ጠቅላይ ሚኒስትር አብይ አራቱ የስብሰባው ፕሬዚዲየሞች ተሰይመው መድረክ ላይ ከወጡ በሁዋላ፣ እንግዶችን ለምሳ ሲሸኙ  ጥበብን እንደሚያፈቅሩ መደበቅ የማይችሉት አብይ በቀረበው የኪነት ስራ ተመስጠው፣ ተገርመው፣ ተደንቀው እንደነበር መሸሸግ በማይችሉበት ሁቤታ ይመስላል ” እኛ ኢህአዴጎች ስብሰባ እንወዳለን” አሉ። በመድረክ ሲወርድ የነበረው ታሪክና ለዛን የተላበሰ ጥበብ፣ ከመድረኩ ላይ ሲፈስ የነበረው የጥበብ ማር በቂ እንደሆነ በመረዳት ” ስብሰባው ተጠናቆ ወደ ቤታችን መሄድ ነበረብን” ሲሉ ለጥበብ ከውኞችና ጥበበኞች ክብር ሰጥተው ስብሰባውን በተኑ!!

Addisu Arega Kitessa

የኢህአዴግ ሊቀመንበር ዶ/ር ዐቢይ አህመድ በ11ኛው የግንባሩ ጉባኤ መክፈቻ ላይ ካደረጉት ንግግር የተወሰዱ አንኳር ነጥቦች

• 11ኛው የኢህአዴግ ጉባኤ በለውጥ ምሁዋር ውስጥ በገባንበት ወቅት መካሄዱ ታሪካዊ ያደርገዋል፡፡

• ኢህአዴግ ከዚህ ቀደም የሚያጋጥሙትን ፈተናዎች እያሸነፈ እንደመጣው ሁሉ የሚገጥሙትን ችግሮች እየፈታ የለውጡ ሞተር ሆኖ አገር መምራቱን ይቀጥላል፡፡

• ድርጅታችን በታሪክ ሂደት ተሸንፎ እጅ የሰጠበት ጊዜ የለም፡፡

• ኢትዮጵያ ዛሬ ላይ ነገዋን በመፈለግ ላይ ያለች፣ በተፈጥሮ ሀብት የበለፀገች አገር ናት፡፡

• የሽግግር ሂደቱን የአገራችን አርሶአደር “የበሬውን ብልሃት እና የወይፈኑን ጉልበት አቀናጅቶ” …እንደሚለው ሁሉ በእኛም ዘንድ ተተኪዎችን በጎ ልምድ ካላቸው በማስተሳሰር አገራዊ ለውጡን ለማሳካት ኢህአዴግ ይታትራል፡፡

• አገር መታደግ የሚቻለው በቅብብሎሽ ነው

• ያለትላንት ዛሬ አልተገኘምና የትላንቱን ትውልድ ማመስገን ያስፈልጋል፡፡ እኛም በተራችን በተተኪ ትውልድ መተካታችን አይቀርምና ፡፡

• አዲሱ ትውልድ ችግሮችን ባለፈው ትውልድ ላይ ማሳበብ የለበትም፣ ያለፈውን ትውልድ መመስገን ያስፈልጋል፣ ካለፉው ትውልድ በጎ በጎ ነገር መውሰድ ያስፈልጋል፡፡

• መተካካት የታቀደ ሂደት እንጂ ድንገተኛ ሆኖ እልቂት እንዳያመጣ ጥንቃቄ ማድረግ ያስፈልጋል፡፡

• የአንድ መሪ መጨረሻ ስኬት ተተኪ አመራሮችን ማፍራት ነው፡፡

• ይህ ትውልድ ስልጣንን በእጁ አስገብቶ ቀድሞ የነበረውን ነገር በማስፍረስ የተጠመደ መሆን አይገባውም፡፡

• ትላንት እና ዛሬን ያጣጣመች ኢትዮጵያን ለመገንባት ተግቶ መስራት ያስፈልጋል፡፡

• ኢትዮጵያ በላቀ ተግበራቸው ያገነኗት መሪዎች እንደነበሯት ሁሉ፣ ውድቀት የዳረጓትም ነበሩ፡፡ ለጠላቶቿ የሰጧት መሪዎችም ነበሩ፡፡

