Share and Enjoy !

Shares

የኦሮሞ ፌዴራሊስት ኮንግረስ ምክትል ሊቀመንበር አቶ በቀለ የዋስትና መብታቸው እንዲከበር ለጠቅላይ ፍርድ ቤት አንደኛ ሰሚ ይግባኝ ሰሚ ወንጀል ችሎት ባቀረቡት ይግባኝ በጠየቁት መሰረት በ30ሽህ ብር ዋስትና እንዲለቀቁ ተወሰነላቸው። አቶ በቀለ በሽብር ወንጀል ቢከሰሱም ከሳሽ አቃቤ ህግ በቂ ማስረጃ ማቅረብ ባለመቻሉ ያለ ፍርድ ለዓመታት መታሰራቸው ከየአቅጣጫው ትችትና ተቃውሞ ሲሰነዘር መቆየቱ ይታወሳል።

አቶ በቀለን ጨምሮ ዶክተር መረራ ጉዲና እና የተለያዩ የፓርቲ ሃላፊነት ያላቸው፣ የኦሮሞ ልጆች እንዲፈቱ በሰላማዊ ሰልፍና በተለያዩ ተቃውሞዎች በከፍተኛ ደረጃ ሲጠየቅ እንደነበርም ይታወሳል። ዚናውን ይፋ ያደረገው ፋና የሚከተለውን ዘግቧል።

በፌደራሉ ከፍተኛ ፍርድ ቤት በሽብር ወንጀል ተከሰው የነበሩት የኦፌኮ ምክትል ሊቀመንበር አቶ በቀለ ገርባ ዋስትና ተፈቀደላቸው። በፌደራሉ ከፍተኛ ፍርድ ቤት 4ኛ የወንጀል ችሎት በሽብር ወንጀል ተከሰው ጉዳያቸው ሲታይ የነበረው የኦሮሞ ፌዴራሊስት ኮንግረስ ምክትል ሊቀመንበር አቶ በቀለ ባቀረቡት የዋስትና የይግባኝ ጥያቄ የፌደራል ጠቅላይ ፍርድ ቤት ተቀብሎ አፅድቆታል።

Related stories   ስብሃት ጨምሮ ፍርድ ቤት የቀረቡ ተጠርጣሪዎች " ጥፋተኛ አይደለንም፣ መከላከያ ሰራዊት ዋሻ ውስጥ ተደብቀን ያዘን" አሉ

አቶ በቀለ ገርባ በዚሁ ችሎት የመከላከያ ምስክር ለማሰማት በቀጠሮ ላይ ያሉ ሲሆን፥ በተደጋጋሚ ባቀረቡት ይግባኝ የዋስትና ጥያቄያቸው ውድቅ በመደረጉ ወደ ጠቅላይ ፍርድ ቤት አንደኛ ይግባኝ ሰሚ ወንጀል ችሎት ይግባኝ ብለው ነበር። ይህንን የይግባኝ ጥያቄያቸውን የመረመረው ጠቅላይ ፍርድ ቤቱ በ30 ሺህ ብር ዋስትና እንዲለቀቁ አዟል። ነገር ግን የመከላከያ ምስክር የማሰማት ሂደቱ የሚታይ ይሆናል ተብሏል።

Leave a Reply

Your email address will not be published. Required fields are marked *