በህንድ አንድ ውሻ ወላጅ አልባ የሆነች ጦጣን ማሳደግ መጀመሯ ብዙዎቹን አስገርሟል።  የትንሿ ጦጣ እናት የአካባቢው ነዋሪዎች ሰብሎቻቸውን ከጦጣና ዝንጀሮ ለመከላከል በወሰዱት እርምጃ ተገድላለች።

ነፍሰ ጡር የሆነችው ውሻም ከአካባቢው ነዋሪዎች እርምጃ የተረፈችውንና አሳዳጊ አልባዋን ጦጣ መንከባከብ ጀምራለች።

ትንሿ ጦጣ እናቷ በአካባቢው ነዋሪዎች ስትገደል የአስር ቀን እድሜ ነበራት፤ ከዚያን ጊዜ ወዲህም ባልተለመደ ወዳጅነት ውሻዋ እንደ ልጇ እየተንከባከበቻት ትገኛለች።

Related stories   “ አንገት ቆረጣ ” የ - ሰለጠነው የ- እርስ በርስ መበላላት!

ጦጣ እና ውሻ በተፈጥሮ የማይስማሙ ቢሆንም የሁለቱ ግንኙነት ግን የአካባቢው ነዋሪዎች መነጋገሪያ ሆኗል።

የሁለቱን ግንኙነት በፎቶግራፍ ያስቀረው የ48 ዓመቱ ፎቶግራፍ አንሺ ፕራክ ባድል የጦጣዋና የውሻዋ ፍቅር እንዳስገረመው ገልጿል።

ሁለቱ የተለያዩና የማይስማሙ ቢሆኑም ውሻዋ እናቷን ተክታ እያሳደገቻት መሆኑን ሳውቅ አስገርሞኛልም ብሏል።

ይህ ዓይነቱ ግንኙነት ከሌላ ወገን ወይም ሀይማኖት ስለሆነ ብቻ  እርስ በርስ ለሚጣሉና ለሚገዳደሉ የሰው ልጆች ትልቅ ትምህርት ነውም ይላል ፕራንክ ባድል።

Related stories   ዝነኛው የቴሌቭዥን መርሀ ግብር መሪ ላሪ ኪንግ አረፈ

ምንጭ፡-ደይሊ ሜይል – (ኤፍ.ቢ.ሲ)

Share and Enjoy !

Shares

Leave a Reply

Your email address will not be published. Required fields are marked *