“አሁን ጊዜው የአዲስ ሃሳብና የአዲስ አስተዳደር ምሪት ነው። አዲሱ አስተዳደር ትግራይን ለመምራት ሳይሆን ሕዝብ በመረጠው እንዲተዳደር መንገድ በመጥረግ ታሪክ የሚሰራበት ወቅት ነው” ሲል ነዋሪነቱ በስዊዲን የሆነው ዘሮም ይናገራል። ዘሮም አዲሱ ጊዜያዊ አመራር የትህነግ አመራሮች ገደል የከተቱትን ዴሞክራሲ በማስፈን የትግራይን ህዝብ እምነትና ክብርን ሊያሳዩት እንደሚገባ ያምናል። ” ትግራይ በራች” የሚለው ከኤሌክትሪክ አልፎ በስርዓት ግንባታ ሊሆን እንደሚገባ ያሳስባል።

ዘሮም ብቻ ሳይሆኑ በርካታ የትግራይ ተወላጆች ጥርጣሬያቸው ተገፎ ማየት ይወዳሉ። ቀደም ሲል የተረጨው ፕሮፓጋንዳ ስህተት እንደነበር በማሳየት ህዝቡ ልቡ እንዲረጋ መሰራት እንዳለበት በፊትለፊትም ባይሆን በጎንዮሽ ውይይት ያነሳሉ። ” ጦርነቱ ገና መቸ ተጀመረ” በሚል የሚሰማው ፉከራ እያንዘረዘራቸው የሚዝቱም ትንሽ አይደሉም።

ምንም ሆነ ምን ትህነግ እድሜው ያጠረው መከለከያ ላይ የተኮሰና እጅግ ሊታመን በማይችል ጭካኔ እርምጃ የወሰደ እለት መሆኑንን ግን የሚክድ የለም። ከዛም በላይ የትህነግ አመራር በአንድ በኩል ለዘመናት ጠላት አድርጎ የቀጠቀጠው አማራ፣ በአንድ ጫፍ ሊታረቅ የማይችል ቅርሾ ውስጥ የገቡት ሻዕቢያ  እየለ እንዲህ ያለ እብደት ውስጥ መግባታቸው ፍጹም ድንቁርና እንደሆነ የሚናገሩ ” አሳፈሩን” እያሉ ይወቅሷቸዋል። እናም ድጋፉ አሁን በተከፋፈለ ደረጃ ወደ ወቀሳ እየዞረ ያለ ይመስላል።

Related stories   በዓድዋ ከተማ የመብራት አገልግሎት ዛሬ ጀመረ

ዘሮም እንደሚለው ይህን አጋጣሚ ወደ በሳል የፖለቲካ ጨዋታ በማዞር አዲስ አሳብና አዲስ መንገድ የሚጀመርበትን መንገድ ማፍጠን አግባብ እንደሆነ ይገልጻል። ትናንት የተሰማው ዜና የዚሁ አካል መሆኑ፣ የጠቅላይ ሚኒስትር አብይ አሕመድም ጉዞ በተመሳሳይ ለትግራይ አዲስ ትንሳኤ ትኩረት የተሰጠ መሆኑንን አመላካች ነው። ይሁን እንጂ አንዳንድ የሚሰሙ ቅሬታዎችና የተረኝነት እሳቤዎች ዛሬም ባይሆን አድሮ ቂም የሚያስቀምጡ እንዳይሆኑ ቢታሰብ መልካም እንደሆነ ያሳስባል። በጅምላ ባይሆንም ግለሰቦች ስህተት እየሰሩ ነውና እርምት ቢደረግ ይላል። የመቀሌን መብራት አስመልክቶ ፋና ይህንን ዘግቧል።

 ከሳምንታት የኤሌክትሪክ አገልግሎት መቋረጥ በኋላ መቐለ ከተማና አካባቢው ዛሬ አገልግሎት አግኝቷል። ከአላማጣ ከተማ አንስቶ እስከ መቐለ ድረስ ባሉ ከተሞች በከፍተኛ የኤሌክትሪክ ኃይል ማስተላለፊያ መስመር ሽቦዎች (ኮንዳክተሮች) እና ስኒዎች (ኢንሱሌተሮቸ) ላይ የህወሓት ጁንታ ቡድን ባደረሰው ጥቃት በአካባቢዎቹ የኤሌክትሪክ ኃይል ተቋርጦ መቆየቱ ይታወሳል።
በጁንታው ጉዳት የደረሰባቸውን የኤሌክትሪክ ኃይል መሠረተ ልማቶች ጠግኖ ሁሉንም የክልሉ ከተሞች እና የገጠር ቀበሌዎች ኃይል እንዲያገኙ ለማድረግ የኢትዮጵያ ኤሌክትሪክ ኃይል ሁለት የጥገና ቡድኖችን አዋቅሮ ቀን ከሌት ሲሰራ ቆይቷል።
በሰሜን ምዕራብ ኢትዮጵያ የተሰማራው የጥገና ቡድን በመተማ፣ ሁመራ፣ ወልቃይት እና ማይጨው የሚገኙ የኃይል ማስተላለፊያና ማከፋፈያ ጣቢያዎችን የጥገና ሥራ በማጠናቀቅ ከተሞቹ ኃይል እንዲያገኙ አድርጓል።
ከደሴ በመነሳት ወደሰሜን ምስራቅ ኢትዮጵያ የተሰማራው የጥገና ቡድን ደግሞ ከቀናት በፊት የአላማጣ፣ ማይጨው፣ መኾኒ እና ሰቆጣ ከተሞች ኤሌክትሪክ እንዲያገኙ ያደረገ ሲሆን ዛሬ የመቐለ፣ ኲዊሀ፣ አዲጉዶምና አካባቢው ከተሞች ኤሌክትሪክ እንዲያገኙ ማድረግ ችሏል።
በስፍራው የተሰማሩ የጥገና ባለሙያዎች አስቸጋሪና ፈታኝ ሁኔታዎችን ታግለው ሌት ተቀን በመስራት ለዚህ ውጤት በመድረሳቸው የኢትዮጵያ ኤሌክትሪክ ኃይል ዋና ሥራ አስፈፃሚ አቶ አሸብር ባልቻ ምስጋናቸውን አቅርበዋል።
“በፈታኝ ሁኔታ ውስጥ አልፎ ሀገርንና ህዝብን እንደማገልገል የሚያስደስት ነገር እንደማይኖር በተግባር ስላሳያችሁን በሥራችሁ ኮርተናል” ሲሉ የተሰማቸውን ደስታ መግለፃቸውን ኢቢሲ ዘግቧል ።
በተያያዘ ዜና ኢትዮ ቴሌኮም ስልክ መጀመሩን እንዲህ ሲል አስነብቧል

Share and Enjoy !

Shares

Leave a Reply

Your email address will not be published. Required fields are marked *