ትናንት የተገደሉት የአብዛኞቹ ሰዎች ቀብር ዛሬ ስለሚፈፀም፤ ከቀብር ጋር ተያይዞ የፀጥታ ችግር እንዳይፈጠር የሃገር ሽማግሌዎች ከቀብር በኋላ ወጣቱ ወደ ቤቱ እንዲመለስ እያሳሰቡ ናቸው ብለዋል። Via BBC Amharic

አምቦ ውስጥ ስኳር የጫኑ መኪናዎች እንዳያልፉ ተዝግቶ የነበረውን መንገድ ለማስከፈት የፀጥታ ኃይሎች በወሰዱት እርምጃ ሰዎች ሞተዋል።

ዛሬ ከአምቦ ሆሰፒታል የሜዲካል ዳይሬክተር ተወካይ የሆኑት ዶ/ር ቶኩማ ክፍሌ እንደነገሩን፤ ትላንት በነበረው ግጭት ስድስት ሰዎች ህይወታቸው አልፎ ሆሰፒታል እንደደረሱ እና ሌሎች ሁለት ሰዎች ደግሞ ሆስፒታል ከመጡ በኋላ ህይወታቸው እንዳለፈ አረጋግጠዋል።

ዶ/ር ቶኩማ እንዳሉት ህይወታቸው አልፎ ከመጡት እና በሆስፒታሉ ከሞቱት መካከል ሁለቱ ሴቶች ናቸው።

Related stories   የትግራይ ቴሌቭዥን ጋዜጠኛ ዳዊትና ጓደኛው ተገደሉ፤ “የትግራይ ተወላጆች የብልፅግና አመራር ቀብራቹህ በቅርቡ ገሃድ ይሆናል”

”የሁሉንም ሟቾች አስክሬን ማየት ባልችልም፤ ከተመለከትኳቸው አስክሬኖች እና ከባልደረቦቼ እንደሰማሁት ሁሉም የሞቱት በጥይት ተመትተው ነው። ከሟቾቹ መካከል ጭንቅላታቸውን የተመቱ ሲኖሩ፤ ሆዱን የተመታና ኦፕሬሽን ክፍል ደርሶ ብዙ ደም በመፍሰሱ የሞተም አለ” ብለዋል።

ዶክትር ቶኩማ ጨምረውም አብዛኛዎቹ ሟቾች እድሜያቸው በ20ዎቹ ውስጥ የሚገኙ ወጣቶች ናቸው። ሆስፒታል ደርሰው ከሞቱት መካከል አንደኛዋ ሴት ስትሆን እድሜዋ በግምት 16 ወይም 17 ሊሆን እነደሚችል ተናግረዋል።

ከትላንት ጀምሮ ህክምና ተደርጎላቸው እየተመለሱ ያሉ ሰዎች እንዳሉ የሚናገሩት ዶ/ር ቶኩማ አሁን በሆስፒታሉ ከአስር ያላነሱ ሰዎች የተለያየ ጉዳት ደርሶባቸው ህክምና እየተደረገላቸው እንደሆነ ገልፀዋል።

ከእነዚህም መካከል በጽኑ የተጎዱ እንዲሁም ለህይወት የማያሰጋ ከባድ የአካል ጉዳት የደረሰባቸውም እንዳሉ ዶክተር ቶኩማ ተናግረዋል።

Related stories   ኤታማዦርሹሙ ሱዳን ከተደገሰላት የጦርነት ወጥመድ ይልቅ ለዕርቅ ቁርጠኛ እንድትሆን መከሩ

በአምቦ ከተማ በተከሰተ ግጭት ሰዎች ተገደሉ

የአምቦ ከተማ የኮሚኒኬሽን ቢሮ ሃላፊ የሆኑት አቶ ጋዲሳ ደሳለኝ በከተማዋ ብዙ እንቅስቃሴ ባይታይም ከትላንቱ አንፃር ከተማዋ ስላም እንደሆነች ገልፀዋል።

ትናንት የተገደሉት የአብዛኞቹ ሰዎች ቀብር ዛሬ ስለሚፈፀም፤ ከቀብር ጋር ተያይዞ የፀጥታ ችግር እንዳይፈጠር የሃገር ሽማግሌዎች ከቀብር በኋላ ወጣቱ ወደ ቤቱ እንዲመለስ እያሳሰቡ ናቸው ብለዋል።

የምዕራብ ሸዋ ዞን የፀጥታ እና አስተዳደር ቢሮ ሃላፊ የሆኑት አቶ ጌታቸው ኩምሳ ደግሞ፤ ”የሟቾችን ማንነት፣ በማን እና በምን አይነት ሁኔታ እንደተገደሉ እየተጣራ ነው። ከሟቾቹ መካከል ጭንቅላታቸውን የተመቱ ሲኖሩ፤ ሆዱን የተመታና ኦፕሬሽን ክፍል ደርሶ ብዙ ደም በመፍሰሱ የሞተም አለ” ብለዋል።

Related stories   ኢትዮጵያ በወታደራዊ ኃይል ጥንካሬ ከአፍሪካ 6ኛ ከዓለም 60ኛ ሆነች

አቶ ጌታቸው እንደሚሉት በአምቦ ስኳር ከጫኑ መኪኖች ጋር ተያይዞ የነበረው ግጭት ከሦስት እና ከአራት ቀናት በላይ አስቆጥሯል።

”ይህን ችግር ለመፍታት የክልሉ ፖሊስ እና የሃገር ሽማግሌዎች ወጣቶችን ለማወያያት ጥረት እያደረጉ ነበር። በዚህም መልካም ለውጦችን እየተመለከትን ነበር። ትናንት ተጨማሪ ኃይል ወደዚህ ከመጣ በኋላ ግን ይህ ሁሉ ችግር ተፈጠረ” ሲሉ ያስረዳሉ።

የኮሚኒኬሽን ቢሮ ሃላፊው አቶ ጋዲሳ ደሳለኝ እንዳሉት እስካሁን ባላቸው የተጣራ መረጃ ስምንት ሰዎች በትናንቱ ግጭት ሞተዋል ብለዋል።

Share and Enjoy !

Shares

Leave a Reply

Your email address will not be published. Required fields are marked *