“Our true nationality is mankind.”H.G.

“በአጣዬ እና አካባቢው በተፈፀመው ወንጀል ተጠያቂ የሚሆኑ አካላት ለፍርድ ይቀርባሉ” ኮማንድ ፖስቱ

ለፍርድ ይቀርባሉ፦ ኮማንድ ፖስቱ


በአማራ ክልል ሰሜን ሸዋ እና በኦሮሞ ብሔረሰብ አስተዳደር ዞኖች በነበረው የፀጥታ ችግር በወንጀል ፈፃሚነት ተጠያቂ የሚሆኑ አካላትን በመለየት ለፍርድ እንደሚያቀርብ በአካባቢው የተቋቋመው ኮማንድ ፖስት አስታወቀ።

የኮማንድ ፖስቱ አስተባባሪ ሌ/ጄ ደስታ አቢቼ፣ የፀጥታ ኃይሉ በአካባቢው የነበረውን የፀጥታ ችግር ወደ ሰላማዊ እንቅስቃሴ እንዲመለስ በትኩረት እየሠራ መሆኑን ገልጸዋል።

የአካባቢው ማኅበረሰብም አጥፊዎችን የማጋለጥ እና መረጃ የመስጠት ሥራ እያከናወነ መሆኑን ገልጸዋል።

Related stories   ‹‹የህዳሴው ግድብ ለሱዳን ከፍተኛ ጥቅም አለው፤ የቀጠናውን የኢኮኖሚ ትስስር ያጠነክራል››

ኮማንድ ፖስቱ በነበረው ችግር ተዘግቶ የነበረውን መንገድ በማስከፈት የተቋረጡ ማኅበራዊ፣ ኢኮኖሚያዊ እና አስተዳደራዊ ሥራዎች እንዲጀመሩ የማድረግ ሥራ እየተከናወነ መሆኑንም አብራርተዋል።

የተፈናቀሉ ዜጎችን ወደ ቀዬያቸው የመመለስ እና በወንጀሉ መጠየቅ ያለባቸውን አካላት በመለየት በሕግ ተጠያቂ የማድረግ ሥራ ተጠናክሮ እንደሚቀጥልም ሌተናል ጄኔራል ደስታ ተናግረዋል።

ኮማንድ ፖስቱ ከተቋቋመ በአካባቢው ሰላም እና መረጋጋት እየተፈጠረ መሆኑን ገልጸው፣ “በአካባቢው መረጋጋት በመፈጠሩ የትራንስፖርት አገልግሎቶች እንዲሁም ማኅበራዊ እና ኢኮኖሚያዊ እንቅስቃሴዎች ጀምረዋል” ብለዋል።

Related stories   ‹‹የህዳሴው ግድብ ለሱዳን ከፍተኛ ጥቅም አለው፤ የቀጠናውን የኢኮኖሚ ትስስር ያጠነክራል››

የስልክ፣ የውኃ እና የኤሌክትሪክ አገልግሎት መጀመሩንም ነው ሌ/ጄ ደስታ የተናገሩት።

“በችግሩ ላይ የሀገር ውስጥ እና የውጭ አካላት፣ አንዳንድ የፖለቲካ ድርጅቶች እና በመንግሥት መዋቅር ስር ያሉ አንዳንድ አመራሮችም እጅ እንዳለበት ደርሰንበታል” ያሉት ሌተናል ጄኔራል ደስታ፣ በማስረጃ የተደገፉ መረጃዎች የማሰባሰብ ሥራ እንደሚሠራ ገልጸዋል።

ለችግሩ መንስኤ እና ተሳታፊ የሆኑ አካላት ከሕግ ተጠያቂነት እንደማያመልጡ በመግለጽ፣ ኮማንድ ፖስቱ ጥልቅ ምርመራ በማድረግ ማስረጃ አደራጅቶ የጥፋት ተሳታፊዎችን ሕግ ፊት እንደሚያቀርባቸው አረጋግጠዋል።

Related stories   ‹‹የህዳሴው ግድብ ለሱዳን ከፍተኛ ጥቅም አለው፤ የቀጠናውን የኢኮኖሚ ትስስር ያጠነክራል››

በአካባቢው ሰላም እና መረጋጋት ለማምጣት ግዳጅ ላይ ተሰማርቶ የሚገኘው የልዩ ዘመቻ 3ኛ አየር ወለድ ብርጌድ ሻለቃ አመራር በአካባቢው ሰላም እና መረጋጋት መኖሩን ተናግረዋል።

በአጣዬ ከተማ በነበረው የጸጥታ ችግር ምክንያት በደቡብ ወሎ፣ ሰሜን ሸዋ እና የኦሮሞ ብሔረሰብ ልዩ ዞኖች በሚገኙ ዘጠኝ ወረዳዎች እና አምስት ከተሞች ኮማንድ ፖስት መቋቋሙ የሚታወስ መሆኑን የዘገበው ኢዜአ ነው።

 

Share and Enjoy !

Shares
0Shares
0