የኢትዮጵያ ኦሊምፒክ ኮሚቴና የኢትዮጵያ አትሌቲክስ ፌዴሬሽን በጋራ ባወጡት መግለጫ ነው አትሌት ፈይሳ ሌሊሳ መጋበዛቸውን ያስታወቁት።

በመግለጫቸውም በሪዮ ኦሎምፒክ እና በልዩ ልዩ የዓለም አትሌቲክስ መድረኮች በመሳተፍ የሀገሪቱ ሰንደቅ ዓላማ ከፍ ብሎ እንዲውለበለብ አስተዋጽኦ ያበረከተው አትሌት ፈይሳ ሌሊሳ ወደ ሀገሩ እንዲመለስ ፍላጎታቸው መሆኑን አስታውቀዋል።

አትሌት ፈይሳ ሌሊሳ ከዚህ ቀደም ለሀገሩ ያደርግ የነበረውን አስተዋጽዎ እንዲቀጥል በጋራ በሰጡት ጋዜጣዊ መግለጫ ጥሪ አቅርበውለታል።

የኢትዮጵያ ኦሊምፒክ ኮሚቴና የኢትዮጵያ አትሌቲክስ ፌዴሬሽን በወጣቶችና ስፖርት ሚኒስቴር አስተባባሪነት በተዘጋጁት ጋዜጣዊ መግለጫ ላይ ለአትሌት ፈይሳ የጀግና አቀባበል እንደሚያደርጉም ገልፀዋል፡፡

አትሌት ፈይሳ ሌሊሳ እንደ አውሮፓውያኑ አቆጣጠር በ2016 በብራዚል በተካሄደው የሪዮ ኦሊምፒክ ሀገሩን ወክሎ በማራቶን ውድድር መሳተፉ ይታወሳል። በወቅቱም ውድድሩን 2ኛ ደረጃን በመያዝ ያጠናቀቀ ሲሆን፥ የብር ሜዳሊያ ተሸላሚ መሆኑም አይዘነጋም።

FBC news

Related stories   ከኪሳራው ውጪ የህዳሴ ግድብ መጓተት አገሪቱን ስድስት ቢሊዮን ዶላር ገቢ እንድታጣ አድርጓታል

Leave a Reply

Your email address will not be published. Required fields are marked *