• በልጆቿ መካከል ያለመተማመን እንዳይፈጠር ያደረጉ መሪዎች እንደነበሩ ሁሉ፣ የሰላም ደሴት እንድትሆን ያደረጓት መሪዎችም ነበሯት፡፡

• ያለመተማማን በማስፋት፣ በጠብና በጦርነት ሊተላለቁ የነበሩ ልጆቿን አስታርቀው ወደ ልዩ ምዕራፍ ያስገቧት ነበሩ፡፡

• በአሁኑ ጊዜ ያለው አመራርስ የትኛውን ታሪክ ይደግማል? የሚለው ጥያቄ ለእኛ ቀርቧል፡፡

• የአገራችን እጣ ፈንታ አሁን እድሉን ባገኙት ፖለቲከኞች እንዲሁም በህዝቧ እጅ ነው፡፡

• ፖለቲካኞች የእኔ ሀሳብ ካልሆነ ሞቼ እገኛለሁ ከሚል አስተያየት መላቀቅ አለባቸው፡፡

• ዘመናዊና ስልጡን አገር ለመፍጠር ህዝብን የስልጣን ልዕልና መገለጫ አድርጎ የሚቀበል ስርዓት መፍጥር ሲሳካልን ነው፡፡

• ህዝብ የሚያምናቸውና የሚከተላቸው ልዩ ልዩ የማህበረሰብ መሪዎችን ካገኘን በእምነት፣ በባህል፣ በሳይንስና ቴክኖሎጂ፣ በፖለቲካ፣ በጦር አመራር፣ በምህንድስና፣ በስፖርትና ኪነጥበብብ፣ በሌሎች ዘርፎችም ጭምር ከተዋጣልን አገር የተሳካ ጉዞ አድርጋ በከፍታ ጉዞ ላይ ትደርሳለች፡፡

• የተረከብናትን ኢትዮጵያን አለመቀበል መብታችን ነው፡፡ የምናስረክባት ኢትዮጵያ ግን አስውበን ማስረከብ ግዴታችን ነው፡፡
• የምንፈልጋትን አገር መምሰልና መሆን የሚገባን እኛው ራሳችን ነን፡፡

• የበለፀገች የጋራ ቤታችንን ለጋራ ልጆቻችን ማድረስ የምንፈልግ ከሆነ ዝርፊያውንና መጠላለፉን ትተን በጋራ መስራት አለብን፡፡

• ዘርና ሀይማኖትን መሰረት አድርገን ሌሎችን ከመቆስቆስ ይልቅ ለጋራ ጥቅምና ድል እንስራ፡፡

• ከመካከላችን ማንም እስከተጎዳ ድረስ ሁላችንም እንጎዳለን፤ ስለዚህ ለሁላችንም የምትሆን አገር በመደመር መገንባት ግድ ይለናል፡፡

• ኢትዮጵያ በሁላችንም ላብና ደም የተሰራች አገር በመሆኗ ባለቤቶቿ ሁላችንም ነን፡፡ አዲሲቷንም ኢትዮጵያ በጋራ ልንገነባ ይገባል፡፡
• እንኳን ዛሬ በሕይወት ኖረን ይቅረና ሁላችንም ካለፍን በኋላም ኢትዮጵያ ኢትዮጵያ ሆነ ትቀጥላለች፡፡

