ZAGGOLE – ዛጎል

“Our true nationality is mankind.”H.G.

የብሔራዊ የአደጋ ስጋት ስራ አመራር ኮሚሽን ለሽሬ እና አካባቢው አልሚ ምግብና መድሃኒት መላኩን ገለጸ

የብሔራዊ የአደጋ ስጋት ስራ አመራር ኮሚሽን በትግራይ ክልል ለሽሬ እና አካባቢው ነዋሪዎች 500 ኩንታል አልሚ ምግብና መድሃኒት ድጋፍ ወደ ስፍራው መላኩ ተገለጸ፡፡

ኮሚሽኑ አልሚ ምግቦቹ እና መድሃኒቶቹ በፍጥነት ወደ ስፍራው እንዲደርሱ በማሰብ በኢፌዴሪ አየር ሃይል እቃ ጫኝ አውሮፕላን አጓጉዟል፡፡

የብሔራዊ የአደጋ ስጋት ስራ አመራር ኮሚሽን ኮሚሽነር አቶ ምትኩ ካሣ፤ ቁሳቁሱ ወደ ስፍራው በተላከበት ወቅት እንደተናገሩት በክልሉ ችግር ለገጠማቸው ዜጎች ድጋፍ የማድረስ ስራው ተጠናክሮ ቀጥሏል፡፡

Related stories   በምናለሽ ተራ ገበያ – ከሰኞ እስከ እሁድ

ከዚህ ቀደም ኮሚሽኑ በትግራይ ክልል መቀሌን ማዕከል በማድረግ ለሁሉም አካባቢዎች እርዳታ ማድረሱንም አስታውሰዋል። በዛሬው ዕለትም ለህጻናት እና እናቶች የሚውል 500 ኩንታል አልሚ ምግብ ለሸሬ እና አከባቢዋ ነዋሪዎች መላኩን ገልጸዋል።

በተጨማሪም ከ2 ሚልየን ብር በላይ ግምት ያላቸው የተለያዩ መድሃኒቶች ወደ ስፍራው መላኩንም ኮሚሽነር ምትኩ ተናግረዋል። በትግራይ ክልል እስካሁን በኮሚሽኑ በኩል ለ1 ነጥብ 8 ሚሊዮን ዜጎች ድጋፍና እርዳታ መደረጉንም ጠቅሰዋል።

Related stories   የዓለም ጤና ድርጅት ለቻይናው ክትባት ይሁንታውን ሰጠ

እርዳታው በተለይ ከተሞች አካባቢ በህግ ማስከበር ሂደቱ ገቢያቸው ለተቋረጠባቸው ወገኞች እና በገጠርም አካባቢ ላሉት ነዋሪዎች መድረሱን ያመላከቱ ሲሆን፤ በቀጣይም ድጋፉ ተጠናክሮ እንደሚቀጥል አረጋግጠዋል። በሀገሪቱ ሌሎች እርዳታ ለሚሹ ወገኖች የሚውል 20 ሺህ ሜትሪክ ቆን እህል ከውጭ እየገባ መሆኑንም ኢዜአ ዘግቧል።


 

Share and Enjoy !

Shares
0Shares
0
Read previous post:
አባዲ ዘሙ – የጋረደው ሚሊዮነር

አባዲ ዘሙ እንደ ሁግ ለጥልጥ ሃብታም ናቸው። እፊታቸው እሳቸው ሱቅ አጠገብ እይፈዘዝኩ ብዙ ጊዜ አይቻቻቸዋለሁ።...

Close