የፌደራል ጠቅላይ አቃቤ ህግ ከሰኔ 16ቱ የቦምብ ፍንዳታ ጋር ተያይዞ ጉዳያቸው በምርመራ ላይ የነበሩት አቶ ተስፋዬ ኡርጌ ላይ በርካታ የኢግዚቢት ማስረጃዎች፣ የድምፅ ቅጂዎች እና በአጠቃላይ በርካታ መስረጃዎችን መርማሪ ፖሊስ እንዳስረከበው በመግለፅ ክስ መመስረቻ ተጨማሪ ጊዜ ይሰጠኝ ሲል ፍርድ ቤቱን ጠየቀ።

የፌደራል መርማሪ ፖሊስ የወንጀል ምርመራውን አስፈላጊ ማስረጃዎችን አሟለቶ በመስከረም 4 ቀን 2011 ለአቃቤ ህግ ማስረከቡን ለፍርድ ቤቱ አስረክቧል።

በዛሬው ቀጠሮ የፌደራሉ የመጀመሪያ ደረጃ ፍርድ ቤት 1ኛ ተረኛ ወንጀል ችሎት የአቃቤ ህግ የተጨማሪ ጊዜ ጥያቄን  እና የመርማሪ ፖሊስ መዝገብን ማስረከቡን ተመልክቷል።

አቶ ተስፋዬ ኡርጌ በተጠረጠሩበት ወንጀል መርማሪ ፖሊስ አጠቃላይ የሚፈለገው በኤግዚቢትነት የተያዘና የሰነድ እንዲሁም የተቀረፁ የድምፅ ማስረጃዎችን ማሟላቱን ለፍርድ ቤቱ  አብራርቷል።

አቃቤ ህግም በተጠርጣሪው ላይ በርካታ ማስረጃዎችን መረከቡን በመጠቆም እነዚህ ማስረጃዎችን መርምሮ ክስ ለመመስረት ተጨማሪ የ15 ቀን ጊዜ ይሰጠኝ ሲል ፍርድ ቤቱን ጠይቋል።

ተጠርጣሪው አቶ ተስፋዬ ኡርጌ በበኩላቸው የምርመራ ፋይሉ ተጠናቆ ስለቀረበ በአጭር ጊዜ ውስጥ ክሱ እንዲደርሳቸውና ወደ ቀጣይ ሂደት እንዲገባ አጭር ጊዜ ይሰጥልኝ ሲል ፈርድ ቤቱን ጠይቀዋል።

የግራ ቀኙን ክርክር ያደመጠው ፍርድ ቤቱ  ተጠርጣሪው የዋስትና ሊያስከለክላቸው በሚያስችል ወንጀል መጠርጠራቸወን ከግምት ውስጥ በማስገባት የስምንት ቀን የክስ መመስረቻ ጊዜ በመፍቀድ ለመስከረም 15 ቀን 2011 ተለዋጭ ቀጠሮ ሰጥቷል።

በታሪክ አዱኛ – (ኤፍ.ቢ.ሲ) 

Related stories   Al Amoudi arrested in Saudi Arabia in connection with alleged corruption

Leave a Reply

Your email address will not be published. Required fields are marked *