Share and Enjoy !

Shares
የኢትዮጵያ ሕዝብ ሙሉ በሙሉ ደጀንነቱን እየገለጸለትና በተግባር ድጋፉን እያበረከተለት ያለው የአገር መከላከያ ሰራዊት ህግን የማስከበር ዘመቻ በሁለት ቀን እንደሚጠናቀቅ ሜ/ጄ/ ባጫ ደበሌ አስታወቁ። ሰራዊቱ መቐለን እና የወንጀለኛው ጁንታ ቡድን አባላትን ለመቆጣጠር የሚያስችሉ ስትራቴጂክ ቦታዎችን ተቆጣጠረ።
ጀነራሉ ከራያ ግንባር ሆነው እንዳስታወቁት የጁንታው ሃይል መላ ጉልበቱን አስተባበሮ መከላከልና መልሶ ማጥቃት ሙከራ ቢያድርግም ክፉኛ ተመቶ ተድምስሷ። የተረፈውም ተበታትኗል። ሰራዊቱ ጠላት የሚተማመንበት ምሽጎች በመሰባበር ወደ መቀሌ እየገሰገሰ መሆኑንንም አመልክተዋል። ጀነራል አለምሸት በበኩላቸው በቀናት ውስጥ ለህዝብ ታላቅ ድል እንደሚያበስሩ ጠቁመው የጁንታው ሃይል መዋጋት ወደማይችልበት ደረጃ መድረሱን ገልጸዋል።
ቦታው ከፍተኛ ተራራ በመሆኑ እጅግ እልህ አስጨራሽ መሆኑንን ሲያስረዱ ” ከዓለም ሁሉ ተራሮች ተሰባስበው የተከማቹበት ይመስላል” ካሉ በሁዋላ ” ምንም እንኳን የገጠመን የጎበዝ ሃይል ቢሆንም” አስፈላጊውን መስዋዕት ተከፍሎ ተጠላትን ሃይል የሚገባውን ምላሽ በመስጠት  ሂዋኔ መድረስ መቻሉን አመልክተዋል። አያይዘውም አጥፊውን ሃይል ለመቆጣጠርና ኢትዮጵያን እንደ አገር እንዳትኖር የተከፈተውን ሴራ እንደሚቀበር አስታውቀዋል።

