ዛሬ በሀዋሳና በታወቁ የሲዳማ የወረዳ ከተሞች የሆነው ነገር እጅግ አሳፋሪ ነው። የትኛውንም ያህል እንከን ይኑረው ህግና ስርአት ባለበት ሀገር የክልል ምስረታ በወጣት ሚሊሻዎች ሲታወጅ ይህንንም ለማስፈጸም የሲዳማ ፓለቲካ ሀይሎች በቅንጅት ሲሰሩ ህገወጥነት ሲሰፍን ታዝበናል ።

የሲዳማን ጥያቄ አስቂኝ የሚያደርገው ትዕግስት ያጡበት ምክንያት ባዶነት ነው። ሲዳማ ውስጥ ላለፉት ሃያ ሰባት አመታት በተለይም ባለፈው አንድ አመት ፍጹም አፓርታይድ የሰፈነበት የሌሎች ብሄር ኢትዮጵያውያን የዜግነት ክብራቸው የተዋረደበት ሁኔታ ነው ያለው። ሲዳማዎች አሁን ባለው ሁኔታ እንኳን ራሳችንን እያስተዳደርን አይደለም የሚሉበት ብጣቂ ማስረጃ የላቸውም። የሲዳማ ዞን ከቀበሌ እስከ ዞን ድረስ 100 % በሲዳማዎች የተሞላ ነው። በአካባቢው ለዘመናት የኖሩ የሌላ ብሄር አባላት በየትኛውም የዞኑ ጉዳይ ድምጽ የላቸውም። ባለፈው አንድ አመት ኤጄቶ የሚባለው ሀይል ያልፈቀደው ሰው አይሾምም ፣ የደቡብ ክልል መንግስት እንኳን በሀዋሳ ከተማ ስብሰባ ማድረግ ተስኖታል ከዚያም ባለፈ ፓሊስ ጣቢያዎች ሳይቀሩ በኤጄቶ ሲመሩ ቆይተዋል።

67252330_10219560171135405_6131341440271253504_n

በዛሬው ቀውስ ህይወት ጠፍቷል ፣ ንብረት ወድሟል ከሁሉም ከሁሉም ዜጎች በብሄር እየተለዩ ሲሳደዱ ውለዋል ንብረቶቻቸው ተዘርፈዋል። ከመሸ እንደምንሰማው የሲዳማ ሚዲያ ኔትወርክ የቦርድ አባል አቶ በላይ በልጉዳን (Belay Belguda) አይነቱ የዚህ ሽብር አስተባባሪዎች ታስረዋል። መንግስት እንደ እነ ሚሊዮን ማቴዎስ አይነቱን አውራዎች በህግ ቁጥጥር ካላዋለ የሲዳማው ሰደድ ነገ ወደ ወላይታ ፣ ሸካ ፣ ጉራጌና ስልጤ እያለ በክልሉ በሚገኙት ሃምሳ ምናምን ብሄሮች መዛመቱ አይቀርም።

ሚሊዮንን ማሰር ካልቻላችሁ አብዲ ኢሊን ፍቱት – ጥፋታቸው አንድ ነውና !

by – Samson Michailovich
Related stories   "ሕልውናችን የሚረጋገጠው በአሸናፊነት ብቻ ነው" አዴፓ- የኮምንኬሽኑ ም/ሃላፊ አቶ መላኩ አላምረው

Leave a Reply

Your email address will not be published. Required fields are marked *