በትግራይ ክልል መምህራን የመማር ማስተማር ስራቸውን በአግባቡ ማከናወን እንዲችሉ የመኖሪያ ቤት መስሪያ ቦታ እንዲሰጣቸው ተወሰነ። የክልሉ ንግድ ኢንዱስትሪና ከተማ ልማት ቢሮ ምክትል ሀላፊ አቶ አታክልት ገብረ ህይወት ውሳኔውን ተግባራዊ ማድረጊያ መመሪያ ተዘጋጅቷል ብለዋል።

በዚህም በክልሉ የሚገኙ መምህራን የጋራ መኖሪያ ቤቶችን የሚያገኙበት እንዲሁም በተናጠል የመኖሪያ ቤት ለመስራት አቅሙ ላላቸውም በነብስ ወከፍ 140 ካሬ ሜትር ቦታ እንዲሰጣቸው እንደሚደረግ ነው አቶ አታክልት የተናገሩት ። የቤት መስሪያ ቦታ ለማግኘትም እንደየከተሞቹ እድገትና ስፋት መምህራኑ ከ50 ሺህ ብር እስከ 110 ሺህ ብር መቆጠብ ይጠበቅባቸዋል።

Related stories   Ministry Urges Amnesty Int’l to Use Appropriate Sources in Report to Uncover the Truth

በግንባታ ሂደት ላይ ለሚያጋጥማቸው የገንዘብ እጥረትም ከባንክና ማይክሮ ፋይናንስ ተቋማት ብድር እንዲያገኙ ለማድረግ መታቀዱም ነው የተገለፀው። የቴክኒክና ሙያ መምህራንም የመርሀ ግብሩ ተጠቃሚ ይሆናሉ ተብሏል።አዲስ አበባ፣ ህዳር 30፣ 2009 (ኤፍ.ቢ.ሲ)

በትግራይ ክልል በቴክኒክ ትምህርትና ስልጠና ተቋማት ያሉትን ሳይጨምር በአንድኛና ሁለተኛ ደረጃ ከ37 ሺህ በላይ መምህራን እንደሚገኙ ከክልሉ ትምህርት ቢሮ የተገኘው መረጃ ያመለክታል ብሏል ኢዜአ በዘገባው።

Leave a Reply

Your email address will not be published. Required fields are marked *