“Our true nationality is mankind.”H.G.

አጣየ፣ካራቆሬ፣ ማጀቴ እና አካባው መጠነኛ መረጋጋት ቢኖርም አሁንም አሳሳቢ መሆኑን ነዋሪዎቹ ተናገሩ።

አጣየ፣ካራቆሬ፣ ማጀቴ እና አካባው መጠነኛ መረጋጋት ቢኖርም ጉዳዩ ግን አሁንም አሳሳቢ መሆኑን ነዋሪዎቹ ተናገሩ።

በሰሜን ሸዋ ዞን አጣየ፣ካራቆሬ፣ ማጀቴ እና ሌሎችም አካባቢዎች” የተደራጁ” በተባሉ ቡድኖች እየተፈፀመ ያለው ጥቃት ቢቀንስም ነዋሪዎቹ አሁንም ለደኅንነታቸው ስጋት ላይ መሆናቸውን ለአብመድ ተናግረዋል። በአካባቢው ከትናንት ከቀኑ 9:00 ጀምሮ በንፁሀን ላይ በተከፈተ ተኩስ የሰዎች ህይዎት ማለፉን የየአካባቢዎቹ ነዋሪዎችና የፀጥታ አካላት ተናግረዋል። “የተደራጀው ቡድን” ቤተ እምነቶችንና የግለሰቦችን መኖሪያ ቤቶች ማቃጠሉንም ነው ነዋሪዎቹ የተናገሩት።

Related stories   ሰብአዊ መብት ኮሚሽን ማጣራቱ ሱዳን የተሰደዱ ዜጎችን እንደሚያካትት አስታወቀ፤ መንግስትና አማራ ክልል በማይካድራ ጉዳይ ተኝተዋል

ዛሬ ከሰዓት በኋላ ግን ተኩሱ እና ግድያው መቀነሱንና ይህ የሆነውም የፀጥታ ሀይሎች አካባቢውን መቆጣጠር በመቻላቸው ሊሆን እንደሚችል ነው የነገሩን።

የአማራ ክልል የሰላምና ደኅንነት ግንባታ ቢሮ ምክትል ኃላፊ ኮሎኔል አለበል አማረ እንደተናገሩት ወደ አጣየ፣ካራቆሬ እና ማጀቴ መከላከያ ገብቷል፤ ሁኔታውም እየተረጋጋ ነው፤ ተጨማሪ ፀጥታ አስከባሪ ሀይልም እየገባ ነው።

የፀጥታ ችግሩ ሙሉ በሙሉ ባይቀረፍም ከትናንቱ እና ከዛሬ ረፋዱ የተሻለ መሆኑን የተናገሩት ኮሎኔል አለበል ተደራጅቶ ሕዝብን ሰላም እያሳጣ ያለውን ቡድን ሙሉ በሙሉ ለመቆጣጠር የተቀናጀ ስራ እንደሚከናወንም ነው ያረጋገጡት።

Related stories   ኤፒ ለቅጥፈቱ ይቅርታ አልጠየቀም – ምርጫ ተራዘመ፤ለምን?

የተዘጉ መንገዶችንም እስከ ምሽት ድረስ በማስከፈት በሕዝብ ላይ እየደረሰ ያለው መጉላላት እንዲቀረፍ ይደረጋል ብለዋል።

ጉዳት የደረሰባቸው ሰዎች በአካባቢያቸው በሚገኙ የጤና ተቋማት እየታገዙ መሆኑንና ከፍተኛ ህክምና የሚያስፈልጋቸውንም መንገዶችን በማስከፈት እንዲላኩ እንደሚደረግ ኮሎኔሉ ተናግረዋል። የሟቾችንና የአካል ጉዳት የደረሰባቸውን ትክክለኛ ቁጥር መረጃ እንዳገኙ ይፋ እንደሚያደርጉም ነው ምክትል ቢሮ ኃላፊው የነገሩን።

ከከሚሴ – ደሴ ያለው መንገድ ግን አሁንም ለተሽከርካሪ ክፍት ነው ብለዋል።

Related stories   የመ/ሰራዊትን መለያ ለብሶ ከሱዳን ወደ ወልቃይት ሊገባ የነበረ የትህነግ የሽብር ሃይል ተደመሰሰ፤

በቀጣይ የሕዝብ ሰላም እንደ አሁኑ አደጋ ላይ እንዳይወድቅ

የተለየ የፀጥታ ስምሪት እንደሚኖርም አረጋግጠዋል።

Amara mass media

ዘጋቢ፦ አስማማው በቀለ

Share and Enjoy !

Shares
0Shares
0