– 125ኛውን የአድዋ ድል ለመዘከር መነሻቸውን አዲስ አበባ አድርገው መዳረሻቸውን ደግሞ አድዋ ተራሮችን የሚያደርጉ 125 ወጣቶች
( 107 ወንዶችና 18 ሴቶች) በጉዞው ላይ ይሳተፋሉ።
– ተሳታፊዎቹ ከ1 ሽህ ኪሎ ሜትር በላይ የሚሸፍን የእግር ጉዞ ያደርጋሉ።
የጉዞው አስተባባሪ ያሬድ ሹመቴ የአድዋ ድል የአፍሪካም ድል በመሆኑ በቀጣይ ጉዞ አድዋ ወደ ኪሊማንጃሮ ተራራ እንደሚደረግም ገልጿል።
የአዲስ አበባ ከተማ አስተዳደር ለ8ኛው ጉዞ አድዋ 2 ሚሊዮን ብር ድጋፍ አድርጓል።
የከተማ አስተዳደሩ ምክትል ከንቲባ አዳነች አቤቤ አድዋ የሕዝብ ጉልበቱ አንድነቱ መሆኑን ያሳየ ነው ብለዋል። አድዋ ትልቅ ታሪካችን ነው፤ ኢትዮጵያን የደፈሯት ሁሉ እንደሚዋረዱ ማስተማሪያ ነው። ከአድዋ የውጪ ጠላቶቻችን ብቻ ሳይሆኑ እኛም መማር አለብን ብለዋል።
የአድዋ ድል በጠመንጃ ብቻ ሳይሆን የሁሉንም ልብ በማሸነፍ የተገኘ የእውነት ድል መሆኑን ተናግረዋል፡፡
አድዋ ከተራሮቹም በላይ የሀሳቡ ከፍታ የሚታይበት ድል ነው። መሪዎች ወደ ሰሜን ሲዘምቱ በደም የተገነባውን ኢትዮጵያዊያነት አንድ አድርገው ሀገር ለመገንባት ነውና ልዩነቶቻችንን ትተን ሁላችንንም ወደሚያሻግረን የኢትዮጵያዊነት መንገድ መሄድ አለብንም ነው ያሉት።
ዘጋቢ፡- ዘመኑ ታደለ – ከአዲስአበባ  (አብመድ)

Share and Enjoy !

0Shares
0

Leave a Reply

Your email address will not be published. Required fields are marked *