜጎች ላይ ጥቃት ሲፈጽሙ ከነበሩት ታጣቂዎች መካከል 17ቱ በህዝቡ ትብብር በቁጥጥር ስር መዋላቸውን የቤኒሻንጉል ጉሙዝ ክልል ፀረ ሽምቅና ልዩ ጥበቃ አድማ ብተና መምሪያ አስታወቀ።

በቤንሻንጉል ጉሙዝ ክልል ከለውጡ በኋላ ከ2011 ዓ.ም ጀምሮ ለእኩይ አላማ የተሰለፉ ታጣቂዎች በተለያዩ አካባቢዎች ዜጎችን በአሰቃቂ ሁኔታ ሲገድሉ፤ ሲያፈናቀሉና ንብረት ሲዘርፉ ቆይተዋል።

ለጥቃቱ በክልሉ ከህወሃት የጥፋት ቡድን ጋር የተመሳጠሩ አመራሮች ሚና በቀጥታም ይሁን በተዘዋዋሪ መኖሩም ታውቋል።

Related stories   የሲኤንኤን ዘጋቢ ኒማ- በተወነችው ተውኔት ውስጥ ዳግም ሞት የተፈረደባቸው ዜጎች

ከሰሞኑ በመተከል ዞን ቡለንና በቆጂ ወረዳዎች በዜጎች ላይ በተፈፀመው አሰቃቂ ግድያም የእነዚሁ አካላት የተቀነባበረ ሴራ መሆኑ ተደርሶበታል።

በአካባቢው ያለውን ችግር በዘላቂነት ለመፍታት በጠቅላይ ሚኒስትር አብይ አህመድ የተቋቋመ የተቀናጀ ግብረ ሃይል የጸጥታና ህግ የማስከበር ስራውን ተረክቦ የተጠናከረ እርምጃውን ቀጥሏል።

የቤኒሻንጉል ጉሙዝ ክልል ጸረ ሽምቅና ልዩ ጥበቃ አድማ ብተና መምሪያም ከተቋቋመው ግብረ ሃይል ጋር በመቀናጀት ወንጀለኞችን በማደን ላይ ይገኛል።

የመምሪያው ዋና አዛዥ ኮማንደር ዶሳ ጎሹ ለኢዜአ እንዳሉት ክልሉ ከግብረ ሃይሉ ጋር በመቀናጀት የታጠቁ ሃይሎችንና በግድያው እጃቸው ያለበትን ወንጀለኞች በህዝቡ ትብብር በቁጥጥር ስር እያዋልን ነው ብለዋል።

Related stories   “የግድቡ ግንባታ ውሃ ይቀንስብኛል የሚለው የግብጽ ጩኸት የማጭበርበሪያና የተለመደ የሃሰት ክስ ነው››

በህግ ማስከበሩ በርካታ ሽፍቶች እጅ እየሰጡና በቁጥጥር ስር እየዋሉ መሆኑን ኮማንደሩ ተናግረዋል። ግብረ ሃይሉ ባደረገው ዘመቻ ከዳንጉር፣ ድባጤ፣ ቡለንና ማንዱራ ወረዳዎች ጥቃት ካደረሱት ታጣቂዎች መካከል በአካባቢው ህዝብ ጥቆማና ትብብር 17 በቁጥጥር ስር መዋላቸውንም ገልጸዋል።

ከታጣቂዎቹ ጋር ከ29 ሺህ ብር በላይ ዋጋ ያላቸው የባለ 5፣ 10፣ 50፣ 100 የሞባይል ካርዶች፣ 290 ቀስቶች፣ መድሃኒቶችና ሌሎች ቁሳቁሶችም ተይዘዋል።

Related stories   ቻይና በአፍሪካ ኅብረት አሸማጋይነት የሚካሄደውን የህዳሴ ግድብ የሦስትዮሽ ድርድር እንደምትደግፍ ገለጸች

ታጣቂ ቡድኑ የአማራ ልዩ ሃይልን ጨምሮ የቤኒሻንጉል ጉሙዝ ልዩ ሃይልን ዩኒፎርም በመልበስ ነው ጥቃቱን የፈፀመው ያሉት ኮማንደር ዶሳ በህግ ማስከበሩ ታጣቂዎችን የማደን ስራ ተጠናክሮ ይቀጥላል ብለዋል።

በቁጥጥር ስር ከዋሉት ታጣቂዎች መካከል የአማራ ክልል ልዩ ሃይልና የቤኒሻንጉል ጉሙዝ ክልል ማረሚያ ቤትና የፖሊስ ዩኒፎርም ይዘው መገኘታቸውን ኢዜአ ዘግቧል።

FBC

Share and Enjoy !

Shares
0Shares
0