ሰሞኑንን ከመስከረም ሰላሳ በሁዋላ መንግስት እንደማይኖር፣ የመከላከያ ሰራዊት፣ የፌደራል ፖሊስ፣ የደህንነት ተቋማትና በየእርከኑ ያለው መዋቅርም መታዘዝ እንደሚያቆሙ በይፋ መገለጹን ተከትሎ መንግስት ማብራሪያ ለመጠቅ መዘጋጀቱ ተሰማ።

የዛጎል መረጃ ሰጪዎች እንዳሉት መንግስት በሕጋዊ መንገድ ማብራሪያ ለመጠየቅ ዝግጅት የጀመረው እነዚሁ ክፍሎች የጊዜ ገደብ አስቀምጠው ” መንግስት አይኖርም” ማለታቸውን ተከትሎ ነው። ይህ ጥሪ ሲተላለፍ ምን ለማለትና ምን ዓይነት ዝግጅት ተደርጎ ስለመሆኑ ነው መንግስት ማብራሪያ የሚጠይቀው።

Related stories   Ministry Urges Amnesty Int’l to Use Appropriate Sources in Report to Uncover the Truth

“ከመስከረም ሰላሳ በሁዋላ መንግስት ስለማይኖር እንዳሻችሁ ሁኑ” የሚለው ጥሪ አገሪቱን ወደ የትኛው አቅጣጫ ለመውሰድ ታስቦ እንደሆነ፣ እንዲሁም አገሪቱ አደጋ ላይ ብትወድቅ ምን አማራጭ ሃይል እንዳዘጋጁ ነው ማብራሪያ የሚሰጡበት ጉዳይ።

ወ/ሮ አዳነች አቤቤ የሚመሩት የፌደራል አቃቤ ህግ የክስ ሰነድ እያዘጋጀ ሲሆን ማብራሪያ እንዲሰጡ የሚጠየቁት ክፍሎች ፈቅደው ማብራሪያ ከሰጡ ክስ ላይመሰረት እንደሚችል የዜናው ምንጮች አስታውቀዋል። ይህ የሚሆነው በማብራሪያቸው ይቅርታ ከጠየቁና ካስተባበሉ ብቻ ነው።

Related stories   የአምነስቲ " ሽንቁረ ብዙ" ሪፖርት የተከፋዮች የቲውተር ዜና ድምር

ጠቅላይ ሚኒስትር አብይ ከሰላማዊ አካሄድና ከውይይት ውጪ ሌላ አማራጭ እንደማያስኬድ፣ መንግስትም እንዲህ ያለውን አካሄድ እንደማይታገስ ይፋ ማድረጋቸው ከላይ ከተገለጸው ጋር እንደሚስማማ ምንጮቹ ይፋ አድርገዋል።

በተያያዘ ዜና የመንግስት የጸጥታ አካላት ስማቸውን ይፋ ያላደረጓቸው ክፍሎች ክልል ከተቀመጡ ክፍሎች ጋር በመሆን መንግስትን እጁን ለመጠምዘዝ እየሰሩ መሆናቸውን የሚያረጋግጥ መረጃ አግኝቷል። ለዚሁም ሲባል በጀት መመደቡና በጀቱንም እነማን እንደሚያንቀሳቅሱና እንደሚያሰራጩ የሰውና የሰነድ ማስረጃ አሰባስቧል። እንደ ዜናው ሰዎች ከሆነ መንግስት አይኖርም የሚለው ጥሪ ታስቦበት በእቅድና በትሥሥር የሚሰራ ነው።

Related stories   መንግሥት ቢቢሲና ሮይተርስን ጨምሮ ሰባት ዓለም አቀፍ የሚዲያ ተቋማት ትግራይ ክልል ገብተው እንዲዘግቡ ተፈቀደ

አቶ ጃዋር መሐመድና አቶ ልደቱ አያሌው መንግስት ከመስከረም 30 በሁዋላ አይኖርም ማለታቸው አይዘነጋም። የሽግግር መንግስት እንዲመሰረት በይፋ ጠይቀዋል። ይህንን በመቃወም በርካታ ድርጅቶችና ክልሎች የሽግግር መንግስት የሚባለውን ጥያቄ እንደማይቀበሉትና ቅድሚያ ለወረሽኙ እንዲሰጥ እየተየቁ ነው።

Share and Enjoy !

Shares

Leave a Reply

Your email address will not be published. Required fields are marked *