የትግራይ ቴሌቪዥን ጋዜጣኛ የነበረው ዳዊት ከበደ በስም ካልተጠቀሰ ጓደኛው ጋር በጸጥታ ሃይሎች መገደላቸውን የጀርመን ድምጽ ዘግቧል። ዘገባው ሙሉ መረጃ ባያቀርብም በመቀለ ባለ ዘጋቢው አማካይነት ማረጋገጫ ሰጥቷል። የትግራይ ተወላጅ የሆኑ አክቲቪስቶች በበኩላቸው ” የትግራይ ተወላጅ የብልጽግና አመራር ቀብራቹህ በቅርብ ገሃድ ይሆናል” የሚል ሃረግ ያለበት ወርቀት የሰዓት እላፊ በመጣስ በተሽከርካሪ ሆነው ሲበትኑ እንደነበር እየገለጹ ነው።

የጀርመን ድምጽ የመቀለ ዘጋቢ አክቲቪስቶቹ የጠቀሱትን ሃሳብ በዜናው አላካተተም። ይሁን እንጂ ” የትግራይ ክልላዊ መንግሥት የሚያስተዳድረው ቴሌቭዥን ጣቢያ ጋዜጠኛ የነበረው ዳዊት ከበደ እና ጓደኛው ትናንት በመቐለ ከተማ በጥይት ተመተው ተገደሉ። ቤተሰቦቻቸው እና የሥራ ባልደረቦቻቸው እንደተናገሩት ዳዊት እና ጓደኛው የተገደሉት የሰዓት ዕላፊ በታወጀባት ከተማ በተሽከርካሪ ሲንቀሳቀሱ ከጸጥታ ኃይሎች በተከተኮሰ ጥይት ነው” ሲል ነው ዜናውን የጀመረው።

መለስ ብስራት የሚባለው አክቲቪስት የሚከተለውን በፌስ ቡክ ገጹ ያሰፈረ ሲሆን ዞባ ተምቤን Tembien Province በበኩሉ ሰፋ ያለ መረጃ አስፍሯል።

Related stories   ጄኔራል ዮሐንስ ገብረ መስቀል – በትግራይ አስቸኳይ ጊዜ ግብረሃይል መሪ ሆነው ተሾሙ
ከመለስ ብስራት ፌስ ቡክ የተወሰደ ፎቶ

“የጀርመን ድምጽ እንዳለው በተሽከርካሪው ውስጥ የነበሩ ሌሎች ሁለት ሰዎች ደግሞ ታስረዋል። በመቐለ ከተማ የሰዓት ዕላፊ ታውጇል። ወደ ስቱዲዮ ከመግባቴ በፊት ያነጋገርኩት ሚሊዮን እንደነገረኝ ኩነቱ የተፈጸመው በከተማው መንቀሳቀስ በተከለከለበት ወቅት ነው። የትግራይ ፖሊስ ኮሚሽን እና ከጊዜያዊው አስተዳደር ተጨማሪ መረጃ ለማግኘት ሚሊዮን ያደረገው ጥረት እንዳልሰመረ በስልክ ነግሮኛል” የጀርመን ድምጽ ዘገባውን ያተቃልላል።

ዞባ ተምቤን Tembien Province ከጀርመን ድምጽ ጋር ተመሳሳይ መረጃ ያቀረበ ሲሆን ልዩነቱ ያለው ከሰዓት እላፊ ተላልፈዋል የተባሉት ሟቾች ምን ሲያደርጉ እንደነበር ማብራራቱ ላይ ነው። ዞባ ተምቤንም ሆነ ጀርመን ሬዲዮ እንዳሉት በመቀለ ሰዓት እላፊ ታውጇል። ከምሽቱ አንድ ሰዓት በሁዋላ የንቅስቃሴ ገደብ ተጥሏል። ዳዊትና ጓደኞቹ በምግምት 2:30 አካባቢ በተሽከረካሪ ውስጥ ሆነው ጎዳና ላይ ይነዱ ነበር።

የጀርመን ድምጽ ቤተሰቦች አነጋግሮ በሰዓት እላፊ ምን ይሰሩ እንደነበር አላብራራም። ዞባ ተንቤን የሚከተለውን በከፊል ከፌስ ቡክ ገጹ ላይ ወስደናል።

