ነዋሪነቱ አርሲ ዞን ሸርካ ወረዳ የሆነና በሻሸመኔ የጸጥታ ስራ ላይ በተሰማሩ ፖሊሶች ላይ ቦምብ ወርውሮ ሊያመልጥ ሲሞክር እርምጃ እንደተወሰደበት የሻሸመኔ ከተማ ፖሊስ መምሪያ አስታወቀ። ጉዳት የደረሰበት ህክምና ላይ ነው።

ቦንብ የተወረወረው በሻሸመኔ ከተማ የውስጥ ለውስጥ የጸጥታ ስራን በማከወን ላይ በነበሩ ጸጥታ አስከባሪዎች ላይ ነው። ፋና ፖሊስን ጠቅሶ እንዳለው ቦምብ ወርዋሪው የኦነግ ሸኔ አባል ላይ እርምጃ ተወስዷል።

ዛሬ ከጠዋቱ አንድ ሰአት ተኩል አከባቢ በሻሸመኔ ከተማ 01 ወይም አዋሾ ቀበሌ አካባቢ የጸጥታ ሀይሎች አካባቢያዊ ዳሳሳ ቅኝት ሲያደርጉ ነው ከድር ቱሌ የተባለ ግለሰብ የእጅ ቦምብ ወርውሮ ሊያመልጥ ሲል እርምጃ የተወሰደበት።

Related stories   “ወያኔ እየሠራው ባለው ግፍና በደል ትግራይ ከፍላ የማትጨርሰው ዕዳ እየተቆለለባት ነው!”ሲሉ ሰምቼ…

በዚህም የተጠርጣሪው ህይወት ሲያልፍ ቦምብ ከተወረወረባቸው የጸጥታ ሀይሎች መካከል በአንዱ ላይ ጉዳት ደርሶ በመልክ ኦዳ ሆስፒፕታል ክትትል እየተደረገለት መሆኑ ተገልጿል።

የሻሸመኔ ከተማ አስተዳደር ፖሊስ መምሪያ ለፋና ብሮድካስቲንግ ኮርፖሬት እንደገለፀው፥ ከተጠርጣሪው እጅ ተጨማሪ የጦር መሳሪያ ተገኝቷል።

ከድር ቱሌ የተባለው ይህ ተጠርጣሪ መታወቂያው የአርሲ ዞን ሸርካ ወረዳ ነዋሪ እንደሆነ የሚያሳይ ሲሆን፥ ሁለት ሞባይል፣ ገንዘብ እና ትጥቅ መያዣ ቀበቶ ይዞ ነበር።

Related stories   ወርቃማ ድል የተጎናጸፍነው ትልቁን ስዕል ማየት የሚችሉ ፣ ችግሮቻቸውን የመፍታት ልምድ ያላቸው እናትና አባቶች ስላሉን ነው – ፕሬዚዳንት ሳህለወርቅ

የከተማው ፖሊስ መምሪያ ከኦሮሚያ ክልል ልዩ ሀይል እንዲሁም ከፌደራል ፖሊስና ከመከላከያ ሰራዊት ጋር በጥምረት እየሰራ መሆኑንም ነው ያስታወቀው።

የሻሸመኔ ከተማ አሁን ላይ ወደ ቀድሞ ሰላማዊ እንቅስቃሴዋ እየተመለሰች ሲሆን፥ ከዚህቀደም ለወደሙና ጉዳት ለደረሰባቸው ድጋፍ የማድረጉ ተግባርም ተጠናክሮ ቀጥሏል፡፡

የከተማዋ ነዋሪ ከጸጥታ አካሉ ጋር ተናቦ እየሰራ ባለው ስራ በርካታ ተጠርጣሪዎች በቁጥጥር ስር ውለዋል ያለው ፖሊስ የተዘረፉ ንብረቶችም እየተመለሱ መሆኑንም ፋና አስታውቋል፡፡

Related stories   The Legend of the “Greater Republic of Tigray” and the Delirious TPLF Media

በሌላ ዜና በኦሮሚያ ክልል የሃረርጌ ዞኖች፣ በምዕራብ አርሲ ዞን እና በድሬዳዋ ከተማ ባጋጠሙ ግጭቶች ቢያንስ 4 ሰዎች መገደላቸውን እና በርካቶች መቁሰላቸውን ፖሊስ፣ የሆስፒታል ምንጮች እና የየአካባቢዎቹ ነዋሪዎች ለቢቢሲ ተናግረዋል። የአቶ ጃዋር መሐመድ ጤና ታውኳል የሚለው ዜና መሰማቱን ተከትሎ ነው ሰዎች መመሪያ ጥሰው አደባባይ በመውጣት መንገድ ለመዝጋትና ሰላማዊ ዜጎችን ለመተናኮል በማሰባቸው ነው ተብሏል።

ጃዋር በመልካም ጤንነት ላይ እንደሚገኝ መንግስት ማስታወቁ ይታወሳል።

 

Share and Enjoy !

Shares

Leave a Reply

Your email address will not be published. Required fields are marked *