” የጉዞ ማስጠንቀቂያውን ደግመን አናይም፣ አናደርገውም” አሚሪካ

አሜሪካ ለዜጎቿ የሰጠችው የጉዞ ማስጠንቀቂያ በኢህአዴግ ዘንድ አልተወደደም። የኮሙኒኬሽን ጉዳይ ሚኒስትር ጌታቸው ረዳ ውሳኔውን የተቃወሙት ባለተለመደ ሁኔታ ነው። ሚኒስትሩ ተቃውሟቸውን የገለጹት ” ወሳኔው የተሰጠው የኢትዮጵያን ሰላምና መረጋጋት ከማይፈለጉ የአሜሪካ የውጭ ጉዳይ መስሪያ ቤት ሰዎች ነው” በማለት ነበር። ይሁንና አሜሪካ ውሳኔው ጥንቃቄ የተሞላበትና እንደገና የሚፈተሽ ጉዳይ እንዳልሆነ ነው ያስታወቀችው።

የዩናይትድ ስቴትስ ውጪ ጉዳይ ሚኒስቴር ባለፈው ማክሰኞ በተለያዩ የዓለማችን ጉዳዮች ላይ ለጋዜጠኞች መግለጫ መሰጠቱን ፣ በመግለጫውም የኢትዮጵያ ጉዳይ ተነስቶ እንደነበር በማስታወስ የቪኦኤ የአማርኛ ክፍል እንዳለው ፣ ማብራሪያውን የሰጡት የውጭ ጉዳይ ሚኒስተር ቃል አቀባይ ጆን ከርቢ ” የጉዞ ማስጠንቀቂያውን ዳግም መመልከት አያስፈልግም። አናደርገውም” በማለት ነበር በቀጥታ የመለሱት።

Related stories   በእነ ጃዋር የህክምና ጥያቄ ጠቅላይ ፍርድ ቤት የሁሉንም ተከራካሪዎች ጥያቄ ውድቅ አደረገ፤ ቃሊቲ ሆነው ይታከማሉ፤

“በኢትዮጵያ ያለ ፍርድ ቤት ማዘዣ ሰዎች የሚከናወነው እስር። የኢንተርኒት መዘጋት፣ የህዝባዊ ስብሰባዎች መከልከል፣ የሰዓት እላፊ አዋጁና የመናገር ነጻነት ማዕቀብ የሚያስከትለው ውጤት እንደረበሸን አለ”ሲሉ አሜሪካን ኢትዮጵያ ውስጥ በሚሆነው ሁሉ ስጋት እንዳለባት የጠቆሙት ቃል አቀባዩ የጉዞ ማስጠንቀቂያው በቀላሉ እንዳልወጣ አመልክተዋል።

እንዲህ ያለው ማስጠንቀቂያ በመላው ዓለም ላሉ አገሮች ሁኔታዎች በጥንቃቄ እየታዩ የሚከናወን ጉዳይ መሆኑንን የጠቆሙት ቃል አቀባዩ፣ ” ኢትዮጵያ የተለየች አይደለችም” ብለዋል። አሜሪካኖች በየትኛውም ዓለም ሲንቀሳቀሱ ጥንቃቄ እንዲያደርጉ ምክርና ማስጠንቀቂያ መስጠት የተለመደ እንደሆነም ተናግረዋል።

Related stories   Ministry Urges Amnesty Int’l to Use Appropriate Sources in Report to Uncover the Truth

አለመታደለ ሆኖ አሜሪካውያን ወደ ኢትዮጵያ የሚያደርጉትን የጉዞ እቅድ እንዲሰርዙ የተወሰነው የአገሪቱ ሰላምና መረጋጋት የማያስደስታቸው የውጭ ጉዳይ መስሪያ ቤቱ አንዳንድ ሰዎች ፍላጎት እንደሆነ አቶ ጌታቸው መናገራቸው ለፖለቲከኞች ለዩ ትርጉም እየሰጠ ነው። ለወትሮው ተመሳሳይ ቃል የሚናገሩት የሁለቱ አገራት ባለስልጣናት ወደ እንዲህ መሳዩ ፍረጃ መዞራቸው ” ቀጣዩ ምን ሊሆን ይችላል?” የሚል ብልጭታን ፈጥሯል።

Related stories   አብነት ገብረመስቀል ከኮቪድ አገግመው ወደ ቢሮ ተመለሱ

የቀድሞው ስዓት የውጭ ጉዳይ ሚኒስትር የነበሩት ሻለቃ ዳዊት ወልደ ጊዮርጊስ ሰሞኑን ቪዥን ኢትዮጵያ ባዘጋጀው መድረክ ላይ አሜሪካ ያወጣችው የጉዞ ማስጠንቀቂያ በቀላሉ የሚታይ እንዳልሆነ ተናገረዋል። ማስጠንቀቂያው አሜሪካን ለሚሰሙ አገሮች ሁሉ የሚያገለግል በመሆኑ ጫናው የከፋ እንደሆነም አክለው ገልጸዋል።

ጆን ከርቢ ” እንሱ ካወጡት የአስቸኳይ ጊዜ አዋጅ አንጻር ሲታይ የእኛ ማስጠንቀቂያ የተሻለ ነው” በለዋል። አቶ ጌታቸው በበኩላቸው አዋጁ ውጤታማና በአገሪቱ ሰላም ማስፈን እንደቻለ አስረግጠው ነው የተናገሩት። የቪኦኤን ዚና ያድመጡ

Share and Enjoy !

Shares

Leave a Reply

Your email address will not be published. Required fields are marked *