ጀነራል አለምሸት የከባድ መሳሪያ በማስተባበር ግንባር ቀደሙን ስራ በመስራት ሶስት ቀን ውጊያ አድርጎ ሊጋፈጥ ቢሞክርም በመጨረሻ የጠላት ሃይል መመታተቱን አስረድተዋል። የተበተነው ሃይል ወደ አዲ ጎዶም ማፈግፈጉን መረጃ እንዳለ ጠቁመው ይህ የሚሊሻ ሃይል በቀጣዩ ዘመቻ እንደሚቃረም አስረድተዋል። አያይዘውም ቀጣዩ ጉዞእ ወደ መቀሌ መፍጠን እንደሆነ አመልክተዋል።
ዝርዝር ድሉን አስመልክቶ ከታች የመንግስት ሚዲያዎች የዘገቡትን ይመለከቱ።
የአገር መከላከያ ሰራዊት ሀውዜን፣ አል ነጃሺ፣ አዲቀየህ፣ ማይመሳኖን እና ውቅሮን ከጁንታው ታጣቂ ሃይል ሙሉ በሙሉ ነፃ አድርጓል።
የህወሃት ጁንታ በሰላም እጁን እንዲሰጥ መንግስት የሰጠውን የ72 ሰዓታት ጊዜ ሊጠቀም ባለመቻሉ ከትናንት ጀምሮ የህግ ማስከበር ስራው ቀጥሏል።
በመከላከያ ሰራዊት ህብረት ስልጠና ዋና መምሪያ ኃላፊ ሌተናል ጄኔራል ሀሰን ኢብራሂም በሰጡት መግለጫ የህግ ማስከበር ሂደት በውጤታማነት ቀጥሎ ተጨማሪ የትግራይ ክልል ከተሞችን ከጁንታው ታጣቂ ነፃ ማድረግ ተችሏል።
በዚህም በአድዋ ግንባር የተንቀሳቀሰው ሰራዊት ሃውዜን፣ አብርሃ ወአፅበሃንና ውቅሮን የተቆጣጠረ ሲሆን አጉላን በግማሽ ቀን መቆጣጠሩን ገልጸዋል።
በአሁኑ ወቅትም በመቀሌ አቅራቢያ ወደሚገኘው መሰቦ ተራራ እየገሰገሰ ሲሆን ይህም መቀሌን በጥቂት ቀናት ውስጥ ለመቆጣጠር እንደሚያስችል ጠቁመዋል።
በሁለተኛው ግንባርም በአዲግራት በኩል ሳንቀጣ እና አልነጃሺን በመቆጣጠር ውቅሮ ገብቷል።
በሶስተኛው የራያ ግንባር ደግሞ አዲቀይህን የተቆጣጠረ ሲሆን ሄዋናና በመቆጣጠር ሁሉንም ምሽጎች ሰባብሮ ወደፊት እየገሰገሰ ይገኛል።
በመቀሌ ያለውን የወንጀለኛ ቡድን የመቆጣጠር ተግባር በማጠቃላይ ምዕራፍነት የተያዘ ሲሆን ሰራዊቱ ግዳጁን በምን አኳኋን መፈጸም እንዳለበት በቂ ዝግጅት አድርጎ የወንጀለኛውን ቡድን በቁጥጥር ስር ለማዋል መዘጋጀቱን አመልክተዋል።
የትግራይ ህዝብ ሰራዊቱ የጁንታውን አባላት ለመያዝ እያደረገ ያለውን እንቅስቃሴ ለመከላከያ ሰራዊቱ በተግባር ወገንተኝነቱን አሳይቷል።
እየደገፈ መሆኑን በሰራዊቱም ላይ ጥይት አለመተኮሱን የትግራይ ህዝብና ጁንታው የተለያዩ መሆናቸውን አረጋግጧል።
የጁንታው ቡድንም በፕሮፓጋንዳ ጭምር እያፈገፈገ መሄዱ ሽንፈቱን እያረጋገጠ መሆኑን አመልክተዋል።
በማጠቃለያው ምዕራፍ መቀሌን ለመቆጣጠር የሚያስሉ ስትራቴጂክ ቦታዎች መያዙን አስታወቀ።
በራያ በኩልም አድቀይህ ፣ አዲመሳኖን እና ሂዋናን ከታጣቂ ሃይሉ ነፃ ማድረጉን ገልጸዋል።
በጉላን በኩል መንገድ ለመዝጋት ቢሞክርም እንዳልተሳካለትና ወደ ኋላ ማፈግፈጉን ተናግረዋል።
አሁን ላይ መቀሌ ብቻ መቅረቱን የገለጹት ሌተናል ጀነራል ሀሰን በጥቂት ቀናት ወስጥ ተጠናቆ ጁንታው ለሀግ እነደሚቀርብ አረጋግጠዋል።
የጁንታው ሃይል በራያ በኩል ያለ የሌለ ሃይሉን በመጠቀም የሰራዊቱን ጥቃት ለመቋቋም ቢሞክርም በመመታቱ ለመልቀቅ ተገዷል ነው ያሉት።
የህወሃት ጁንታ ሽንፈቱን እያረጋገጠ በመምጣቱ በሀሰት ወሬ ላይ ተጠምዶ ህዝብን በማደናገር ላይ ነው ማለታቸውን ኢዜአ ዘግቧል፡፡
Related stories   ሱዳን ባዘጋጀው መድረክ የኢትዮ-ሱዳን የድንበር ልዩነት በሰላማዊ መንገድ መፈታት እንዳለበት አምባሳደሩ አሳሰቡ

Leave a Reply

Your email address will not be published. Required fields are marked *