የውጭ ጉዲፈቻን የሚከለክለው አዋጅ ዛሬ በህዝብ ተወካዮች ምክር ቤት ፀድቋል። በተሻሻለው የቤተሰብ ህግ 213/1992 አንቀፅ 193 እና 194 ላይ የውጭ ጉዲፈቻ እንደ አማራጭ መቀመጡ በህፃናት ላይ ለሚፈፀሙ የተለያዩ ወንጀሎች በር ከፍቷል ተብሏል። ከምክር ቤቱ አባላት ለህፃናት ምቹ እና በቂ ማሳደጊያዎች ሳይዘጋጁ የውጭ ጉዲፈቻን መዝጋቱ ተገቢ አለመሆኑ ተነስቷል።

በአንፃሩ በውጭ ጉዲፈቻ ስም በህፃናቱ ላይ ከሚፈፀም ህገወጥ ዝውውር እና የመብት ጥሰት ጋር ሲወዳደር የውጭ ጉዲፈቻን ማቆሙ የተሻለ ነው የሚል ሀሳብ የሰነዘሩም የምክር ቤት አባላት አሉ።

Related stories   የዓለም ጤና ድርጅት ለቻይናው ክትባት ይሁንታውን ሰጠ

በምክር ቤቱ የህግ እና ፍትህ ቋሚ ኮሜቴ ሰብሳቢ አቶ ጴጥሮስ ወልደሰንበት በበኩላቸው፥ በኢትዮጵያ የሚሰሩ በርካታ በጎ አድራጎት ድርጅቶች እና ህብረተሰቡ ህፃናቱን በአገር ውስጥ ጉዲፈቻ ተቀብሎ የማሳደግ ተነሳሽነት እያሳየ መሆኑን ጠቅሰዋል።

በመሆኑም የውጭ ጉዲፈቻን ማስቀረቱ በህፃናት ላይ የሚደርሰውን የማንነትና የስነ ልቦና ቀውስ ለማስቀረት ያግዛል ነው ያሉት ሰብሳቢው።

አዋጁ የህፃናት ጉዳይ ፖሊሲውን በተሟላ ሁኔታ ለማስፈፀምና ህፃናት በሀገራቸው ባህል፣ ወግና ልማድ ታንፀው እንዲያድጉ ለማድረግም ከፍተኛ ሚና እንደሚኖረው ተናግረዋል።

Related stories   የቻይናው ሮኬት ስብርባሪ በኢትዮጵያ ቢወድቅ ምን ዓይነት የጥንቃቄ እርምጃዎች ሊወስዱ ይገባል?

የህዝብ ተወካዮች ምክር ቤት በዛሬው መደበኛ ስብሰባ የኤሌክትሮኒክ ፊርማ አዋጅን እና የፌዴራል የፍትህ፣ የህግ ምርምር እና ስልጠና ኢንስቲትዩት ማቋቋሚያ አዋጅንም አፅድቋል።

በፋሲካው ታደሰ ፋና ብሮድካስቲንግ

Share and Enjoy !

Shares

Leave a Reply

Your email address will not be published. Required fields are marked *