“Our true nationality is mankind.”H.G.

አፍሪካ ህብረት ቁርጠኛነቱን አሳይቷል፤ አውሮፓ ህብረት ምርጫ አልታዘብም አለ

The stars of European Union (EU) membership sit on a euro sign sculpture outside the headquarters of the European Central Bank (ECB) in Frankfurt, Germany, 20 March 2014.

የአፍሪቃ ህብረት የምርጫ ታዛቢዎች አስፈላጊውን የዝግጅት ስራና ውይይት በማድረግ ላይ በሚገኙበት ወቅት አውሮፓ ህብረት የምርጫ ታዛቢ እንደማይልክ ይፋ ማደርጉ ተጠቆመ። ህብረቱ ምርጫውን ባይታዘብም ዜጎች ምርጫ እንደሚያካሄዱና ከ26 ሚሊዮን በላይ መራጮች መመዝገባቸው ይፋ ሆኗል።
የአውሮፓ ህብረት ለስድስተኛው የኢትዮጵያ አጠቃላይ ምርጫ ታዛቢዎች ለመላክ በቁልፍ መለኪያዎች ረገድ ከኢትዮጵያ ባለስልጣናት ጋር ከስምምነት መድረስ እንዳልቻለ ሰኞ ባወጣው መግለጫ ትፋ አድርጓል።
የአውሮፓ ህብረት የውጭ ግንኙነት ቢሮ ባወጣው መግለጫ እንዳለው “ሁኔታዎች ባለመሟላታቸው የምርጫ ታዛቢ ልዑክ የመላክ ዕቅዱ ተሰርዟል።” የአውሮፓ ህብረት የምርጫ ታዛቢ ለመላክ “መሠረታዊ መስፈርቶች” ካላቸው እና ዕቅዱን ለመሰረዝ ካስገደዱት ጉዳዮች መካከል “የተልዕኮው ገለልተኝነት” አንዱ ነው።
ሁለተኛው ምክንያት የምርጫ ታዛቢ ተልዕኮው የመገናኛ ስርዓት (communication systems) ወደ ኢትዮጵያ ማስገባት መከልከሉ ነው። ይህ ስርዓት “በተለይ ፈታኝ የጸጥታ ከባቢ ባለበት ሁኔታ” ለአውሮፓ ህብረት የምርጫ ታዛቢዎች ደህንነት ቁልፍ ነው ተብሎለታል።
“የአውሮፓ ህብረት መግለጫ ኢትዮጵያ ሉዓላዊነትን የሚጻረር አካሄድን አልቀበልም በማለቷ የመጣ ነው” ሲሉ የውሽ ጉዳይ ሚኒስትር ቃለ አቀባይ ዲና ሙፍቲ አስታውቀዋል። በማህበራዊ ሚዲያዎች ” አፍሪቃ አውሮፓን አትትታዘበም፤ እነሱም እኛን መታዘብ ሊታገዱ ትገባል” ከሚለው አስተያየት ጀምሮ ቁጣ እየተሰነዘረ ነው።
አውሮፓ ህብረት በያዘው ጭፍን አቋም ኢትዮጵያ ላይ እርዳታ መያዙና ቀጣይ ማዕቀብ ሊያደረግ እንደሚችል ሲያስጠነቀቅ ቆይቶ ነበር። ኤታማዦር ጹም ብርሃኑ ጁላ አገራችን በውጭና በውስጥ ግንባር የፈጠሩ ሃይሎች በከፍተኛ ደረጃ አንድነቷንና ህልውናዋን እየተፈታተኗት መሆኑንን ጠቅሰው ህዝብ አንድ ሆኖ እንዲቆም የጠየቁት ዛሬ ነው።
“የአውሮፓ ህብረት ምርጫን ለመታዘብ ያቀረበውን ጥያቄ ኢትዮጵያ አትቀበለውም”
– አምባሳደር ዲና ሙፍቲ የውጭ ጉዳይ ሚኒስቴር ቃል አቀባይ
(ኢ ፕ ድ)
የአውሮፓ ህብረት 6ኛው ሀገራዊ ምርጫ ለመታዘብ ያቀረበውን ቅድመ ሁኔታ ኢትዮጵያ እንደማትቀበለው የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ተናገሩ፡፡
የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ጉዳዩን አስመልክቶ መግለጫ ሰጥተዋል፡፡
የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ በሰጡት መግለጫ እንደገለጹት፣ ህብረቱ 6ኛውን ሀገራዊ ምርጫ ለመታዘብ ያቀረበው ጥያቄ የሀገርን ሉአላዊነት የሚጋፋና የኢትዮጵያን ህጎች የማያከብር ቅድመ ሁኔታ በማስቀመጡ ጥያቄው ተቀባይነት አላገኘም ብለዋል፡፡
ህብረቱ በቅድመ ሁኔታነት ካስቀመጧቸው ጉዳዮች በህግ ያልተፈቀደ ከቴሌኮሚዩኒኬሽን ቁጥጥር ውጪ የሆነ ቪሳት የሳተላይት መሳሪያ ይዘው ለመግባትና ከምርጫ ቦርድ አስቀድሞ መግለጫ ለማውጣት መፈለጋቸው እንደሆነ አምባሳደሩ ተናግረዋል፡፡
ህብረቱ 6ኛውን ሀገራዊ ምርጫ ለመታዘብ ያቀረበው ጥያቄ የሀገርን ሉአላዊነት የሚጋፋና የኢትዮጵያን ህጎች የማያከብር ቅድመ ሁኔታ በማስቀመጡ ጥያቄው ተቀባይነት አላገኘም ብለዋል፡፡
የአፍሪካ ህብረት ምርጫ ታዛቢዎች ከሕዝብ ተወካዮች ምክር ቤት አፈጉባኤ አቶ ታገሰ ጫፎ ጋር ውይይት ማካሄዳቸው ይታወሳል፡፡

Share and Enjoy !

Shares
Related stories   ሰብአዊ መብት ኮሚሽን ማጣራቱ ሱዳን የተሰደዱ ዜጎችን እንደሚያካትት አስታወቀ፤ መንግስትና አማራ ክልል በማይካድራ ጉዳይ ተኝተዋል
0Shares
0