የባህርዳርና አካባቢዋ ከፍተኛ ፍርድ አቃቤ ህግ በእነ ብርጋዴር ጀኔራል ተፈራ የምርመራ መዝገብ የቀረበውን ይግባኝ ለማየት ለነሃሴ 21 ቀን 2011 ዓ.ም ቀጠሮ ሰጠ፡፡

ፍርድ ቤቱ በትናንት ውሎው አቃቤ ህግ በእነ ተፈራ ማሞ የምርመራ መዝገብ ላይ ያቀረበውን የተጨማሪ ምርመራ ጊዜ ይግባኝ ላይ ውሳኔ ለመስጠት ለዛሬ ቀጠሮ መስጠቱ ይታወሳል፡፡

በዛሬው ውሎው አቃቤ ህግ በተጠርጣሪዎቹ የምርመራ መዝገብ ላይ የተጨማሪ ምርመራ ጊዜ ይግባኝ ውሳኔ ለመስጠት ያቀረበው መረጃ የተበጣጠሰ በመሆኑ የምርመራ መዝገቡ ተደራጅቶ ለነሃሴ 21 ቀን 2011 ዓ.ም እንዲቀርብ አዟል፡፡

የተጠርጣሪ ጠበቆች በበኩላቸው በምርመራ መዝገቡ መረጃ የተገኘው አራት ሰዎች ላይ ሆኖ ሳለ ደንበኞቻችን ያለአግባብ እየተጉላሉ ነው ሲሉ ለችሎቱ አስረድተዋል፡፡

የብርጋዴር ጀኔራል ተፈራ ማሞ እና ሌሎች ሁለት ተጠርጣሪዎች የሂሳብ ደብተሮች ከህግ አግባብ ውጭ መታገዳቸውንም ገልጸዋል፡፡

አቃቤ ህግ በበኩሉ የደንበኞች የሂሳብ ደብተሮች መያዛቸውን እንደማያውቅ ለፍርድ ቤቱ አስረድቷል፡፡

ግራ እና ቀኙን የተመለከተው ፍርድ ቤቱ የተጠርጣሪዎች የሂሳብ ደብተሮች እና ከምርመራ መዝገቡ ጋር ግንኙነት የሌላቸው ቁሳቁሶች እንዲመለሱላቸው ትዕዛዝ ሰጥቷል፡፡

በናትናኤል ጥጋቡ – FBC

Related stories   Court Allows 13 Additional Days for Police to Investigate Jawar Mohammed

Leave a Reply

Your email address will not be published. Required fields are marked *