“Our true nationality is mankind.”H.G.

“ኢትዮጵያን የውስጥና የውጭ ጠላቶች ግንባር ፈጥረው ሊያጠፏት የተነሱበት ወቅት ላይ እንገኛለን፤ ሁሉም አንድ መሆን ይገባዋል – የጦር ኃይሎች ጠቅላይ ኢታማዦር ሹም

ኢትዮጵያ ዛሬ ከአውሮፓ፣ ከአጎራባች አገራት፣ ከአሜሪካና ከግብጽ እንዲሆም በአገር ውስጥ ባሉ የተገዙ አካላት ህልውናዋን አደጋ ላይ ለመታል የተቀናጀ ወረራ እየተፈጸመባት ነው። ዜጎች ምርጫ ሳይቀር እንዳያካሂዱ ጫና እየተደረገባቸው ይገኛል። ይህ አሳሳቢ ጊዜ ላይ ነው የጦር ሃይሎች ኤታማዦር ሹም ጥሪ ያቀረቡት። ማሳሰቢያ የሰጡት።

በጥሪያቸው “ኢትዮጵያ ከመቼውም ጊዜ በላይ የውስጥና የውጭ ጠላቶች ግንባር ፈጥረው የተነሱባት አገር በመሆኗ ኢትዮጵያን ለማዳን ሁሉም አንድ መሆን ይገባዋል ” ነው ያሉት።

የጦር ኃይሎች ጠቅላይ ኢታማዦር ሹም ጄኔራል ብርሃኑ ጁላ ለመላው ኢትዮጵያ ሕዝብ ጥሪ ያቀረቡት የአገሪቱ የደህንነት ካውንስል፣ የኢኮኖሚ ኮሚቴና ጠቅላይ ሚኒስትር አብይ በተከታታይ ያስተላለፉትን ጥሪና ማሳሰቢያ የሚያጎላ ሆኗል።

Related stories   የመ/ሰራዊትን መለያ ለብሶ ከሱዳን ወደ ወልቃይት ሊገባ የነበረ የትህነግ የሽብር ሃይል ተደመሰሰ፤

ጀነራሉ ጥሪውን ያስተላለፉት የኢፌዲሪ ባህር ኃይል የማዕረግ፣ የአርማ፣ የደንብ ልብስና የመሠረታዊ ባህረኞች ማሰልጠኛ ማዕከሉ ግንባታ በቢሾፍቱ ይፋ ባደረገበት ወቅት ነው።

“ኢትዮጵያ የውስጥና የውጭ ጠላቶች ግንባር ፈጥረው የተነሱበት ወቅት ላይ እንገኛለን”ያሉት ጠቅላይ ኤታማዦር ሹሙ፤ እነዚህ ጠላቶች አገሪቷን በማዳከም ከችግር እንዳትወጣ፣ ታላቅነቷን አስጠብቃ እንዳትሄድ እየሰሩ መሆኑንን አስገንዝበዋል።

በዚህም በኢትዮጵያ በተለያዩ ቦታዎች የሚፈጠሩትን ግጭቶች ሰራዊቱ በየቦታው እየሄደ እያመከነ ይገኛል ነው ያሉት። ይህ ሁሉ ትንኮሳ፣ ማናቆርና ህብረተሰቡን እርስበርሱ ማባላት ኢትዮጵያን ለማዳከም ነው ሲሉ ተናግረዋል። ፍላጎቱም አገሪቷ ስትዳከም ባላት ሃብት እንዳትጠቀም ማድረግ ነው ብለዋል።

Related stories   “የግድቡ ግንባታ ውሃ ይቀንስብኛል የሚለው የግብጽ ጩኸት የማጭበርበሪያና የተለመደ የሃሰት ክስ ነው››

“ከመቶ ዓመታት ጀምሮ ኢትዮጵያን ለማዳከም የሚሰሩ ኃይሎች ዛሬ ተጠናክረው አገራችን ላይ ዘምተዋል” ብለዋል ጠቅላይ ኤታማዦር ሹሙ። ባንዳዎችን ይዘው አገር ለማፍረስ እየተንቀሳቀሱ ያሉትን እነዚህን ኃይሎች በውጭ ወራሪ እንደማንቻል ስለሚያውቁ ከውስጣችን ሊያፈራርሱን ያስባሉ ነው ያሉት።

“ህዝቡ ከሰራዊቱ ጎን በመቆም የተደገሰውን ለማክሸፍ መታገል ይኖርበታል” ሲሉም አሳስበዋል። “ኢትዮጵያን ለማዳን ሁላችንም አንድ መሆን ይገባናል፤ተሳስተው የጠላት መሳሪያ የሆኑ አካላትም ቆም ብለው ማሰብ እንደሚገባቸውና ለሃገራቸው ጥፋት እየደገሱ ለሌሎች ታሪካዊ ጠላቶች በር መክፈት የለባቸውም ነው ያሉት።

Related stories   ወደ ድርደር ? ከታንክ ወደ አህያ የወረደው ትህንግ በማን ሊወከል?

ሰራዊቱም ደግሞ ኢትዮጵያን ለመጠበቅ በቁርጠኝነት እንደሚሰለፍና ኢትዮጵያ ወደፊት እንደምትራመድ ይህንንም ችግር እንደምትሻገር አስረድተዋል። ህብረተሰቡም ኢትዮጵያን ለመጠበቅና ከውጭ ወራሪዎች ለመከላከል አንድ ሆኖ እንዲቆም ጥሪ ማቅረባቸውን ኢዜአ ዘግቧል።

Share and Enjoy !

Shares
0Shares
0