የአገር መከላከያ ሰራዊት በውሰደው ጠንካራ የህግ ማስከበር እርምጃ ከተደመሰሰው ውጭ ተበትኖ ወደ ጫካ የሸሸው የትግራይ ህዝብ ነጻ አውጪ ሰራዊት ሕዝብ ውስጥ ገብቶ ራሱን መልሶ እያደራጃና ቀን ሰላማዊ፣ ሲመሽ ታዋጊ በመሆን የትንኮሳ፣ ሲለውም የማጥቃት ሙከራ እንደሚያደርግ በስፍራው ካሉ የሰራዊቱ አባላት መካከል ለኢትዮ12 አመለከቱ።

በኢትዮ 12 “አማራ እና ኦሮሞን በካራ ሌላውን ብሄር በጥይት” በሚል ርዕስ የተጻፈውን መረጃ ካነበቡ በሁዋላ በቀጥታ ያነጋገሩን እንዳሉት የትህነግ ጭፍራ ሳይሆን እነሱን የመሸጉ ክፍሎች ናቸው ኦፕሬሽኑን ያራዘሙት። የመከላከያ ሰራዊት በወሰደው ማጥቃት ተበትነው ወደ ኮረምና ራያ ሸሽተው የነበሩት የትህነግ ሸማቂዎች አመቺ ጊዜ እየጠበቁ ከፍተኛ ጥቃት ለማድረስ ቢሞክሩም ስላልተሳካላቸው አሁን አዲስ ስልት ጀመረዋል።

Related stories   “ዶላር እናወርዳለን” የውጭ አገር ዜጎችን የዝርፊያ ድራማ ፖሊስ አለሳልሶ ይፋ አደረገው

ስለ ትህነግ የወቅቱ እንቅስቃሴ የሚያውቁ እንደሚሉት በኮረምና ራያ በኩል የመከላከያ ሰራዊት ከሰራው ከበባ ለማምለጥ የሞከረ የትህነግ ሃይል ክፉኛ በሺህ የሚቆጠሩ ሙት፣ ቁስለኛና ምርኮኛ ከሆኑ በሁዋላ ተንቤንና አቢ አዲ በረሃውን ሃይላቸውን የማጠናከር እቅድ እንደያዙ ተሰምቷል።

ታማኝ የመረጃ ምንጮች እንደሚሉት የመከላከያ የበላይ አዛዦች በዚሁ ጉዳይ የኦፕሬሽን ማስተካከያና አዲስ የአሰላለፍ አቅጣጫ ለማበጀት የሚያስችል እቅድ ለመንደፍ እየመከሩ ነው።

የሰራዊቱ አባላት እንደሚሉት “ሲቪል ሆነው ይዋጉናል፤ እርምጃ ሲወሰድ የሰብአዊ መብት ተጣሰ ብለው ይከሳሉ” ካሉ በሁዋላ ” መንግስት የሚረዳውን ስንዴ እያስፈጩና እየጋገሩ ሽፍቶቹን ይቀልባሉ” ሲሉ በተወሰኑት የህብረተሰብ ክፍሎች ላይ ቅሬታቸውን ያሰማሉ። ” ለትግራይ ሕዝብ ደሙን ያፈሰሰ፣ እድሜውን የቀበሮ ጉድጓድ ውስጥ የፈጀ ሰራዊት እንዴት እንደታረደ፣ እንደተጨፈጨፈና ክህደት እንደተፈጸመበት ስናስብ ዛሬም ድረስ ያመናል” ሲሉ የበደል ስሜቱ እንዳልሻረላቸው አመልክተዋል።

Related stories   መከላከያ በዘመናዊ ቴክኖሎጂ “ጁንታውን” ሙሉ በሙሉ መደምሰሱን አስታወቀ! በርካታ በቁጥጥር ስር ውለዋል

” ይህ ሁሉ ሳያሽር” ይላሉ የሰራዊቱ አባላት ” ይህ ሁሉ ግፍ ሳያንስ ከሽፍታው ቡድን ጋር በድብቅ በማበር መከላከያን እያስቆጡ መሆኑንን፣ ይህ ደግሞ የበርካቶችን የትዕግስት ልክ እየተፈታተነ ነው” ብለዋል።

” በተኛንበት እንድንታረደ ያዘዙ ሲማረኩ እግር እያጠበን፣ እግራቸውን እያሸን የተንከባከብነው ከሙያ ስነምግባርና ከኢትዮጵያዊ ጨዋነት መነሻ እንጂ እነሱ ደግ ስለሆኑ አልነበረም” ሲሉ አሁን በአንዳንድ ቦታዎች የሚስተዋለው ሁኔታ ሊታገሱት ከማይችሉበት ደረጃ መድረሱን አመላክተዋል። የእርዳታ ስራ ላይ የተሰማሩ አካላት በታጣቂ ማዟዟር ተግባር ላይ እጃቸው አለ ብለው እንደሚያምኑም ጠቁመዋል። አያይዘውም አንድ ውሳኔ ላይ ሊደረስ እንደሚገባ ጠቁመዋል። አገር ወዳድ ዜጎች ሌሎች ለጥፋት ከሚረባረቡት በላይ የመከላከያ ሰራዊትን ሊቀላቀሉ እንደሚገባና ይህንን ጥያቄ ለመንግስት ሊያቀርቡ እንደሚገባም አሳስበዋል።

Related stories   ብርሃኑ ነጋ አቋማቸውን ቀየሩ፤ ኢዜማ ደርግ በግፍ የዘረፈውን የግል ሃብት ለተከራይ እንደሚሸጥ ይፋ አደረገ፤ የኢዜማ የ ” ፍትህ” ሩጫ

በዚህ ጉዳይ የተሰባሰቡ መረጃዎችና ምን መደረግ አለበት የሚለውን ሙሉ የመፍትሄ ሃሳብ በተከታታይ እናቀርባለን።

Share and Enjoy !

Shares

Leave a Reply

Your email address will not be published. Required fields are marked *