በአማራ ክልል በአምስት ወራት ውስጥ 8 ነጥብ 1 ቢሊየን ብር ገቢ መሰብሰብ እንደቻለ የአማራ ክልል ገቢዎች ቢሮ ኃላፊ ወይዘሮ ብዙአየሁ ቢያዝን ገለፁ፡፡

የአማራ ክልል ገቢዎች ቢሮ በ2013 በጀት ዓመት ከመደበኛ እና ከከተማ አገልግሎት ገቢ በድምሩ 20 ነጥብ 5 ቢሊየን ብር ለመሰብሰብ አቅዶ እየሰራ ይገኛል።

አፈፃፀሙ በዓመቱ ለመሰብሰብ ከታቀደው ውስጥ 40 በመቶ ሲሆን በአምስት ወራት ለመሰብሰብ ከታቀደው ደግሞ 95 ነጥብ 3 በመቶ ነው ብለዋል፡፡

ይህ አፈፃፀም በ2012 በጀት ዓመት ተመሳሳይ ወር ላይ ከተሰብሰብ ገቢ ጋር ሲነፃፀር የ2 ነጥብ 5 ቢሊየን ብር ጭማሪ ወይም 44 ነጥብ 3 በመቶ ብላጫ አሳይቷል፡፡

የአምስት ወራት እቅዱ መቶ በመቶ እንዳይሳካ የኮቪድ ወረርሽኝ በፈጠረው ተፅኖ እስካሁን ድረስ ያላገገሙ ዘርፎች እንደ ቱሪዝም እና የአገልግሎት ዘርፉም ክፉኛ መጎዳቱ እንደሆነ ሃላፊዋ መናገራቸውን ከቢሮው ያገኘነው መረጃ ያመለክታል። ከጸጥታው ጋር ተያይዞ እስካሁንም ድረስ ወደ ስድስት ዞኖች በተገቢው ሁኔታ የተደራጀ ስራ እንዳልሰሩ ነው የተነገረው ።
ዜናው የፋና ነው

Share and Enjoy !

0Shares
0

Leave a Reply

Your email address will not be published. Required fields are marked *