“Our true nationality is mankind.”H.G.

በመተንፈሻ መሳሪያዎችና ኦክስጅን እጥረት ሳቢያ ታካሚዎች አገልግሎቱን ሳያገኙ ለህልፈት እየተዳረጉ ነው

በኮሮና ህክምና ማዕከላት የሚገኙ የመተንፈሻ መሳሪያዎችና የኦክስጅን አቅርቦት አነስተኛ በመሆኑ በቫይረሱ ተይዘው ወደ ማዕከላቱ የሚመጡ ታካሚዎች አገልግሎቱን ሳያገኙ ለህልፈት እየተዳረጉ መሆኑን የሚሊኒየም እና ኤካ ኮተቤ አጠቃላይ ሆስፒታል የኮቪድ19 ህክምና ማዕከላት ገልጸዋል፡፡ ህክምናውን ለመጠባበቅ  ወረፋ ይዘው የተመለሱ ዜጎችን ተራቸው ሲደርስ ሲደወልላቸው ቤታቸው ሆነው ህይወታቸው ማለፉን መስማትም የተለመደ ሆኗል ይላሉ ዶክተር ታሪኩ፡፡

የሚሊኒየም ኮቪድ19 ህክምና ማዕከል ዳይሬክተር ዶክተር ውለታው ጫኔ፣ ከቅርብ ጊዜ ወዲህ በቫይረሱ ተይዘው ወደ ማዕከሉ የሚመጡ ዜጎች ቁጥር በርካታ መሆኑን ነው የተናገሩት፡፡

በአማራ ክልል የኮቪድ-19 ወረርሽኝ በከፍተኛ መጠን ጨመረ- ሆስፒታሎችም ህሙማንን ማስተናገድ ከአቅማቸው በላይ መሆኑን አስታውቀዋል

 

አሁን ላይ በማዕከሉ 210 የሚሆኑ ታካሚዎች መኖራቸውን የገለጹት ዳይሬክተሩ፤ ከእነዚህ ውስጥም 27 የሚሆኑት በመተንፈሻ መሳሪያ እየታገዙ ሲሆን፣75 የሚደርሱት ደግሞ ኦክስጅን በመጠቀም ላይ ናቸው ብለዋል፡፡

ወደ ጽኑ ህክምና ከፍል የሚገቡ ዜጎች ቁጥር ማሻቀቡን ተከትሎም ለታካሚዎች አስፈላጊውን ድጋፍ መስጠት አለመቻሉን ዶክተር ውለታው አብራርተዋል፡፡

ከዚህ ባለፈም መሳሪያዎቹ ያለምንም እረፍት ለ24 ሰዓት እየሰሩ በመሆናቸው አቋማቸው እየወረደ መምጣቱን ነው የሚናገሩት፡፡

በኤካ ኮተቤ አጠቃላይ ሆስፒታል የኮቪድ19 ህክምና ማዕከል የፅኑ ህክምና ክፍል ኃላፊ ዶክተር ታሪኩ አሰፋ በበኩላቸው፣ ከባለፉት ሁለት ወራት ወዲህ በቫይረሱ ተይዘው ወደ ጽኑ ህክምና ክፍል የሚገቡ ዜጎች ቁጥር ማሻቀቡን ተናግረዋል፡፡

በዚህ ሳቢያ አሁን ላይ  አገልግሎቱን ለማግኘት ወደ ማዕከሉ  የሚመጡ ጽኑ ታማሚዎችን ማስተናገድ አለመቻሉን ነው የሚገልጹት፡፡

ህክምናውን ለመጠባበቅ  ወረፋ ይዘው የተመለሱ ዜጎችን ተራቸው ሲደርስ ሲደወልላቸው ቤታቸው ሆነው ህይወታቸው ማለፉን መስማትም የተለመደ ሆኗል ይላሉ ዶክተር ታሪኩ፡፡


Related stories   የኮቪድ ጽኑ ታማሚዎች ቁጥር መብዛቱ በዲላ ሆስፒታል አገልግሎት አሰጣጥ ላይ ጫና አስከትሏል

ከባለፈው መስከረም ወር ጋር ሲነፃጸር አሁን ላይ በማዕከሉ ውስጥ በቫይረሱ ሳቢያ ለህልፈት የሚዳረጉ ዜጎች ቁጥር በ3 እጥፋ ማደጉን ዶክተር ውለታው ተናግረዋል፡፡

የኮሮና ታካሚዎች መብዛት የህክምና ማዕከላትን ከማጨናነቁ ባለፈ በባለሙያዎች ላይ ከፍተኛ ጫና እየፈጠረ መሆኑንም ነው የገለጹት፡፡

ስለሆነም ዜጎች ያለውን ነባራዊ ሁኔታ ግምት ውስጥ በማስገባት የቫይረሱን መከላከያ መንገዶች በትክክል ገቢራዊ እንዲያደርጉ አሳስበዋል፡፡

ከኮሮና ክትባት ጋር በተያያዘ ዜጎች አንዴ ተከትቤያለው በሚል የሚያሳዩትን መዘናጋት ማቆም እንዳለባቸው ዶክተር ታሪኩ ተናግረዋል፡፡

በሌላ በኩል ዜጎች  ስለ ክትባቱ የሚወሩ አላስፈላጊ አሉባልታዎችን  ወደ ጎን በመተው ክትባቶችን ባገኙት አጋጣሚ መከተብ እንዳለባቸው ነው ያሳሰቡት፡፡

በመላኩ ገድፍ – FBC

SUBSCRIBE 

Name
Email
The form has been submitted successfully!
There has been some error while submitting the form. Please verify all form fields again.

Share and Enjoy !

0Shares
0
0Shares
0