የሰላም ሚኒስትር ወ/ሮ ሙፈሪያት ካሚል ከትህነግ የቅጥረ ነበሰ ገዳይ ቡድኖች ቀለበት ማምለጣቸው ተሰማ። ግድያው የከሸፈው የአገር ደህንነት ቀድሞ መረጃ አግኝቶ ይሁን አይሁን አልታወቀም። መንግስትም በይፋ አላሳወቀም።

ከህግ ማስከበሩ ዘመቻ በሁዋላ በትግራይ የሚላስ የሚቀመስ መጥፋቱ በትግያ ተወላጆች ከፈተኛ ጩኸትና ተቃውሞ የቀረበበት ጉዳይ ነበር። መንግስት ለጉዳይ ልዩ ትኩረት በመስጠት ወ/ሮ ሙፈሪያትን ወደ ትግራይ ልኮ ለሶስት ሳምንት ያህል እዛ ሆነው ከዓለም ዓቀፍ እርዳታ ተቋማት ጋር ሲሰሩ እንደነበር ይታወቃል።

ከዓለም የምግብ ድርጅት ባለስልጣናት፣ ከተለያዩ የዓለም አቀፍ ድርጅቶች፣ የአውሮፓና አሜሪካ ተወካዮች እንዲሁም ከተለያዩ ለጋሽ አገሮች ጋር በመቀሌ ሆነው አብረው ሲሰሩ እነደከረሙ ዜናዎች ሲሰራጩ ነበር። በትክክል ያለውን መረጃ በአካል በመገኘት በማስረዳት ሰፊ ስራ የሰሩትና በርካታ ሪፖርቶች እንዲላዘቡ ሃቅ ያስጨበጡት ወ/ሮ ሙፈሪያት፣ ከህግ ማስከበሩ ዘመቻ በፊት ጀምሮ እያለቀሱ ሰላም እንዲወርድ ሲማጸኑ  ተግባራቸው አልተወደደላቸውም ነበር።

Related stories   “ዶላር እናወርዳለን” የውጭ አገር ዜጎችን የዝርፊያ ድራማ ፖሊስ አለሳልሶ ይፋ አደረገው

በርካታ የትህነግ ደጋፊዎች በማህበራዊ ሚዲያዎች ” ኮበለሉ” ከሚለው የሃሰት ዜና ጀመሮ ከፍተኛ ስድብ ሲያወርዱባቸው ነበር የሰነበቱት። አንዳንዶቹ ዛቻም ያሰሙ ነበር።

ወ/ሮ ሙፈሪያት ታስቦበት ይሁን በድንገት ባስቸኳይ ወደ አዲስ አበባ እንዲመጡ ጥሪ የደረሳቸው በቀጥታ ለሳቸው እንደነበር የዛጎል መረጃ አቀባይ አስታውቀዋል። መረጃው በደረሳቸው ቅጽበት በመከላከያ ሰራዊት እይታ ውስጥ ሆነው አውሮፕላን ተሳፈሩ።

እሳቸው ወደ አዲስ አበባ ካመሩ በሁዋላ በትግራይ ለእሳቸው በተመደበቸው ተሽከረካሪ ላይ ጥቃት ተሰነዘረ። መረጃውን ያጋሩት እንዳሉት ሁለት ሰዎች ተጎድተዋል። ማንነታቸውን ግን ለጊዜው ማወቅ አልቻሉም።

Related stories   መከላከያ በዘመናዊ ቴክኖሎጂ “ጁንታውን” ሙሉ በሙሉ መደምሰሱን አስታወቀ! በርካታ በቁጥጥር ስር ውለዋል

” መተናኮስ አገርን ከመከፋፈል የተለየ አይደለም” ሲሉ መቀለ በሰላም ኮንፈራንስ ላይ ንግግር አድረገው ነበር። በዛው ንግግራቸው እብሪት፣ንቀት፣ እኔ ከሌላው እበልጣለሁ ማለት እንዴት እንደመጣ፤ በለው፣ ፈለጠው፣ ቁረጠው … የሚለው ፉከራ እንዴት ሊመታ ቻለ በሚል እያለቀሱ ሰላምን ሲማጸኑ እንደነበር ይታወቃል።

መረጃ ካቀበሉን ውጪ ዜናውን የመንግስትም ሆነ የትግራይ ክልል አላረጋገጡም። ትግራይ ክልል የሚኖር የማህበራዊ ገጽ ተባባሪያችን ለማጣራት አንድ ሃላፊ ጋር ደውሎ ለማናገር ቢሞክርም ሃላው ምንም ለማለት ፈቃደኛ እንዳልሆኑ ገልጸው ስልካቸውን ዘግተዋል። ይሁን እንጂ ጥያቄውን ስምተው አላስተባበሉም።

Related stories   ብርሃኑ ነጋ አቋማቸውን ቀየሩ፤ ኢዜማ ደርግ በግፍ የዘረፈውን የግል ሃብት ለተከራይ እንደሚሸጥ ይፋ አደረገ፤ የኢዜማ የ ” ፍትህ” ሩጫ

 

Share and Enjoy !

Shares

Leave a Reply

Your email address will not be published. Required fields are marked *