ከሃላፊነታቸው መልቀቃቸውን ሲያበስሩ ” ዝርዝሩን ለፓርላማ አቀርባለሁ” ካሉ በሁዋላ በዝምታ ያለፉት አቶ ሃይለማሪአም ደሳለኝ ከኦሮሚያ ሚዲያ ኔት ዎርክ ዋና ዳይሬክተር አቶ ጃዋር መሐመድ ጋር መደራደራቸው ተሰማ። ድርድሩ በፈተና መሰረቅ ጉዳይ ላይ እንደሆነ ስለ ጉዳዩ የሚያውቁ ገልጸዋል።

የአሜሪካ የዛጎል ተባባሪ እንደዘገበው አቶ ሃይለማሪያምና አቶ ጃዋር የተነጋገሩት በስልክ ነበር። አነጋጋሪው አሜሪካዊ ሲሆኑ የተነጋገሩበት ጉዳይ የማትሪክ ፈተና በድጋሚ እንዳይሰረቅ የነበረውን ፍርሃቻ ተከትሎ ነው። የአደራዳሪ ሚና የተጫወቱት ሰው አቶ ጃዋርን ለማስፈራራት ሞክረው እንደነበር፣ ይሁን እንጂ አቶ ጃዋር ሃይለቃል በመናገር ሲያስደነግጧቸው አቶ ሃይለማሪያም አቶ ጃዋርን ገስጸዋቸዋል።

Related stories   በአዲስ አበባ በቡድን በመደራጀት የዘረፋ እና የግድያ ወንጀል ሲፈፅሙ የነበሩ 53 ተጠርጣሪዎች ተያዙ

በወቅቱ የሁለተኛ ደረጃ ፈተና ተሰርቆ የነበረ መሆኑ የፈተናው ጊዜ በመቀየሩ የተፈጠረውን የቁሳዊ፣ የስነልቦናዊና አጠቃላይ የጊዜ መዛባት፣ ዳግም የተዘጋጀው ፈተናም ተሰርቋል በሚል ከፍተኛ ስጋት በተማሪዎች ዘነድ በመፈጠሩ ነበር ንግግር ማድረግ የተፈለገው። በንግግሩ የአቶ ጃዋር አቁዋም ምን እንደነበር በዝርዝር ባይታወቅም ለተማሪዎች የመዘጋጃ ጊዜ እንዲሰጥ በተጠየቀው መሰረት መፈቀዱ አይዘነጋም። በጉዳዩ ዙሪያ አቶ ጃዋርን ለማግኘት ተባባሪያችን ሞክሮ አልተሳካለትም።

Related stories   አራዊት ጤንነቱ ታውኳል፤ ወደ አገር ቤት ለመመለስ አብነት ገብረመስቀል ምላሹ እየተጠበቀ ነው

 

Share and Enjoy !

Shares

Leave a Reply

Your email address will not be published. Required fields are marked *