ለዜጎች ሞት እና መፈናቀል መፍትሔ መሰጠት እንዳለበት ርዕሰ መስተዳድር ዶክተር መኮንን ተናገሩ።
የአማራ ክልል እና የቤኔሻንጉል ጉሙዝ ክልል ርዕሰ መስተዳድሮች ለሰላም ውይይት በመተከል ዞን ግልገል በለስ ከተማ ተገናኝተዋል፡፡

የሰላም ውይይቱ ዓላማ በሁለቱ ክልሎች አጎራባች ወረዳዎች ተከስቶ የነበረውን የፀጥታ ችግር በመፍታት የህግ የበላይነትን ማስከበር፣ የዜጎችን ደኅንነትም ማረጋገጥ ነው፡፡ የሁለቱንም ክልሎች ነዋሪዎች ጉዳት ላይ የጣለውን አለመረጋጋት ለመቆጣጠር እየተሰሩ ያሉትን ስራዎች አጠናክሮ የማስቀጠል ዓላማም አለው ምክክሩ፡፡

Related stories   US Attempt To Make Pronouncements On Ethiopia’s Internal Affairs Regrettable :MoFA

የጉሙዝ እና የአማራ ሕዝቦችን ወንድማዊ ዝምድና ለማፍረስ የተፈፀመውን ወንጀል እንደሚያወግዙ የተናገሩት ርዕሰ መስተዳድር ዶክተር አምባቸው መኮንን ለዜጎች ሞት እና መፈናቀል መፍትሔ መሰጠት እንዳለበት አሳሰበዋል።

የተፈናቀሉ ወገኖች ስላምና ደኅንነታቸው ተጠብቆ ወደ ቀያችው እንዲመልሱ በማድረግ የክልሉ መንግስት ከጎናቸው እንደሚሆንም ነው ዶክተር አምባቸው የተናገሩት።

የቤኔሻንጉል ጉሙዝ ክልል ርዕሰ መስተዳድር አቶ አሻድሊ ሐሰንም ለሞት፣ ለአካልና ሥነ ልቦና ጉዳት እንዲሁም ለመፈናቀል ምክንያት የሆነውን ድርጊት አውግዘዋል።

Related stories   መንግሥት ቢቢሲና ሮይተርስን ጨምሮ ሰባት ዓለም አቀፍ የሚዲያ ተቋማት ትግራይ ክልል ገብተው እንዲዘግቡ ተፈቀደ

ቂም በቀልን በመተው ከልብ በመነጨ ይቅርታ ወደ ቀድሞ ሰላምና አብሮነት መመለስ እንደሚገባም አቶ አሻድሊ ተናግረዋል።

ተሳታፊዎች ደግሞ በርካታ አማራና አገዎች በግጭቱ ህይወታቸው እንደጠፋና እንደተፈናቀሉ አንስተዋል፡፡

ይህን ያደረጉ አጥፊዎች ካልተያዙ ስላሙ ዘላቂ እንደማይሆንም አሳስበዋል፡፡

በሁለቱም ክልሎች በፀጥታ ችግሩ ተሳታፊ ናቸው ተብለው የተጠረጠሩ አመራሮችን በቁጥጥር ስር የማዋል ስራው ቀጥሏል፡፡

ዘጋቢ፦ ወንዳጥር መኮንን

Related stories   WAR, JUSTIFIABLE WAR? "ጦርነት ለሃገር ህልውና" by Dr. Haymanot

አብመድg

Share and Enjoy !

Shares

Leave a Reply

Your email address will not be published. Required fields are marked *