በአደባባይ ሰው የገድሉና ከፍተኛ የንብረት ውድመት እንዲደርስ ያደረጉ ተጠርጣሪዎች ማስረጃ  እየተመዘነ ለህግ የማቅረብ ስራው ተጠናክሮ ይቀጥላል
 

በድርድርና ሽምግልና የሚለቀቅ ተጠርጣሪ የለም ሲል ጠቅላይ ዐቃቤ ህግ አስታወቀ። ይህንን ያሉት ምክትል ጠቅላይ ዐቃቤ ህግ ፍቃዱ ጸጋ በዛሬው ዕለት በሰጡት መግለጫ ነው። አቃቤ ህጉ ይህንን ያሉት ጷግሜን በዕርቅ በሚል እየተከናወኑ ባሉ መድረኮች አዲሱን ዓመት በእርቅ ለመቀበል በሚል ዝግጅት ሲጀመር በተለያዩ መደረኮችና በማህበራዊ ሚዲያዎች ወንጀለኞች ሊፈቱ እንደሚችሉ በመጥቀስ ቅሬታ መሰማቱን ተከትሎ መልስ ለመስጠት እንደሆነ ታምኗል።
አቶ ፈቃዱ በወንጀል ተጠርጥረው በምርመራና በፍርድ ሂደት ላይ ያሉትን በሽምግልና እንዲፈቱ የሚፈቅድ ስልጣንም ሆነ ህግ እንደሌለ አስረግጠው ተናግረዋል። ሲያብራሩም በአደባባይ ሰው የገድሉና ከፍተኛ የንብረት ውድመት እንዲደርስ ያደረጉ ተጠርጣሪዎች ማስረጃ  እየተመዘነ ለህግ የማቅረብ ስራው ተጠናክሮ ይቀጥላል ሲሉ በገሃድ አስገንዝበዋል።
በመግለጫቸው የአርቲስት ሀጫሉ ሁንዴሳ ግድያን በመፈጸምና ግድያውን ተከትሎ በተፈጠረው ሁከትና ብጥብጥ የተጠረጠሩ ግለሰቦች ላይ በሳምንቱ  መጨረሻ ክስ እንደሚመሰረት አመልክተዋል። ሲያስረዱም ከአርቲስት ሀጫሉ ሁንዴሳ ግድያ ቀጥታ ተሳትፎ የነበራቸውንና አብራው በነበረችው ግለሰብ ፣ በእነ አቶ ጃዋር መሀመድ መዝገብና በእነ አቶ እስክንድር ነጋ መዝገብ ላይ እስከ ፊታችን ሀሙስ ድረስ ክስ እንደሚመሰረት አስታውቀዋል።በኦሮሚያ ክልል ተጠርጥረው በቁጥጥር ስር ያሉት በአብዛኞቹ ላይ ምርመራው መጠናቀቁንም ተናግረዋል።
ይህ በንዲህ እንዳለ
የፌደራል የመጀመሪያ ደረጃ አራዳ ምድብ ተረኛ የጊዜ ቀጠሮ ችሎት አቶ ጃዋር መሃመድና በቀለ ገርባን ጨምሮ እስከ 10ኛ ተራ ቁጥር ያሉ ተጠርጣሪዎች ላይ አቃቤ ህግ እስከ መስከረም 8 2013 ዓ.ም ክስ እንዲመሰርት ብይን ሰጠ።
ፍርድ ቤቱ አቶ ጃዋር መሃመድና አቶ በቀለ ገርባን ጨምሮ እስከ 10ኛ ተራ ቁጥር ያሉ ተጠርጣሪዎች ላይ አቃቤ ህግ ከጳጉሜን 2 እስከ ጳጉሜን 5 2012 ዓ.ም የተሰሙ የምስክር ቃል ተገልብጦ ወስዶ እስከ መስከረም 8 ቀን 2013 ዓ.ም ክስ አንዲመሰርት ነው ብይን የሰጠው።
በተጨማሪም ፍርድ ቤቱ ሌሎች ከ11ኛ እስከ 14ኛ ያሉ ተጠርጣሪዎች ላይ ደግሞ በ5 ቀን ውስጥ ክስ እንዲመሰርትባቸውም ትእዛዝ ሰጥቷል።
ፍርድ ቤቱ በዛሬ ውሎው ተጠርጣሪዎቹ ባቀረቡት የዋስትና ጥያቄ ላይ ትእዛዝ ሳይሰጥ፤ ተጠርጣሪዎቹ በማረፊያ ቤት አንዲቆዩ በወንጀለኛ መቅጫ ስነ ስርዓት ህግ ቁጥር 93 መሰረት ትእዛዝ ሰጥቷል።
Related stories   ብአዴን የሱዳን ወታደሮች ከአማራ ክልል ይዞታ በፍጥነት ለቅቀው እንዲወጡ ጠየቀ

Leave a Reply

Your email address will not be published. Required fields are marked *