“Our true nationality is mankind.”H.G.

አምባሳደር ኢቨግኒ በሩሲያና በኢትዮጵያ መካከል ያለውን ሁሉን አቀፍ ግንኙነት ማሳደግ እንደሚገባ ተናገሩ፤ አቶ ደመቀ አመሰገኑ

ምክትል ጠቅላይ ሚኒስትርና የውጭ ጉዳይ ሚኒስትር ክቡር አቶ ደመቀ መኮንን በኢትዮጵያ የሩስያ አምባሳደር ኢቨግኒ ታሪኪንን ጋር ውይይት ባደረጉበት ወቅት አምባሳደሩ የሁለቱ አገሮች ግንኙነት ማደግ እንዳለበትና አገራቸው ከፍተና ፍላጎት እንዳላት ማስታወቃቸው ተገለጸ።

አቶ ደመቀ ሩሲያ መርህ ላይ ተመስርታ ከኢትዮጵያ ጎን በመቆሟ ከፍ ያለ ምስጋና ማቅረባቸውን የዘገበው ፋና ነው። ፋና በዘገባው አቶ ደመቀ ቀደም ሲል ከሩስያ አቻቸው ሰርጌ ላቭሮቭ ጋር ስኬታማ ውይይት ማድረጋቸውን በማስታወስ በቅርቡም በተባበሩት መንግስታት ድርጅት የጸጥታ ጥበቃው ምክርቤት ሰብሰባ ላይ ሩስያ  ለወሰደችው መርህን መሰረት ያደረገ አቋም ምስጋናቸውን አቅርበዋል።

Related stories   ሰላም፣እርጋታና የዜጎች ደህንነት ለኢትዮጵያውያን ፍትሃዊ እድገት ወሳኝ ናቸው – በአሜሪካ የህዝብ ዲፕሎማሲ አማካሪ ምክር ቤት

ሚኒስተሩ በትግራይ ክልል ያለውን ወቅታዊ ሁኔታን በተመለከተ ለአምባሳደሩ ማብራሪያ ሰጥተዋል።

በመንግስት በኩል የሰብኣዊ እርዳታ አቅራቢ ድርጅቶችና የሚዲያ ተቋማት በክልሉ ተገኝተው ስራቸውን እንዲያከናውኑ ምቹ ሁኔታዎች የተፈጠሩ መሆኑን ገልፀው የሚነሱ የሰብዓዊ መብት ጥሰቶችንም ለማጣራት ስራዎች እየተከናወኑ መሆኑን ተናግረዋል።

ነገር ግን አሁንም በመሬት ላይ ያለውን ተጨባጭ እውነታ ያላገናዘቡ ወቀሳዎች መቀጠላቸውን አስረድተዋዋል።

በቅርቡ በተካሄደው የአፍሪካ ሕብረት የሰላምና ጸጥታው ምክር ቤት ሰብሰባ ላይ  ጠቅላይ ሚኒስትር ዐቢይ አህመድ በትግራይ ወቅታዊ ሁኔታ ላይ ማብራሪያ መስጠታቸውን ለአምባሳደሩ ገልጸዋል።

Related stories   ‹‹የህዳሴው ግድብ ለሱዳን ከፍተኛ ጥቅም አለው፤ የቀጠናውን የኢኮኖሚ ትስስር ያጠነክራል››

በዚህም በትግራይ ክልል የሚነሱ የሰብዓዊ መብት ጥሰቶችን ለመመርመር የአፍሪካ ህብረት የሰብዓዊ መብት ኮሚሽን ከኢትዮጵያ የሰብዓዊ መብቶች ኮሚሽን ጋር በጋራ ምርመራዎችን እንዲያካሂድ መንግስት ያለውን ፍላጎት መገለጹን አንስተዋል።

በሌላ በኩል የተባበሩት መንግስታት ድርጅት የሚመለከታቸው አካላት በጋራ ምርመራ ለማድረግ በመንግስት በኩል ያለውን ዝግጁነት ጠቅላይ ሚኒስትሩ መግለጻቸውን አቶ ደመቀ አብራርተዋል።

አምባሳደር ኢቨግኒ ታሪኪንን በሁለቱ ሀገራት መካከል ያለውን ሁሉን አቀፍ ግንኙነት የበለጠ ማጠናከር እንደሚያስፈልግ ገልፀዋል።

Related stories   ምዕራባዊያን አገራት በኢትዮጵያ ላይ እያራመዱት ያለው አቋም የዴሞክራሲ መርህን የጣሰ ነው

የተፈረሙ ስምምነቶችን ወደ ስራ በማስገባት እንዲሁም በሂደት ያሉ ስምምነቶች እንዲፈረሙ በማድረግ በሀገራቱ መካከል ያለውን የሁለትዮሽ ትብብር የበለጠ ማጠናከር እንደሚያስፈልግ በውይይቱ መግባባት ላይ ተደርሷል ተብሏል።

አቶ ደመቀ በኢትዮጵያ እና ሩስያ መካከል ያለውን የረጅም ጊዜ ግንኙነት አውስተው፤ በቀጣይም ሁለቱ ሀገራት በሁለትዮሽ እና በባለብዙ ወገን መድረኮች ያላቸውን ትብብር የበለጠ ማጠናከር እንደሚያስፈልግ ገልጸዋል።

Share and Enjoy !

Shares
0Shares
0