Related stories   አለቃ አጽመ ጊዮርጊስ – የተሳሳተውን የውጫሌ ውል የመረመሩ ጀግና ኢትዮጵያዊ

ዞባ ተምቤን Tembien Province·  የትግራይ ቲቪ ጋዜጠኛ የነበረው ዳዊት ከበደ እና ሶስት ጓደኞቹ ትላንት በመቐለ ከተማ ከምሽቱ 2 30 አከባቢ የበተኑት ወረቀት ቃል በቃል የሚለውን ይዘን ቀርበናል።

“ህዝቢ ትግራይ ንክፀንት ብዝከኣለኩም ትረባረቡ ዘለኹም ኸደምቲ ስርዓት ኣብይን ብልፅግናን ዝኾንኩም ተወለድቲ ትግራይ ናይ ብልፅግና መራሕቲ ቀብርኹም ኣብ ቀረባ እዋን ክገሃድ ‘ዩ።

የአማርኛው ትርጉሙ – “የትግራይ ህዝብ እንዲጠፋ በምትችሉት እየተንቀሳቀሳቹህ ያላአቹህ የአብይ እና የብልፅግና አገልጋዮች የሆናቹህ የትግራይ ተወላጆች የብልፅግና አመራሮች ቀብራቹህ በቅርቡ ገሃድ ይሆናል።

ግዕዝ ሚዲያ በበኩሉ ይህንን ብሏል።


ከመቐለ የደረሰን ዜና
➖➖➖➖➖➖➖➖➖
ትላንት ማታ በመቐለ ከተማ ከፕላኔት ጀምሮ በደስታ ሆቴል በኖርዝ እስታርና በኖቭል ሆቴል በር ኣካባቢ በቪትዝ መኪና ሁነው አመፅ የሚያነሳሳ ወረቀት ሲበትኑ የነበሩት የትግራይ ቲቪ ጋዜጠኛ ነበር ዳዊት ከበደ ጨምሮ ሌሎች ሰዎች የፀጥታ ሃይሉ ከህዝብ ባገኘው ጥቆማ መሰረት እርምጃ ተወስዶባቸው ጋዜጠኛ ዳዊት ሂወቱ ሊያልፍ ችሏል። Geez Media ግዕዝ ሚዲያ

በተመሳሳይ የቪኦኤ የትግራይ ዘጋቢ የዳዊት ከበደን የህይወት ታሪክ ባጭሩ የገለጸ ሲሆን፣ ለምን፣ እንዴትና በምን ምክንያት የጸጥታ ሃይሉ መሳሪያ ሊተኩስ እንደቻለ ያለው ነገር የለም። እነ ዳዊት ሲያሽከረክሯት የነበረችውን መኪና ማየቱን፣ በጥይት ተመታ መበሳሳቷን፣ ከምንገድ ወጥታ ተጋጭታ መቆሟን ጠቁሟል። የመንግስት ሃላፊዎችን ባለማግነቱ ሃሳባቸውን እንዳላካተተ አመልክቷል። በዚሁ በቪኦኤ ዘገባ በመቀለ የሰዓት እላፊ መደንገጉንና እንደ ዳዊት ከሰዓት እላፊ በፊት ወይም በሁዋላ ስለማሽከርከራቸው ያለው ነገር የለም።

Related stories   ወርቃማ ድል የተጎናጸፍነው ትልቁን ስዕል ማየት የሚችሉ ፣ ችግሮቻቸውን የመፍታት ልምድ ያላቸው እናትና አባቶች ስላሉን ነው – ፕሬዚዳንት ሳህለወርቅ

በትግራይ ክልል ማታ ከአንድ ሰአት ቦሃላ ማንኛውም አካል መንቀሳቀስ እንደማይቻል ኮማንድ ፖስቱ ህግ አውጥቷል። ሲልም ዞባ መረጃ ይሰጣል። ኢትዮ 12 ዜናውን በራሱ መነግድ ለማጣራት አልቻለም። ይሁን እንጂ የሶስት ወገኖችን መረጃ ጨምቀን አቅርበናል። ከዚህ የዘለለ መረጃ ማግኘት ከቻልን እንመለስበታለን። አስገድዶ ማስቆም ያልተቻለበትን ምክንያት ለማወቅ ግን ጥረታችን ይቀጥላል።

Share and Enjoy !

Shares

Leave a Reply

Your email address will not be published. Required fields are marked *