የክፋት ሃይሎች በጠነሰሱት የክፋት ሴራ የተነሳ በዛሬው እለት በመስቀል አደባባይ በደረሰው ፍንዳታ የደረሰውን ጉዳት ተከትሎ የአዲስ አበባ ፖሊስ ኮሚሽን ምክትል ኮሚሽነር ግርማ ካሳን ጨምሮ 9 የአዲስ አበባ እና የፌዴራል ፖሊስ አመራሮች እና አባላት ምርመራ እየተደረገባቸው መሆኑ ታወቀ።


የመንግስት ኦፊሳል ድረ ገጾች እንዳስታወቁት በተጠቀሱት አካላት ላይ ምርመራ የሚደረገው  ከተፈጸመው “የሽብር ጥቃት “ጋር በተያያዘ ባሳዩት ክፍተት ነው። ድረ ገጾቹ የታሰሩትን ስም ዝርዝር አልጠቀሱም።

Related stories   Egypt-Sudan alliance shifting in row with Ethiopia over Nile dam

ዶክተር አብይ ላይ ያነጣጠረው ጥቃት ፈጽመዋል የተባሉ በቁጥጥር ስር ውለዋል። ራስዋን የሳተች የአእምሮ በሽተኛ የሚመስሉ ሁለት ሴቶች፣ አንድ መታወቂያው የቤተ ክህነት ሰራተኛ መሆኑን የሚያረጋግጥ ጎልማሳን ጨምሮ በጥቅሉ አምስት ሰዎች መያዛቸው ታውቋል። አንድ በቅርብ እርቀት ሆኖ አንዷን ሴት ሲከታተል የነበረ ለመንግስት ቴሌቪዥን እንዳለው ሴትየዋ ዳግም ለማፈዳት በዝግጅት ላይ ነበረች፣ በያዘችው ከረጢት ውስጥም ተጨማሪ በስም ያልጠቀሰው መሳሪያና ተቀጣጣይ ፈንጂ ተይዞባታል።

Related stories   ደመቀ መኮንን በፊንላንድ የውጭ ጉዳይ ሚኒስትር ከሚመራ የአውሮፓ ህብረት ልዑክ ጋር ተወያዩ

Image may contain: 3 people, people standing and outdoor

ከአስከፊው አደጋ በሁዋላ ጠቅላይ ሚኒስትር አብይ ድርጊቱ የተጠናና ሆን ተብሎ በባለሙያዎች የተቀነባበረ ሲሉ ነው ድርጊቱን የገለጹት። አያይዘውም ምርመራ ሲልያልቅ ጉዳዩ ለሕዝብ ይፋ እንደሚሆን አመላክተዋል።

ዛሬ የተለያዩ የአገር ውስጥ ሚዲያዎች እየተቀባበሉ ሲያሰራጩት የነበረው የህዝብ ማዕበል፣ የቀድሞ አስተሳሰብና አካሄድ ላይመለስ ማክተሙን የሚያረጋግጥ እንደሆነ የተለያዩ አስተያየት ሰጪዎች በመንግስት ሚዲያ ሲናገሩ ተሰምቷል።

ድርጊቱን የተለያዩ አገራት፣ ክልሎችና አስተዳደሮች ኮንነውታል። ኤርትራ አጥብቃ እንደምታወግዝ ይፋ አድርጋለች። አሜሪካም ድርጊቱን በማውገዝ አገሪቱ በተሳካ የለውጥ ጉዞ ውስጥ እያለች ይህ መሆኑ ተቃውማለች።

Related stories   የትህነግ "ውሮ ወሸባዬ" - የመንግስት ሩጫ - የሃላኑ የኢትዮጵያን ቋንጃ የመበጠስ የእባብ አካሄድና ባንዳዎች!

Share and Enjoy !

Shares

Leave a Reply

Your email address will not be published. Required fields are marked *