• ኢህአዴግ ከዳር እሰከዳር የሚሳተፉበት ድርጅት እንዲሆን መስራት ያስፈለጋል፡፡

• ኢህአዴግ አጋር ፓርቲዎችን ወደ ግንባሩ ለማስገባት አቅዶ ቢንቀሳቀስም በአገራዊ ሁኔታው በጥናት እንዲመለስ የቀረበውን ጥናት ማድረስ ባመቻሉ፣ ይህን ምላሽ እንዲያገኝ የሚያስችል ውሳኔ ላይ ይደረሳል ተብሎ ይጠበቃል፡፡

• የተጀመረውን የፖለቲካ ምህዳር የማስፋቱ ሂደት የይስሙላ ባለመሆኑ በሁሉም መስክ ተጠናክሮ ይገፋበታል፡፡

• የተፎካካሪዎቻችን ሀሳብ ላይሳማማን ይችላል፣ ነገር ግን የነሱን ሀሳብ በመገደብ ሳይሆን የነሱን ሀሳብ የሚያሸነፍ ሀሳብ ይዘን በመቅረብ ብቻ እንዲሆን እንሰራለን፡፡

• ዛሬ ላይ ሁነን የትላንትናውን ሁነታችንን መቀየር አንችልም፣ ይሁን እንጂ የነገዋን ኢትዮጵያ ተስማምተን መገንባት እንችላለን፡፡

• አዲስ ታሪክ ለመፃፍና ለመስራት በሚያስችል የዘመን አካፋይ አንጓ ላይ እንገኛለን፡፡

• ክልላዊ አስተዳደርን ከብሄር ማንነት ጋር ሳናምታታ ፌደራሊዝሙን ከተገበርነው ለአኛ አውድ ተመራጭነቱ አያጠያይቅም፡፡

• ሰዎች በየትኛው የአገሪቱ ክፍል ተንቀሳቅሰው የመስራት መብታቸው ተረጋግጦ ኢትዮጵያ ህብረ ብሄራዊ የምትሆንበት ገፅታም ሊረጋገጥ ይገባል፡፡

• እስካሁን የብሄር ማንነት እና ኢትዮጵያዊ ማንነት ሚዛን ጠብቀው የመጡ ባለመሆናቸው የህዝብ ለህዝብ መድረኮች፣ የባህል መድረኮችና ሌሎች መድረኮችን በማዘጋጀት ከፍ ከፍ የሚያርገንን ስራ መስራት ያስፈልገናል፡፡

• መደመር ሁሉም የየራሱን ጥንካሬ ይዞ ከሆነ እምቅና አዲስ ታሪክ መፃፍ ያስችለናል፡፡

• አገራችን የገጠማት ፖለቲካዊና ኢኮኖሚያው ቀውስ መስኤው ከግብርገብነት ቀውስ የሚመነጭ ነው፡፡

• በሞራልና ግብረገብ የወደቀ ማህበረሰብ ውስጥ ሆነን ሰላም፣ ፍትህ፣ ብልፅግናን ማረጋገጥ ከባድ ነው፡፡

• በሞራል ልዕልና፣ በስነ ምግባር ምሳሌ በመሆን የሀይማኖት ፣ የጎሳና ማህበረሰብ መሪዎች መሪ በመሆን አርዓያነትን በማሳየት ከችግራችን እንዲንወጣ ያስፈልጋል፡፡

• ዜጎች የሚገጥማቻውን መሰረታዊ አገልግሎት የመልካም አስተዳደር ችግር ብሎ መግለፅ አይመጥነውም፡፡

• ስራ አጥነት መቀነስ፣ የዜች የኑሮ ደረጃን ማሳደግ፣ የህግ የበላይነት ማረጋገጥ ላይ ትኩረት የሰጠ ጉባኤ ሆኖ እንደሚቀጥል እምነቴ ነው፡፡

Related stories   ዘመቻ አተራምስ - እሳትና ነዳጅ አምራች ቡድኖችን ብርቱካን ሚደቅሳ ቤት ደርሰዋል!

Leave a Reply

Your email address will not be published. Required fields are marked *