በውጭ ወራሪም ሆነ በውስጥ ባንዳ ተባባሪ ያልተሞከረብን የለም። በየዘመናቱ እንቁ የኢትዮጵያ ልጆችን ገብረናል ፣ ቆስለናል ፣ ደምተናል ፣ ሞተናል። እኛ ኢትዮጵያዊያን እኮ ተፈትነን እንጂ ወድቀን አናውቅም ። ምክንያቱም በዓይነቱ የተለየ መሣሪያ ታጥቀናልና ነው።
ቀለብ እየተሰፈረለት የገዛ ሀገሩን ለመበጥበጥ የለፋና የደከመው እልፍ ነው ፣ አንዱ በአንዱ ላይ እንዲነሣ ለፍተው የተሳካላቸው መስሏቸው ጮቤ የረገጡት ተቆጥረው አያልቁም ። እኩይ ተልዕኳቸውን እውን አድርገው ፍርስራሿን ለማየት ቋምጠው ዞር ብለው ሲያዩ ዓርማዋ በሠንደቋ ላይ ሆኖ ከፍ ብሎ ሲውብለበለብ ይመለከቱና በድንጋጤ ክው ይላሉ ። ምክንያቱም የአገራችንን የአኬልዳማነት ድግስ በያዝነው የተለየ መሣሪያ ገና ድሮ ነውና የመከትነው።
ስለተለየው ትጥቃችን ሲነሳ በተለይም ከባድነቱ ብዙዎች ብዙ ግምት እንዲሰጡ ሊያደርግ ይችላል። የተብላላ ኒውክሊየር ፣ ተወንጫፊ ወይም ባላስቲክ ሚሳኤል ፣ ሰው አልባ ድሮኖች ፣ በብርሃን ፍጥነት ኢላማን ዶግአመድ የሚያደርጉ እጅግ ዘመናዊ ጄቶች ፣ ባህር ሰርጓጅ ፣ ታንኮች ፣ ረጅም ርቀት መቺ መድፎች ብቻ ምን አለፋችሁ እስካሁን ያልታዩና የተለዩ ወታደራዊ ግኝቶች የተሞሉባቸው የነፍስ ወከፍና የቡድን መሣሪያዎችን ሊገምት ይችላል ።በፍፁም ግን አይደለም ። ነገሩ ወዲህ ነው።
Image may contain: 2 people, people standing and outdoor
እኛ የታጠቅነው መሣሪያ ረብጣ ዶላሮችን ማፍሰስ ስለቻሉ ብቻ ገበያ ላይ የሚገዙት ፣ በሀያላኑ ወይም በወዳጅ አገራት በብድር ፣ በእርዳታም ሆነ በትብብር መታጠቅ የሚቻል አይደለም ፤ የሚፈታና የሚገጠም ፣ በስልጠና ብዛት አጠቃቀሙን የምንካነውም አይደለም።
በተቆጠረለት ልክ እናት አገር ከፍተኛ ማዕረግ ሠጥታው ሀይል ይገነባልኛል ፣ ይመራልኛል ፣ ይጠብቀኛል ፣ ያስጠብቀኛል ያለችው ጄኔራል መኮንን እንደ ተሾመበት አላማ ሳይሆን ከመሪ መርህ ውጭ በጁንታዊ ደባ ናውዞ ፥ ከህሊናው ተጣልቶ ከወታደራዊው ሙያዊ ስነምግባር አፈንግጦ ያደረገውን አድርጏል ።
Image may contain: one or more people
Image may contain: 2 people, people standing, beard, outdoor and closeupበወረደና በረከሰ የሴራ እሳቤ ተሞልቶ የሚመራቸውን በተኙበት ቢያሳርድ ፣ ቢያስወጋ ፣ ከክህደት በላይ በሚመነዘር ድርጊት የመገናኛ ድሩን ቢበጣጥስ ፣ ስለህልውናዋ የማይቻለውን ፈተና ሁሉ የምንችል እኛ የቁርጥ ቀን ጀግኖቿ አንዳች እንኳ ከኢትዮጵያውያዊነት ሚዛን ለአፍታ እንኳ ፈቀቅ እንዳንል ሰርክ ለወል አላማችን የሚያተጋን ፣ የማይበጠስ ፣ የማይበላሽ የማይቆሽሽ መሣሪያ ነው የታጠቅነው። አሁንም ግን ስለትጥቃችን ዓለም የደረሰችበትን ዘመናዊ ወታደራዊ መገናኛዎች የገመተ ተሳስቷል።
እኛ የታጠቅነው መሣሪያ ከሁሉም በእጅጉ ይለያል እሱም “ኢትዮጵያዊ ስነልቦና” ነው። ያውም ጥንት አበው በከበረ የደም ዋጋ አቅልመው ያወረሱን የአልደፈርና የአልሸነፍ ባይነት ታሪክ ፣ ለትልቋ ሀገር ዘላቂ ህልውና ትንሹን ሰብአዊ ፣ ግላዊና ጥቅማዊ ፍላጎት ወደ ጎን ትቶ ስለ ህብራዊ የአንድነት ክብር በፍቅር የመሞት ማንነታዊ የውርስ ስነልቦና ነው።
ብዙዎች ጥልቁን የአናብስት ምድር ግዙፍ መሣሪያ ትተው በሠው ሠራሽ የትጥቅ ጋጋታ ይገምቱናል ። ኋላቀር ደካማ ናቸው ብለው በተነሱ ቁጥር የማይታየውን የኢትዮጵያዊ ስነልቦና ቃታችንን እየሳብን ከነ ድንፋታቸው በመጡበት አስቀርተናቸዋል።
ለዚህ ደግሞ የጥቁር ክንድ መስካሪው የአድዋ ገድል ፣ የፋኖነታችን ማሳያው የካራማራ ድል አብነቶች ቢሆኑም ፣ የየዘመኑ ጠላቶቻችን ወደፊት እንጂ ወደኃላ አይመለከቱም ።
እኛ ኢትዮጵያዊያን ዛሬም ሆነ ነገ ልክ እንደ ትናንቱ ለሚነሱብን ሁሉ የነበረን የተለየ መሣሪያ ከፊት ቀድሞ ይጠብቃቸዋል።
አዎ የማንሸነፈው የተለየ መሣሪያ ስለታጠቅን ነው።
ሻምበል ፈይሳ ናኔቻ

Share and Enjoy !

Shares
Related stories   የባይደን አስተዳደር ፖሊሲ አምስተኛው ምሰሶ የኢትዮጵያ ዙፋን ላይ የሚቀመጠዉን ቡድን መወሰንና የ 2021 ምርጫን ማዋደቅ (1ኛ ክፍል 2)

Leave a Reply

Your email address will not be published. Required fields are marked *