የኮቪድ 19 ወረርሽኝ የሩሲያ እና የኢትዮጵያን የንግድ ግንኙነቶችን አልገታም- አምባሳደር አለማየሁ ተገኑ

በሩስያ የኢትዮጵያ አምባሳደር አለማየሁ ተገኑ የኮቪድ 19 ወረርሽኝ የኢትዮጵያን እና የሩሲያን የንግድ ግንኙነቶች አለማስቆሙን ገለጹ።

አምባሳደሩ ከሩስያ የዜና አገልግሎት ጋር በነበራቸው ቆይታ÷ ወረርሽኙ በኢትዮጵያ እና በሩሲያ መካከል ያለውን ኢኮኖሚያዊ ትብብር አለማስቆሙን ጠቁመዋል ።

በዚህም ሁለቱም ወገኖች የጠበቀ ትብብራቸውን ጠብቀው እየተጓዙ በመሆኑ የሁለቱ አገራት ግንኙነት በጥሩ ሁኔታ ላይ ይገኛልም ነው ያሉት ።

የሁለቱ ሀገራት መሪዎች በቅርቡ የስልክ ውይይት ማድረጋቸውንአምባሳደሩ አስታውሰው÷ በዚህ በኮቪድ 19 ወረርሽኝ ሩሲያ እና የኢትዮጵያ ያላቸው ኢኮኖሚያዊ ትብብርና የንግድ ግንኙነት በጥሩ ሁኔታ ላይ ይገኛል ብለዋል።

አምባሳደሩ በማሳያነትም “የኢትዮጵያ አየር መንገድ የጭነት አውሮፕላኖች በሳምንት ሁለት ጊዜ“ ከሩሲያ ወደ አፍሪካ ፣ ከአፍሪካ ወደ ሩሲያ በማመላለስ በመስራት ላይ መሆኑን ” አንስተዋል፡፡

Related stories   ቦርዱ ለ6ኛው አገራዊ ምርጫ የክልል ቢሮዎችን ለመክፈት የሚያስፈልጉ ትብብሮች እንዲደረጉለት ለክልል መስተዳደሮች በድጋሜ ጥሪ አቀረበ

ከዚያም ባለፈ በባህላዊ መስክ ያለው ትብብር ጠንካራ ግንኑነት ላይ የተመሰረተ መሆኑን ጠቁመዋል።

በዚህም ታላቁ የሩሲያ ባለቅኔ አሌክሳንደር ፑሽኪን በኢትዮጵያም ውስጥ እጅግ ተወዳጅ መሆኑን ጠቁመዋል።

አምባሳደሩ አክለውም ኤምባሲያቸው ከሁለቱም አገራት የተውጣጡ 6 ሺህ ሰዎች የሚሳተፉበት የቪድዮ የንግድ የውይይት መድረክ ማዘጋጀቱን ተናግረዋል።

አምባሳደሩ አያይዘውም በየዓመቱ ሰኔ 6 ቀን የሩሲያ ቋንቋ ቀን በኢትዮጵያም እንደሚከበር ገልጸው÷ ቀኑን “ከሩሲያ ጓደኞቻችን ፣ ተማሪዎች ፣ ፕሮፌሰሮች ፣ የአፍሪካ ማህበረሰብ ጋር በመሆን በጋራ እናከብራለን ብለዋል፡፡

በዚህ ዓመት በወረርሽኙ ምክንያት በአካል መገናኘት ከባድ ቢሆንም ቀኑን በቪድዮ ኮንፈንስ መከበሩን ጠቅሰዋል

ምንጭ፡-የሩስያ ዜና አገልግሎት

Share and Enjoy !

Shares

Leave a Reply

Your email address will not be published. Required fields are marked *