የህግ ጥሰት የሚፈፅሙ ከፍተኛ የትምህርት ተቋማትን ለመቆጣጠር የሚያስችል የስነ ምግባር መመሪያ ወደ ተግባር መግባቱን የሳይንስ እና ከፍተኛ ትምህርት ሚኒስቴር አስታወቀ። የኢፌዴሪ የሕዝብ ተወካዮች ምክር ቤትበዛሬው እለት ባካሄደው 37ኛ መደበኛ ስብሰባው የሳይንስ እና ከፍተኛ ትምህርት ሚኒስቴር የ9 ወራት አፈፃፀምን ገምግሟል።

የሳይንስ እና ከፍተኛ ትምህርት ሚኒስትር ፕሮፌሰር ሂሩት ወልደማርያም ባቀረቡት ሪፖርትም፥ የትምህርትና ስልጠና ተደራሽነት፣ ፍትሃዊነት፣ ጥራት ቁጥጥር ላይ ያተኮረ ነው። በዚህም የህግ ጥሰት ፈጽመው የሚገኙ ከፍተኛ የትምህርት ተቋማትን ለመቆጣጠር የሚያስችል የስነ ምግባር መመሪያ ወደ ተግባር መግባቱን በሪፖርታቸው አስታውቀዋል።

Related stories   አይ ኤም ኤፍ የኢትዮጵያን የተራዘመ ብድርና ገንዘውብ ድጋፍ ስምምነት ገመገመ

በከፍተኛ ትምህርት ጥራትና አግባብነትን ከማረጋገጥ አንጸር የጥራት ማስጠበቂያ መንገዶችን በመጠቀም የተሰራው የክትትልና ድጋፍ ስራ አበረታች መሆኑም ገልፀዋል። በግል ከፍተኛ የትምህርት ተቋማት ላይ ድንገተኛ ግምገማዎች ተደርገው በ46 ተቋማት ላይ የተለያዩ ክፍተቶች መስተዋላቸውንም በሪፖርታቸው አመላክተዋል።

ከእነዚህም ወስጥ 24 የግል ከፍተኛ የግል ተቋማት የማስተካከያ እርምጃዎች እንዲወስዱ፣ 3 ተቋማት ላይ ክስ የመመስረት ሂደት እንዲሁም በቀሪዎቹ ላይ ደግሞ ተጨማሪ የማጣራት ስራ እየተካሄደ መሆኑን አስታውቀዋል። የትምህርት ጥራትን ለማረጋገጥና በዩኒቨርሲቲዎች ሰላማዊ የመማር ማስተማር ሂደትን ለማስፋን የተለያዩ ስራዎች መከናወናቸውን ነው ሚኒስትሯ በሪፖርታቸው ያስታወቁት። የሴቶች ተጠቃሚነትን ለማረጋገጥም ባለፉት 9 ወራት የተሰሩ ስራዎች ውጤት ማስገነታቸው በሪፖርቱ ተመልክቷል።

Related stories   አብነት ገብረመስቀል ከኮቪድ አገግመው ወደ ቢሮ ተመለሱ

የመምህራንን ቁጥር እና አቅም ለማሳደግ እየተሰራ ባለው ስራም በአሁኑ ወቅት ከ15 ሺህ በላይ መምህራን ከ1ኛ እስከ 3ኛ ዲግሪ ትምህርታቸውን እየተከታተሉ መሆኑን ገልፀዋል። ተመራቂ ተመሪዎችን ስራ የመያዝ መጠንን ለመለየት በተሰራው ጥናትም ባሳለፍነው ዓመት ከተመረቁት ውስጥ 58 ነጥብ 5 በመቶ ተመራቂዎች ስራ መያዛቸው መለየቱንም ነው ያስታወቁት። ተመራቂ ተማሪዎች የሚመረቁበት የትምህርት ዘርፍ ከገበያው ጋር የተጣጣመ መሆን እንዳለበት መለየቱንም ነው ሚኒስትሯ በሪፖርታቸው ያመላከቱት።

Related stories   መንግሥት ቢቢሲና ሮይተርስን ጨምሮ ሰባት ዓለም አቀፍ የሚዲያ ተቋማት ትግራይ ክልል ገብተው እንዲዘግቡ ተፈቀደ

በምስክር ስናፍቅ – FBC

Share and Enjoy !

Shares

Leave a Reply

Your email address will not be published. Required fields are marked *